Святой апостол Андрей Первозванный

Святой апостол Андрей Первозванный

размещено в: Праздничные даты Православия | 0

Дни памяти: 13 декабря, 28 декабря – Собор Крымских святых, 3 июня – Собор Карельских святых, 13 июля – Собор славных и всехвальных 12-ти апостолов.

Святой апостол Андрей был братом апостола Петра. Так же, как и старший брат, он занимался с отцом рыбной ловлей, но не был так привязан к семейной жизни и мирским удовольствиям. Презирая суету мира сего, он предпочел девство брачной жизни. Недолго Андрей оставался и в родительском доме. Когда проповедь Иоанна Крестителя огласила Иордан, Андрей пошел к Крестителю и стал его учеником. Вскоре после этого он последовал и за Христом.

Однажды Иоанн Креститель стоял со своими учениками на берегу Иордана. В это время Иисус после сорокадневного поста в пустыне и победы над искусителем возвращался из уединения. Иоанн, не раз говоривший о Нем своим ученикам, указал на Него и воскликнул: «Се Агнец Божий, Который берет на себя грех мира». На другой день Иоанн с двумя учениками, Андреем и Иоанном, опять стоял у Иордана. Увидев идущего мимо них Иисуса, он повторил свое прежнее свидетельство о Нем. «Се Агнец Божий», – сказал Креститель. Эти слова были как бы особенным указанием для учеников Крестителя. Они тотчас оставили учителя своего и пошли за Христом. Иисус, обратившись и увидев, что они идут за Ним, спросил: «Что вам надобно?» Они отвечали на это: «Учитель, где Ты живешь?» В их словах слышалось желание идти за Христом. «Идите и увидите», – отвечал им Господь. Они пошли за Христом и провели у Него весь этот день (Ин.1:29–40). Это было первое призвание Христом учеников. Святой апостол Андрей поэтому и получил наименование Первозванного. После этого он был еще раз призван Христом. Это было после чудесной ловли рыбы на озере Галилейском. Всех объял ужас при виде этого чуда. Тогда Господь, обратившись к рыбакам сказал: «Идите за Мною, – Я сделаю вас ловцами человеков», – и Святой Андрей с братом своим Симоном-Петром, оставив сети, последовали за Христом (Мк.1:16–18; Мф.4:18–20; Лк.5:1–11). С этого времени Святой Андрей уже неотступно был с Господом.

Когда после Вознесения Господня все апостолы разошлись с благовестием по разным странам, и Святой Андрей отправился на проповедь учения Христова. Главным местом его проповеди была Малая Азия и собственно – побережье Черного моря. Много скорбей и страданий за имя Христово претерпел здесь Святой Андрей, но, укрепляемый силой Божией, он с радостью перенес все бедствия. Самые большие мучения он испытал в Пафлагонском городе на берегу Черного моря. Там его влачили за руки и за ноги, без пощады били палками, бросали в него камнями, вырывали пальцы и зубы. Только благодатью Христовою Святой апостол остался жив и невредим от ран. Мужественное терпение, с которым он переносил страдания, значительно умножило число верующих в Синопе.

Из Синопа Святой Андрей пошел на восток по берегу Черного моря и пришел в Амосию. В первую субботу по прибытии сюда Андрей вошел в еврейскую синагогу и обратился к присутствующим с проповедью о Христе. Окончив речь, он тотчас же удалился из синагоги, оставив своих слушателей одних размышлять о сказанном. На улице апостола окружили с больными и бесноватыми: молва о нем, как о великом целителе, уже успела достигнуть Амосии из Синопа, где он совершил множество исцелений. Прежде чем подать исцеление, Святой Андрей обратился к народу со словом, убеждая познать Истинного Бога. После этого он начал исцелять принесенных недужных. Тогда множество жителей Амосии, и бедных, и знатных, и здоровых, и больных, обратилось ко Христу. Устроив церковь в Амосии, сам апостол отправился в город Трапезунт на берегу Черного моря. Народ здесь жил грубый и неохотно внимал проповеди Евангелия – слову мира и любви.

Отсюда Святой Андрей направился в закавказские области, долго пребывал в Иверии, насаждая там веру Христову. Зайдя потом на непродолжительное время в Армению, он прошел Вифанию, лежащую на берегу Черного и Мраморного морей. В Вифании Святой Андрей посетил многолюдный город Никею, жители которого приняли апостола очень грубо. Сначала мало успеха имела здесь его проповедь о Христе. Но когда Святой Андрей умертвил своим жезлом страшного дракона, который жил в пещере недалеко от города и пожирал путников, тогда, изумленные этим чудом, жители Никеи во множестве уверовали во Христа. Проповедь апостола и исцеления недужных тогда стали умножать число верующих в Никее и ее окрестностях. Здесь Святой Андрей пробыл два года, насаждая веру Христову. Устроив христианский храм на месте еврейской синагоги и поставив епископа для новой христианской Церкви, сам апостол отправился в приморский город Халкидон, при входе в Босфорский залив. Здесь проповедь апостола имела большой успех. Оставив в Халкидоне епископом одного из своих учеников, Святой апостол Андрей переправился в Европу, в греческую область Фракию. На самом берегу моря там лежало селение Византия, впоследствии славный и знаменитый город Константинополь. Здесь Святой Андрей первый проповедовал учение Христово. Научив жителей Византии вере Христовой, поставив для новой Церкви священников и диаконов и рукоположив епископом ученика своего Стахия, Святой апостол возвратился в Малую Азию, где продолжил свои апостольские труды.

Потом Святой Андрей пошел на север. Он посетил Иверскую землю, Сванетию и Осетию и пошел по горам Кавказа. После этого он остановился в городе Воспор, столице Воспорского царства у Киммерийского пролива, где нынешний полуостров Тамань. Здесь Святой Андрей оставался довольно долго, проповедуя учение Христово и совершая бесчисленное множество чудес и исцелений. Отсюда он направился к южному берегу Тавриды, т. е. нынешнего Крыма. Проповедуя везде на пути, Святой Андрей на более продолжительное время останавливался в Тавриде в городах Феодосии и Херсонесе. Из Тавриды он пошел к северу и по Днепру поднялся к Киевским горам. Переночевав у их подножия, апостол наутро сказал бывшим с ним ученикам: «Видите ли горы эти? Поверьте мне: на них воссияет благодать Божия, и будет здесь великий город. Господу угодно воздвигнуть тут множество церквей и просветить Святым Крещением все эти страны». Войдя на горы, Святой апостол благословил их и водрузил на них крест, предвещая этим, что земля та получит веру Христову от Церкви Византийской, которую он основал. По преданию, Святой апостол прошел и дальше на север от Киевских гор и был на том месте, где в настоящее время находится Новгород. После этого он посетил страны, лежащие на берегу Балтийского моря, и отправился в Рим. Отсюда Святой Андрей вернулся опять в Грецию. Он обратил ко Христу область Эпир, на берегу Адриатического моря, и снова посетил Фракию. Здесь Святой апостол утверждал христиан в вере, поставлял им епископов и священников. Обойдя многие области Греции, он достиг Пелопоннеса и пришел в город Ахайской области Патры, где ему суждено было пострадать и умереть за имя Христово.

В Патрах Святой апостол Андрей поселился в доме некоего Сосия. Вскоре этот Сосий сильно занемог и был уже при смерти, но Святой Андрей исцелил его от лютой болезни. Слух о чудесном исцелении быстро распространился по городу. Множество больных принесено было к апостолу, и он всех их исцелял возложением рук. Все чудесно исцеленные обращались ко Христу, и другие, видя эти чудеса, уверовали во Христа, так что скоро почти весь город был просвещен верой Христовой. Между уверовавшими была Максимилла, жена Егеата, правителя города, получившая от апостола исцеление, и брат Егеата, ученый Стратоклий. Но сам Егеат оставался в заблуждении и принуждал христиан приносить жертвы идолам.

Однажды Святой Андрей встретился с Егеатом на дороге и сказал ему: «Тебе, судии земному, следовало бы познать Судию Небесного и отвратиться от идолов». Егеат, не знавший еще в лицо апостола, но много, слышавший о нем, с любопытством спросил: «Не ты ли Андрей, разоряющий храмы богов и проповедующий людям ту недавно появившуюся веру, которую повелели истребить римские императоры?» – «Римские императоры еще не познали, – с внушительной строгостью отвечал апостол, – что для спасения рода человеческого пришел на землю Сын Божий. Он явно показал, что идолы не только не боги, а, напротив, нечистые бесы и враги людям, потому что научают людей тому, что прогневляет Бога и отвращает Его от человека. А от кого Бог отвратит милость Свою, того эти бесы пленяют в рабство себе, и до тех пор обольщают его, пока душа не отойдет от тела, не имея при себе ничего, кроме своих грехов». Егеат презрительно усмехнулся и сказал: «Пустые басни проповедовал ваш Иисус, и за них-то иудеи пригвоздили Его ко Кресту». – «О, если бы захотел ты познал тайну Креста! – с воодушевлением воскликнул Андрей. – Создатель наш, по любви Своей к нам, претерпел крестную смерть не неволею, но по Своей воле, чему я сам был свидетелем. Он наперед знал время страданий Своих и предсказал нам, что в третий день воскреснет. На последней вечери, возлежа с нами, возвестил Он нам о Своем предателе, говорил о будущем, как о прошедшем, и добровольно пришел на то место, где, как известно Ему было, будет предан в руки иудеям». – «Удивляюсь, – нетерпеливо перебил апостола Егеат, – удивляюсь, как ты, будучи человеком умным, следуешь Тому, Который, волею ли или неволею, но распят на кресте, как и сам сознаешься». – «Велико таинство святого Креста! – благоговейно воскликнул Святой Андрей. – Если желаешь знать его, я объясню тебе». – «Крест не таинство, но казнь злодеям», – надменно возразил Егеат. «Нет, – с живостью сказал Андрей, – эта казнь есть тайна обновления человечества. Выслушай меня терпеливо». Апостол надеялся, что, быть может, слова хоть сколько-нибудь подействуют на закоренелого язычника. Но трудно было подействовать на Егеата. «Хорошо, – сказал он, как бы уступая, – послушаю тебя, но если потом не исполнишь того, что приказываю, ту же тайну креста понесешь и на себе». Апостол твердо отвечал: «Если бы я боялся крестной казни, то не стал бы прославлять Креста». – «Как по безумию прославляешь Крест, так по дерзости не боишься и смерти», – презрительно возразил Егеат. «Не по дерзости, но по вере не боюсь смерти, – кротко отвечал Андрей, – честна смерть праведников, и люта смерть грешников. Мне бы желательно, чтобы ты выслушал, что скажу о тайне крестной: познав истину, уверуешь и, уверовав, обретешь душу свою». – «Обретается только то, что потеряно, – улыбаясь, возразил Егеат, – ужели и душа моя потеряна, что ты велишь обрести ее верой, не знаю какой!» – «Всему этому можешь научиться от меня, – начал говорить апостол, – и покажу тебе погибель душ человеческих, чтобы мог ты познать их спасение Крестом. Первый человек древом преслушания ввел смерть, и нужно было древом страдания изгнать смерть. Виновник смерти, первый человек, был создан из чистой земли: от чистой Девы надлежало родиться Совершенному Человеку, создавшему первого человека, Христу, Сыну Божию, и обновить жизнь вечную, погубленную человеческим родом. Древом Креста низложив древо похотения, к которому простер руки первый человек и впал в грех, надлежало Ему, Сыну Божию, за невоздержание рук человеческих простереть на Кресте Свои неповинные руки, за сладкую пищу запрещенного древа вкусить на Кресте желчь и, прияв на Себя смерть нашу, даровать нам Свое бессмертие».

Выслушав спокойно слова апостола, Егеат с решительным видом сказал: «С этими речами обращайся к тем, кто готов тебя слушать, а что до меня, то, если не исполнишь моего повеления и не принесешь жертвы богам, прикажу бить тебя пешками и потом распять на кресте, который так прославляешь». Святой Андрей твердо и торжественно отвечал: «Единому Истинному и Всесильному Богу приношу я каждый день жертву. Приношу не дым кадильный, не мясо волов, не кровь козлов, но непорочного Агнца, принесшего Себя на алтаре крестном. Все верующие причащаются Его Пречистого Тела и Крови Его, однако Агнец Этот всегда жив и невредим, хотя Он подлинно повсюду закалается». – «Как же это может быть?» – с недоумением спросил Егеат. «Если хочешь узнать, – отвечал апостол, – то согласись быть учеником, и узнаешь то, о чем спрашиваешь». – «Я выпытаю это от тебя муками», – воскликнул Егеат с раздражением. «Дивлюсь, – осторожно возразил Андрей, – дивлюсь, что ты – человек умный, а говоришь безумно. Можно ли тайны Божии выпытать муками? Ты слышал от меня таинство Креста, таинство жертвы. Когда уверуешь, что Христос, Сын Божий, распятый иудеями, есть Истинный Бог, тогда открою тебе, как убитый – жив, как приносимый в жертву и вкушаемый – пребывает невредимым». – «Как же Он может быть жив, невредим, – с удивлением спросил Егеат, – когда, как ты говоришь, и убит и съеден людьми?» – «Если будешь веровать всем сердцем во Христа, – продолжал апостол, – то будешь способен узнать эту тайну, а не уверовав – не узнаешь ее никогда!» Егеат наконец не выдержал. Он сильно разгневался на апостола и велел заключить его в темницу. Множество народа собралось там. Все хотели убить Егеата и освободить Святой Андрея из темницы. Но Святой апостол удержал народ от возмущения. Он убеждал не производить мятежа и не препятствовать мучителям, говорил, что не нужно бояться временных земных страданий, что после них человек переходит к вечной радости, в Царство Христово. Всю ночь учил народ Святой Андрей.

Утром Егеат пришел в судилище и велел привести апостола. «Надумался ли ты, – спросил его правитель города, – надумался ли оставить свое безумие и не проповедовать Христа, а через это иметь возможность вкушать веселье с нами в этой жизни? Нужно быть уже слишком безумным, чтобы добровольно идти на мучения и в огонь». – «Тогда только могу возвеселиться с тобой, – отвечал Святой Андрей, – когда уверуешь во Христа и отринешь идолов. Самим Христом я послан в эту страну, и немалое число людей приобрел Ему здесь». – «Для того, – сказал Егеат, – для того и принуждаю я тебя принести жертвы идолам, чтобы прельщенные тобой оставили твое вредное учение и принесли богам жертвы. Ведь нет ни одного города в Ахаии, в котором не запустели бы храмы богов. Вот ты теперь и должен восстановить их честь, чтобы прогневанные тобой боги тобой же были и умолены. Тогда и мы возлюбим тебя, как друга. А если не принесешь жертв, то примешь различные муки и будешь повешен на прославляемом тобою кресте». Так злочестивый правитель убеждал апостола, но он был непреклонен. С воодушевлением сказал он Егеату: «Послушай, сын смерти, послушай меня, слугу Господня и апостола Христова: до этого времени я кротко говорил с тобой, желая научить тебя святой вере, чтобы ты, как имеющий ум, познал истину, оставил идолов и поклонился Богу, живущему на небесах. Но ты все остаешься в своем бесстыдном заблуждении и думаешь, что страшусь мук твоих, – так готовь же их, готовь самые ужасные, какие только знаешь: чем тяжелее будут муки, тем угоднее буду я Царю моему Небесному».

Разгневанный Егеат велел растянуть Святой Андрея на земле и троим приказал бить его. Семь раз сменялись бившие, приходя в совершенное изнеможение. Наконец подняли апостола и снова привели в судилище. Егеат опять принялся убеждать его. «Послушайся меня, Андрей, – говорил он, – послушайся и не проливай напрасно своей крови. Говорю тебе, и в последний раз, что если ты сейчас же не послушаешься меня, то распну тебя на кресте». Святой апостол твердо отвечал: «Я – раб Креста Христова! Не только не боюсь я крестной смерти, но и желаю вкусить ее. Я более сокрушаюсь о твоей погибели, чем о моих страданиях: они через день-два окончатся, а твои муки не будут иметь конца по прошествии и тысяч лет, если не уверуешь во Христа. Не увеличивай же себе мук, не раскаляй сам для себя огня вечного, обратись, пока не поздно». Тогда Егеат приказал распять на кресте Святой апостола, но не прибивать его ко кресту гвоздями, а привязать за руки и за ноги, чтобы он дольше оставался жив и терпел ужасные мучения.

Когда привели Святой Андрея на распятие, отовсюду стал собираться народ. «Что сделал этот праведный человек, друг Божий? За что ведут его на распятие?» – слышались возгласы народа, почитавшего Святой апостола и негодовавшего на мучителей. Святой Андрей убеждал народ не препятствовать его страданию, он бодро шел на место мучения, не переставая все время учить народ. Но вот он издали увидел приготовленный для него крест и радостно воскликнул: «Радуйся, о кресте, радуйся, телом Христовым освященный и членами Его, как драгоценным жемчугом, украшенный! Страшен ты был людям, пока не был распят на тебе Христос, теперь ты любезен нам, и мы с восторгом принимаем тебя. Знают верные, какое внутреннее веселие ты даруешь им, и какая награда приготовлена за тебя. Я смело и радостно иду к тебе, и ты с веселием прими меня: я ученик Того, Кто на тебе был распят, прими меня, который всегда любил тебя и желал тебя обнять. Ты, приобретший красоту и благолепие от членов Господних, всегда вожделенен для меня, всегда пламенно любим мною. Непрестанно я искал тебя, и только теперь, по желанию сердца моего, обретаю тебя. Возьми меня от людей и передай моему Учителю, пусть от тебя примет меня Тот, Кто тобою искупил меня!» Так в духовном восторге говорил Святой апостол. Сняв с себя одежды, он отдал их мучителям. Распинатели привязали руки и ноги апостола веревками и так распяли его. Крест этот имел особую форму – буквы «X» – и называется поэтому Андреевским.

Около креста собралось до 20 тысяч человек, и все до глубины души были возмущены поступком Егеата. Стоял тут и брат Егеата, Стратоклий, и он вместе с народом восклицал: «Несправедливо страдает этот святой муж!» Андрей же в продолжение двух дней учил собравшийся около него народ. Наконец негодование народа сильно возросло, и все громко восклицали: «Не должно страдать так святому человеку, учителю доброму, кроткому и премудрому. Надобно снять его со креста, ибо вот уже другой день, распятый, не перестает он учить людей правде!» Тогда Егеат, убоявшись народа, пошел сам снять Андрея со креста. «Для чего ты пришел, Егеат? – обратился к нему Святой Андрей. – Если хочешь верить во Христа, то, как я обещал, отверзется тебе дверь благодати Христовой. Но если пришел ты только затем, чтобы снять меня со креста, то знай, что, пока я жив, не могу быть снятым с него. Я уже вижу Царя нашего, уже поклоняюсь Ему, уже стою перед Ним. Сожалею только о тебе, Егеат, потому что тебя ждет самим же тобой уготованная вечная погибель. Позаботься о себе, пока еще есть время, а после и пожелаешь спасения, будет уже поздно».

Слуги Егеата по его приказанию хотели снять апостола с креста, но не могли и прикоснуться к нему. Также многие из народа безуспешно пытались помочь, но у каждого замирали руки. Наконец Святой Андрей громко воскликнул: «Господи Иисусе Христе! Не попусти снять меня со креста, на котором распят я ради имени Твоего. Прими меня, мой Учитель: Тебя возлюбил я, Тебя я познал, Тебя исповедую я, Тебя я пламенно желаю видеть. Господи! Прими дух мой с миром: уже настало для меня время прийти к Тебе и узреть Тебя, желанного. Возьми меня, Учитель добрый, и допусти снять меня со креста тогда только, когда примешь дух мой». Когда Святой Андрей так молитвенно взывал, внезапно совершилось чудо, видимое всем народом. Как будто яркая молния, озарил Святой Андрея с неба свет, который сиял так светозарно, что окружающие не могли смотреть на апостола. Целые полчаса озарял Святой Андрея этот чудный небесный свет. Когда он исчез, в то же время и Святой апостол испустил дух и отошел ко Господу.

Жена Егеата, Максимилла, обращенная ко Христу Святой Андреем, узнав, что Святой апостол отошел ко Господу, с честью сняла со креста тело его, помазала драгоценными ароматами и положила в новом гробе. Между тем Егеат не был вразумлен чудом и помышлял об отмщении. Он хотел всенародно казнить восставших на него, а Максимиллу, как женщину знатного, сенаторского рода, оклеветать перед царем, но умер в страшных мучениях прямо посреди города. Тотчас известили об этом брата его Стратоклия, веровавшего во Христа, и он приказал похоронить брата, но не взял ничего из его имения. «Не дай мне, Господи Иисусе Христе, – сказал он, – не дай мне прикоснуться к чему-либо из принадлежавшего брату моему, чтобы не оскверняться грехом его, осмелившегося убить апостола Христова». Весь город был в ужасе от совершившегося, и все единодушно обратились ко Христу. Это случилось 30 ноября, и этот день Святой Церковь посвятила празднованию памяти Святой апостола Андрея.

По прошествии многих лет со времени кончины Святой Андрея Святой мощи его по повелению Константина Великого, были перенесены Святой мучеником Артемием в Константинополь и положены, вместе с мощами Святой евангелиста Луки и Святой апостола Тимофея, в храме во имя свв. апостолов внутри священного жертвенника. Во время пятого крестового похода, когда крестоносцы овладели Константинополем, папский легат Петр, с позволения папы Иннокентия III, перенес мощи Святой апостола Андрея в Италию в свой родной город Амальфу. Они были принесены сюда с великим торжеством 8 мая, и этот день свято празднуется там и до настоящего времени. Но Святой глава апостола оставалась в Ахаии, у владетелей Морейских. Последний из них, Фома, брат греческого императора, отец великой княгини Софии, супруги русского великого князя Иоанна III, перенес честную главу апостола в Рим, где она находится и в наше время в храме Святой Петра. Кисть правой руки Святой Андрея, со сложенными тремя перстами, находится в Москве в Успенском соборе. Ее принес в благословение царю Михаилу Феодоровичу от Вселенского патриарха Парфения архимандрит Солунский Галактион. Патриарх Всероссийский Иоаким обличал ею раскольников в их неправильном сложении креста. Не так давно патриарх Иерусалимский Афанасий через архиепископа Иерофея, впоследствии патриарха Антиохийского, прислал в дар Святой Синоду часть от мощей Святой Андрея из Иерусалима. Эта часть мощей теперь хранится в серебряном ковчеге в Синодальной палате.

Источник: Жизнь и труды апостолов – К.: Типография Киево-Печерской Лавры, 2012. – 488 с..

 

МОЛИТВЫ

Тропарь апостолу Андрею Первозванному, глас 4

Я́ко апо́столов первозва́нный/ и верхо́внаго су́щий брат,/ Влады́це всех, Андре́е, моли́ся/ мир вселе́нней дарова́ти// и душа́м на́шим ве́лию ми́лость.

Перевод: Как призванный первым из апостолов, и верховного Петра родной брат, Владыку всего мира моли, Андрей, да дарует Он мир вселенной и душам нашим великую милость.

Кондак апостолу Андрею Первозванному, глас 2

Му́жества тезоимени́таго Богоглаго́льника/ и Це́ркве возсле́дователя верхо́внаго,/ Петро́ва сро́дника восхва́лим,/ зане́ я́коже дре́вле сему́, и ны́не нам воззва́:// прииди́те, обрето́хом Жела́емаго.

Перевод: Соименного мужеству (от др.греч. Ἀνδρέας — мужественный) Богопроповедника и призванного первым из учеников Спасителя, родственника Петра восхвалим; ибо он, как некогда ему, и ныне нам возгласил: «Придите, мы нашли Желанного!» (Ин.1:40-41).

Величание апостолу Андрею Первозванному

Велича́ем тя,/ апо́столе Христо́в Андре́е,/ и чтим боле́зни и труды́ твоя́,/ и́миже труди́лся еси́// во благове́стии Христо́ве.

Молитва апостолу Андрею Первозванному

Первозва́нне апо́столе Бо́га и Спа́са на́шего Иису́са Христа́, Це́ркве после́дователю верхо́вный, всехва́льне Андре́е, сла́вим и велича́ем апо́стольския труды́ твоя́, сла́дце помина́ем твое́ благослове́нное к нам прише́ствие, ублажа́ем честна́я страда́ния твоя́, я́же за Христа́ претерпе́л еси́, лобыза́ем свяще́нныя мо́щи твоя́, чтим святу́ю па́мять твою́ и ве́руем, я́ко жив Госпо́дь, жива́ же и душа́ твоя́ и с Ним во ве́ки пребыва́еши на Небеси́, иде́же и лю́биши ны то́южде любо́вию, е́юже возлюби́л еси́ нас, егда́ Ду́хом Святы́м прозре́л еси́ на́ше е́же ко Христу́ обраще́ние, и не то́чию лю́биши, но и мо́лиши о нас Бо́га, зря во Све́те Его́ вся ну́жды на́ша. Та́ко ве́руем и та́ко сию́ ве́ру на́шу испове́дуем во хра́ме, и́же во и́мя твое́, святы́й Андре́е, пресла́вно созда́ся, иде́же святы́я мо́щи твоя́ почива́ют; ве́рующе же, про́сим и мо́лим Го́спода и Бо́га и Спа́са на́шего Иису́са Христа́, да моли́твами твои́ми, я́же при́сно послу́шает и прие́млет, пода́ст нам вся потре́бная ко спасе́нию нас гре́шных; да я́коже ты а́бие по гла́су Го́спода, оста́вль мре́жи своя́, неукло́нно Ему́ после́довал еси́, си́це и ки́йждо от нас да и́щет не свои́х си, но е́же к созида́нию бли́жняго и о го́рнем зва́нии да помышля́ет. Иму́ще же тя предста́теля и моли́твенника о нас, упова́ем, я́ко моли́тва твоя́ мно́го мо́жет пред Го́сподем и Спаси́телем на́шим Иису́сом Христо́м, Ему́же подоба́ет вся́кая сла́ва, честь и поклоне́ние со Отце́м и Святы́м Ду́хом во ве́ки веко́в. Ами́нь.

КАНОНЫ И АКАФИСТЫ
КАНОН СВЯТОМУ АПОСТОЛУ АНДРЕЮ ПЕРВОЗВАННОМУ

Пе́снь 1.
Ирмо́с: Твоя́ победи́тельная десни́ца боголе́пно в кре́пости просла́вися: та́ бо, Безсме́ртне, я́ко всемогу́щая, проти́вныя сотре́, изра́ильтяном пу́ть глубины́ новосоде́лавшая.

Смути́вшуюся мою́ ду́шу помышле́нии же и словесы́ очи́сти все́льшеюся в тя́, пропове́дниче Христо́в Андре́е, Боже́ственною благода́тию, я́ко да чи́сте источу́ ти́ пе́ние досто́йное.

Честно́е, Предте́ча Христо́в, свои́х ученико́в верхо́внейшее, от непло́дове прозя́бший, из Де́вы ро́ждшемуся Христу́ препросла́вленному, Андре́я, ра́дуяся, приведе́.

Жела́нием и любо́вию неукло́нною доброде́тели степе́ней наче́н и восхожде́нию при́сно поуча́яся, от немощны́я си́лы к верхо́внейшей, Андре́е, си́ле дости́гл еси́.

Богоро́дичен: Ра́дуйся, благода́ти исто́чниче; ра́дуйся, ле́ствице и две́ре небе́сная; ра́дуйся, све́щниче, и ста́мно злата́я, и горо́ несеко́мая, Я́же Жизнода́вца Христа́ ми́ру Ро́ждшая.

Пе́снь 3.
Ирмо́с: Еди́не Ве́дый челове́ческаго существа́ не́мощь и ми́лостивно в не́ вообра́жся, препоя́ши мя́ с высоты́ си́лою, е́же вопи́ти Тебе́, Святы́й: одушевле́нный хра́ме неизрече́нныя сла́вы Твоея́, Человеколю́бче.

Прите́кл еси́, жа́ждею не зва́н, Андре́е, но самово́льне жи́зни ко исто́чнику, я́коже еле́нь, и все́м, сего́ обре́т, пропове́дал еси́, и, пи́в, напои́л еси́ нетле́ния вода́ми иста́явшия жа́ждею концы́.

Уве́дев есте́ственныя зако́ны, Андре́е досточу́дне, и о́бщника сро́дника прия́л еси́, вопия́: обрето́хом жела́емаго и путесотвори́вшаго пло́ти рожде́ние, сказа́л еси́ ра́зум духо́вный.

Мре́жею сло́ва из глубины́ пре́лести улови́л еси́ слове́сныя ры́бы, апо́столе, и трапе́зе Христо́вей сне́дь чи́стую прине́сл еси́, просвеще́нныя благода́ти Я́вльшагося в подо́бии пло́ти.

Богоро́дичен: Бо́га заче́нши во утро́бе, Де́во, Ду́хом Всесвяты́м, пребыла́ еси́ неопа́льна, поне́же Тя́ купина́, законополо́жнику Моисе́ю пали́му, несожже́нна я́ве предвозвести́, о́гнь прии́мшую нестерпи́мый.

Седа́лен, гла́с 8.
Я́ко первозва́ннаго все́х ученико́в, и самови́дца Сло́ва, и служи́теля, Андре́е апо́столе, по до́лгу чти́м тя́, А́гнцу бо, взе́млющему грехи́ ми́ра, несомне́нною ве́рою те́пле после́довал еси́, отону́дуже и стра́сти Его́ о́бщник показа́лся еси́, пло́тию претерпе́вшаго на́с ра́ди во́льно сме́рть. Сего́ ра́ди вопие́м ти́: моли́ся Христу́ Бо́гу грехо́в оставле́ние пода́ти пра́зднующим любо́вию святу́ю па́мять твою́.

Сла́ва: И́дольская свире́пства низложи́в, Спа́совы стра́сти вожделе́в, Андре́е блаже́нне, показа́лся еси́ апо́стол, с небесе́ все́м точа́ чудеса́, и язы́ков бы́л еси́, всеблаже́нне, учи́тель. Те́м твою́ па́мять досто́йно чту́ще, в пе́снех сла́вим и ве́рно велича́ем, Госпо́день апо́столе, моли́ся Христу́ Бо́гу грехо́в оставле́ние дарова́ти пра́зднующим любо́вию святу́ю па́мять твою́.

И ны́не: Ра́дуйся, престо́ле огнезра́чный Бо́жий; ра́дуйся, Отрокови́це, седа́лище ца́рское, о́дре упещренопостла́нный, златопорфи́рный черто́же, хлами́до червленоша́рная, украше́нный хра́ме, молниено́сная колесни́це, свети́льниче многосве́тлый; ра́дуйся, Богоро́дице, двонадесятосте́нный гра́де, и две́рь златокова́нная, и черто́же светообра́зный, светлопозлаще́нная трапе́зо, богоукраше́нная ски́ние; ра́дуйся, сла́вная Неве́сто солнцека́плющая; ра́дуйся, еди́на души́ моея́ благоле́пие.

Пе́снь 4.
Ирмо́с: Го́ру Тя́, благода́тию Бо́жиею приосене́нную, прозорли́выма Авваку́м усмотри́в очи́ма, из Тебе́ изы́ти Изра́илеву провозглаша́ше свято́му, во спасе́ние на́ше и обновле́ние.

Боже́ственная, истреби́тельная го́ршаго вседе́тельнаго и светоза́рнаго Ду́ха си́ла, в тя́, Андре́е, все́льшися боголе́пне, о́гненнаго язы́ка во о́бразе, неизрече́нных показа́ тя́ пропове́дника.

Не ору́жия ко мще́нию взя́ше плотска́я и к низверже́нию кре́пких тверды́нь вра́жиих, Андре́й всечестны́й, но, Христо́м огради́вся, принесе́, плени́в, язы́ки в послуша́ние.

Го́ру тя́, ка́плющую разу́мное весе́лие, преесте́ственный Бо́г, осуществи́выйся е́же о на́с, Андре́е, яви́, го́ры го́рькия де́монскаго возноше́ния потребля́ющую си́лою Ду́ха.

Любо́вию соверша́ющия твою́ па́мять в пе́снех, от оби́льна да́ра Учи́теля твоего́, Христа́, Андре́е пребога́те, духо́внаго весе́лия вода́ми исполня́я не преста́й, моли́твами твои́ми.

Богоро́дичен: Пое́м ве́лие и стра́шное Твое́ та́инство, преми́рных бо утаи́вся чинонача́лий, на Тя́ при́сно Сы́й сни́де, я́ко до́ждь на руно́, Всепе́тая, на спасе́ние на́ше и обновле́ние.

Пе́снь 5.
Ирмо́с: Просвети́вый сия́нием прише́ствия Твоего́, Христе́, и освети́вый кресто́м Твои́м ми́ра концы́, сердца́ просвети́ све́том Твоего́ богоразу́мия правосла́вно пою́щих Тя́.

Восприя́л еси́, Его́же вожделе́л еси́, Андре́е апо́столе, в нетле́нных с Ни́м обита́в селе́ниих, трудо́в твои́х снопы́ пожа́в досто́йно, те́мже тя́ пе́сньми сла́вим.

Возлюби́л еси́ Влады́ку и Того́ во сле́д бы́стро поте́кл еси́, стопа́ми Его́ к жи́зни наставля́емь и страсте́й Того́ нелжи́во, прече́стне Андре́е, да́же до сме́рти подража́я.

Напря́г тя́, я́ко стрелу́ си́льну, блаже́нне, испусти́ в ве́сь ми́р Госпо́дь, ураня́я де́моны и злоче́стием уя́звленныя челове́ки врачу́я.

Богоро́дичен: Веселя́тся небе́сныя си́лы, зря́ще Тя́, ра́дуются с ни́ми и челове́ческая собра́ния, Рождество́м бо Твои́м соедини́шася, Де́во Богоро́дице, Тя́ досто́йно сла́вяще.

Пе́снь 6.
Ирмо́с: Обы́де на́с после́дняя бе́здна, не́сть избавля́яй, вмени́хомся, я́ко о́вцы заколе́ния, спаси́ лю́ди Твоя́, Бо́же на́ш, Ты́ бо кре́пость немощству́ющих и исправле́ние.

Мо́ре жите́йское препла́вая в ладии́ теле́сней, вся́ческая пра́вящаго, Христа́, обре́л еси́ ко́рмчия, всеблаже́нне, и к Нему́, ра́дуяся, приста́л еси́, Андре́е всече́стне.

Ду́хи сло́вом прогоня́ются, неду́зи бе́гают, душе́вных же страсте́й мно́жество дале́че от неду́жных отгоня́ются, да́нною тебе́ от Бо́га, Андре́е, благода́тию.

Я́ко волна́ ти́хая, кро́тким ду́хом дви́жимь, блаже́нне, изсуши́л еси́ моря́ лука́вая многобо́жия Боже́ственными струя́ми и ре́ки богозна́ния все́м источи́л еси́.

Богоро́дичен: Веселя́тся о Тебе́, Де́во Пречи́стая, ро́да на́шего пра́отцы, Еде́м восприе́мше Тобо́ю, его́же преступле́нием погуби́ша, Ты́ бо Чи́стая и пре́жде Рождества́ и по Рождестве́ еси́.

Конда́к, гла́с 2.
Му́жества тезоимени́таго богоглаго́льника и Це́ркве возсле́дователя верхо́внаго, Петро́ва сро́дника восхва́лим, зане́ я́коже дре́вле сему́ и ны́не на́м воззва́: прииди́те, обрето́хом Жела́емаго.

И́кос:
Дре́вле у́бо Дави́д востяга́ет гре́шнаго, я́ко мене́, пове́дати Бо́жия благосло́вне оправда́ния, оба́че к ве́ре учи́т па́ки и слеза́ми мно́жайшими изглаго́льствует: дне́сь бо гла́с Его́ а́ще услы́шите, серде́ц не ожесточи́те, я́ко не́когда Изра́иль преогорчи́. Наво́дит же про́чее во псалме́: Го́сподеви вся́ земля́ воспо́йте, прииди́те, обрето́хом Жела́емаго.

Пе́снь 7.
Ирмо́с: Тебе́, у́мную, Богоро́дице, пе́щь разсмотря́ем, ве́рнии, я́коже бо о́троки спасе́ три́ Превозноси́мый, ми́р обнови́, во чре́ве Твое́м всеце́л, хва́льный отце́в Бо́г и препросла́влен.

Нелжи́во я́вственно испо́лнися обеща́ние Твое́, Христе́, бу́ри бо учени́к Тво́й боже́ственнейший, сло́вом запреща́я, на кро́ткую тишину́ преложи́, хва́льный отце́в Бо́же и препросла́вленный.

На у́мную Сио́на, апо́столе, взы́ти го́ру повеле́н, спасе́ния же прии́м ча́шу, ра́дуяся, подае́ши, преходя́ сме́ртию к боже́ственней жи́зни, хва́льнаго отце́в Бо́га и препросла́вленнаго.

Тя́ слове́сную реку́ показа́ боже́ственная вода́ жи́зни, преле́стныя ре́ки пото́ки изсуша́ющую, блаже́нне, пропове́дания и вопию́щия напая́ющую: хва́льный отце́в Бо́же и препросла́вленный.

Ты́ земноро́ден сы́й, апо́столе, преесте́ственно чудоде́йствуеши, любо́вию бо сраствори́вся, Тому́ после́довал еси́, возлюби́вшему тя́ Христу́, хва́льный, воспева́я, Бо́г и препросла́вленный.

Богоро́дичен: Тя́ Иа́ков, Богоро́дице, ле́ствицу проро́чески разуме́, Тобо́ю бо на земли́ Превыша́емый яви́ся челове́ком и поживе́, я́коже благоволи́: хва́льный отце́в Бо́г и препросла́вленный.

Пе́снь 8.
Ирмо́с: В пещи́ о́троцы Изра́илевы, я́коже в горни́ле, добро́тою благоче́стия чисте́е зла́та блеща́хуся, глаго́люще: благослови́те, вся́ дела́ Госпо́дня, Го́спода, по́йте и превозноси́те во вся́ ве́ки.

Светоно́сная и веселотво́рная луча́ врачева́ний, Андре́е, Христо́в апо́столе, осиява́ет на́с боже́ственная па́мять твоя́, вопию́щих: вся́ дела́ Госпо́дня, Го́спода по́йте и превозноси́те во вся́ ве́ки.

Челове́ческое естество́ получи́в, того́ превозше́л еси́ зако́ны, и ко а́нгельстей преше́л еси́ ски́нии, Андре́е апо́столе, и зове́ши: вся́ дела́ Госпо́дня, Го́спода по́йте и превозноси́те во вся́ ве́ки.

Е́же с высоты́ Ду́ха Бо́жия дохнове́ние тя́ пре́жде о́гненно просвети́, ри́тора, богоглаго́ливе, показу́ет те́пла, вопию́ща, апо́столе, Христу́ твоему́: вся́ дела́ Госпо́дня, Го́спода по́йте и превозноси́те во вся́ ве́ки.

Светолу́чен, я́коже мо́лния, во све́т язы́ков изше́л еси́, тму́ неве́дения отгоня́, и ве́рныя просвеща́я, зову́щия: благослови́те, вся́ дела́ Госпо́дня, Го́спода, по́йте и превозноси́те Его́ во ве́ки.

Богоро́дичен: Ра́дуйся, престо́ле сла́вы Бо́жия, ра́дуйся, ве́рных стено́, Е́юже Све́т су́щим во тме́ возсия́, — Христо́с, Тебе́ блажа́щим и вопию́щим: вся́ дела́ Госпо́дня, Го́спода по́йте и превозноси́те Его́ во ве́ки.

Пе́снь 9.
Ирмо́с: О́браз чи́стаго рождества́ Твоего́ огнепали́мая купина́ показа́ неопа́льная; и ны́не на на́с напа́стей свире́пеющую угаси́ти, мо́лимся, пе́щь, да Тя́, Богоро́дице, непреста́нно велича́ем.

Я́ко учени́к всеизя́щнейший, на кресте́ хоте́нием распе́ншемуся Влады́це твоему́ да́же до сме́рти после́дуя, возше́л еси́, ра́дуяся, на высоту́ креста́, идя́й ше́ствием на небеса́, блаже́нне апо́столе.

Две́рь Еде́ма тебе́ отве́рзеся, и предложи́ся ле́ствица небе́сная, и прия́ша тя́ небе́сныя оби́тели, и предста́л еси́, ра́дуяся, апо́столе, Христу́ Жизнода́вцу о ми́ре моли́твенник изя́щнейший.

Ра́вными просла́вился еси́ страда́ньми Учи́теля твоего́, блаже́нне Андре́е всему́дре, кресто́м бо боже́ственный коне́ц прия́л еси́ и прича́стием бо́г бы́л еси́. Те́мже тя́ мо́лим, о на́с при́сно моли́ся.

Ра́дуяся, дво́ице всеизря́днейшая, на небесе́х насле́довавши ны́не гражда́нство, назира́ете же венце́в произволе́ние, те́х побежда́ющи си́лу, и Боже́ственных дарова́ний просвеща́ете светлостьми́.

Богоро́дичен: Из ко́рене Дави́дова прозябла́ еси́ проро́ческаго, Де́во, и богооте́ческаго, но и Дави́да я́ко и́стинно Ты́ просла́вила еси́, я́ко ро́ждшая проро́чествуемаго Го́спода сла́вы, Его́же пою́ще, досто́йне велича́ем.

Свети́лен.
Сло́во Пребезнача́льное обре́т тя́, всеблаже́нне, первозва́нна показа́ все́х апо́столов, Андре́е приснопа́мятне, и Сего́ стопа́м возсле́дуя, показа́лся еси́ путево́ждь заблу́ждших, к небе́сному сия́ возводя́ боже́ственному ше́ствию.

Сла́ва: Петро́ва скро́вника, ученико́в пе́рвейшаго, самови́дца и слугу́ бы́вшаго Сло́ва, Андре́я апо́стола пресла́вно восхва́лим, язы́ки бо просвети́, и ра́спят бы́в, кончи́ну подъе́млет, я́ко учени́к Влады́ки.

И ны́не: Бо́га, Его́же родила́ еси́, Де́во всенепоро́чная, моли́ о все́х, благоче́стно Тя́ чту́щих, с первозва́нным Андре́ем улучи́ти боже́ственнаго осия́ния Твоего́ Сы́на и стоя́ния избра́нных и святы́х, и́бо мо́жеши, я́ко хо́щеши.

КАНОН СВЯТОМУ АПОСТОЛУ АНДРЕЮ ПЕРВОЗВАННОМУ (2-Й)

Пе́снь 1.
Ирмо́с: Столпо́м о́гненным и о́блачным Изра́иля наставле́й я́ко Бо́г, мо́ре разве́рже, колесни́цы же фарао́новы глубино́ю покры́, пои́м пе́снь побе́дную, я́ко еди́н просла́вися.

Тро́стию Ева́нгелия из глубины́ ле́сти изъе́мь, Андре́е многопе́тый, ты́ улови́л еси́ лю́ди, я́ко обеща́ Христо́с, научи́вый тя́ челове́ки, я́ко ры́бы, лови́ти.

И́же ве́ры сто́лп, седа́лище и́стинных догма́т Христо́вых, Андре́й богодохнове́нный вся́ дне́сь призыва́ет земны́я концы́ пра́зднество ле́тное соста́вити, стеце́мся у́бо, вси́ ве́рнии.

Морска́го ки́та мре́жами испыту́я, худо́жеством лове́ц мре́жею Ду́ха язы́ки, племена́ и лю́ди уловля́еши Ду́хом я́вственнее и вы́шнюю глубину́, многочу́дне, я́ве открыва́еши на́м.

Тайногра́дче небе́сный, самови́дче и ри́торе неизрече́ннаго позна́ния Христо́ва, прие́мый свы́ше Ду́ха Свята́го, глаго́люща в язы́цех Седя́щаго, огне́м разделя́юща дарова́ния, моли́ спасти́ся на́м.

Тро́ичен: Пребезнача́льныя Тро́ицы Еди́нице Пресу́щественней ве́рою покланя́юся, не разсеца́я Божества́, е́сть бо Единови́дна, Проста́, Неразде́льна, совокупля́ю же сию́ Существо́м, Ли́цы же ве́рне разделя́ю.

Богоро́дичен: Младе́нствует Бо́г из Де́вы и обновля́ет растле́вшияся из Ада́ма, разруша́ет же средосте́ние и вражды́ прегражде́ние пло́тию Свое́ю, кля́тву благословля́ет прама́тернюю, из Пречи́стыя Ма́тере проше́д.

Пе́снь 3.
Ирмо́с: Да утверди́тся се́рдце мое́ в во́ли Твое́й, Христе́ Бо́же, и́же над вода́ми не́бо утвержде́й второ́е и основа́вый на вода́х зе́млю, Всеси́льне.

Сло́вом призыва́ющему, — гряди́ во сле́д Мене́, — Христу́ а́бие после́дова со Андре́ем и Ки́фа, роди́теля оста́вивше, и ладию́, и мре́жи, я́ко ве́ры предусмотри́телие.

Ка́пища претвори́в в хра́мы Бо́жия, всече́стне, освяти́л еси́ в ни́х сы́ны креще́ния, я́же благода́ть обнови́ водо́ю и Ду́хом.

Би́сер многоце́нный та́инственне ми́ру предложи́л еси́, в селе́ се́рдца твоего́ сокрове́нный, апо́столе, его́же ве́рою сокро́вищствоваша язы́цы обре́тшии.

Я́ко сокро́вище, Ева́нгелие в ру́ки прии́м, многопе́те, всю́ обогати́л еси́ зе́млю Боже́ственныя про́поведи, те́мже и па́мять твою́ почита́ет со страда́нии твои́ми.

Тро́ичен: В Тро́ице еди́ну си́лу правосла́вне вси́ воспои́м, — Безнача́льнаго, Несозда́ннаго Бо́га, Единосу́щнаго, Сопресто́льнаго, Триипоста́снаго, Трисо́лнечнаго, — Сию́ воспева́юще.

Богоро́дичен: Вся́ка у́бо ма́ти, ча́до ро́ждши, не ктому́ де́вствовати мо́жет, Ты́ же, ро́ждши Христа́, Де́во Ма́ти, пребыла́ еси́, млекопита́ющи Жи́знь на́шу и чиста́ пребы́вши.

Седа́лен, гла́с 8.
Я́ко первозва́ннаго все́х ученико́в, и самови́дца Сло́ва, и служи́теля, Андре́е апо́столе, по до́лгу чти́м тя́, А́гнцу бо, взе́млющему грехи́ ми́ра, несомне́нною ве́рою те́пле после́довал еси́, отону́дуже и стра́сти Его́ о́бщник показа́лся еси́, пло́тию претерпе́вшаго на́с ра́ди во́льно сме́рть. Сего́ ра́ди вопие́м ти́: моли́ся Христу́ Бо́гу грехо́в оставле́ние пода́ти пра́зднующим любо́вию святу́ю па́мять твою́.

Сла́ва: И́дольская свире́пства низложи́в, Спа́совы стра́сти вожделе́в, Андре́е блаже́нне, показа́лся еси́ апо́стол, с небесе́ все́м точа́ чудеса́, и язы́ков бы́л еси́, всеблаже́нне, учи́тель. Те́м твою́ па́мять досто́йно чту́ще, в пе́снех сла́вим и ве́рно велича́ем, Госпо́день апо́столе, моли́ся Христу́ Бо́гу грехо́в оставле́ние дарова́ти пра́зднующим любо́вию святу́ю па́мять твою́.

И ны́не: Ра́дуйся, престо́ле огнезра́чный Бо́жий; ра́дуйся, Отрокови́це, седа́лище ца́рское, о́дре упещренопостла́нный, златопорфи́рный черто́же, хлами́до червленоша́рная, украше́нный хра́ме, молниено́сная колесни́це, свети́льниче многосве́тлый; ра́дуйся, Богоро́дице, двонадесятосте́нный гра́де, и две́рь златокова́нная, и черто́же светообра́зный, светлопозлаще́нная трапе́зо, богоукраше́нная ски́ние; ра́дуйся, сла́вная Неве́сто солнцека́плющая; ра́дуйся, еди́на души́ моея́ благоле́пие.

Пе́снь 4.
Ирмо́с: Ду́хом прови́дя, проро́че Авваку́ме, Словесе́ воплоще́ние, пропове́дал еси́, вопия́: внегда́ прибли́житися ле́том, позна́ешися, внегда́ приити́ вре́мени, пока́жешися. Сла́ва си́ле Твое́й, Го́споди.

Мре́жи твоя́ пове́рг и взе́м кре́ст, путе́м после́довал еси́ зову́щему Христу́, и мре́жу Ду́ха распросте́р, вме́сто ры́б челове́ки ло́виши. Сла́ва да́вшему ти́ Ду́ху.

Ду́ха пла́мень язы́ком прии́м, бы́л еси́, апо́столе, богоприя́тен му́ж, небе́сныя красоты́ обходя́, и я́же в те́х у́мная познава́я добро́ты, и на́м открыва́яй сия́.

Пусты́ню жа́ждущую напои́л еси́, му́дре, боже́ственными словесы́ твои́ми и показа́л сию́ многопло́дну, ча́да церко́вная плодонося́щую про́поведи се́мя. Сла́ва да́вшему ти́ Ду́ху.

Неизрече́нную твою́ добро́ту Андре́й предуви́дев, Иису́се, сро́дника призва́ све́тле: Пе́тре единокро́вне, обрето́хом Месси́ю, в зако́не и проро́цех пропове́даннаго, гряди́, прилепи́мся и́стинно жи́зни.

Тро́ичен: Тро́ицу во еди́нице воспои́м, ве́рнии, во еди́ном Божестве́ Отца́, и Сы́на, и Ду́ха Боже́ственнаго, существо́ еди́но и естество́ неразде́льне, неразлу́чне, неча́стне: еди́н бо в тре́х ли́цех Бо́г.

Богоро́дичен: Еди́наго от Тро́ицы неизрече́нно во чре́ве заче́нши, родила́ еси́ нетле́нно я́ко Сы́на, и Тро́ица у́бо прило́га отню́д не возыме́, и чиста́, я́коже бе́ и пре́жде рождества́, цела́, Богома́ти, пребы́вши.

Пе́снь 5.
Ирмо́с: Озари́ на́ш у́м, Бо́же, све́том за́поведей Твои́х, и све́тлостию благода́ти Твоея́, да́руя на́м, Бла́же, Твоя́ ми́лости, зане́ све́т и ми́р повеле́ния Твоя́.

Вожделе́вый креста́, Христо́в учениче́, получи́л еси́ кресто́м твои́м нетле́нное Ца́рство, к нему́же вся́ привле́кл еси́ кресто́м боготаи́нники, насле́дство подая́й богосло́вом того́.

Поиска́л еси́ Христа́, и́стинно Живота́, и взыска́в, пе́рвый обре́л еси́, обре́т же, та́йне прия́л еси́, и прие́м Сего́ в само́м да́вшем, и бы́л еси́ сокро́вище жи́зни нетле́нныя.

Глаго́лы твои́х боже́ственных греме́ний излия́шася в ми́ре и от крае́в до крае́в земли́ проидо́ша, окружи́ша бо, я́коже колесо́, и яви́шася твоя́ мо́лния, я́ко глаго́лет Дави́д, вселе́нней.

Помина́й на́с, Христо́в учениче́, соверша́ющих твою́ па́мять и чту́щих мо́щи твоя́, моли́ся при́сно приле́жно о па́стве, ея́же бы́л еси́ изнача́ла храни́тель и спасе́ние.

Тро́ичен: Отца́ и Сы́на и Ду́ха — Бо́га, неразде́льную Тро́ицу, триипоста́сное Ца́рство просла́вим согла́сно, ве́рнии, безпреста́нными богосло́вии, Сию́ ве́рно песносло́вяще.

Богоро́дичен: Родила́ еси́ Све́т, не ве́дущи ка́ко, всесве́тлый све́щниче Со́лнца светонося́щая, и была́ еси́ невеще́ственнаго Све́та но́вое прия́телище, точа́щее все́й земли́ богозна́ния зари́.

Пе́снь 6.
Ирмо́с: Проро́ка Ио́ну подража́я, вопию́: живо́т мо́й, Бла́же, свободи́, из тли́ и спаси́ мя́, Спа́се ми́ра, зову́ща: сла́ва Тебе́.

И́же из Вифсаи́ды изводи́мый, на́с пра́здновати созыва́ет, торжество́ свое́ предложи́в на́м изря́дства боре́ний свои́х.

Худо́жеством ры́барь, ве́рою же учени́к, я́ко глубину́ испыту́я сердца́ ве́рных, у́дицу низпуща́ет сло́ва и уловля́ет на́с.

Любве́ Христо́вы в се́рдцы твое́м о́гнь обнося́, учениче́, вопия́л еси́ язы́ком: пла́мень ва́ш угасе́, и́стинно я́вльшуся Христу́.

Со́лию у́м осоли́вше Христо́вою, я́ди ва́ша услади́ша ва́м догма́ты небе́сныя и нетле́нныя сла́дости.

Тро́ичен: Отцу́ и Сы́ну и Ду́ху Пра́вому поклони́мся, ве́рнии, — триипоста́сному естеству́ неразде́льному, — вопию́ще: сла́ва в Тро́ице Бо́гу.

Богоро́дичен: Благоволе́нием Отца́ воплоти́ся Сы́н, Ду́хом Бо́жиим во утро́бе Твое́й, Чи́стая, и спасе́ пре́жний о́браз, Богороди́тельнице, я́ве.

Конда́к, гла́с 2.
Му́жества тезоимени́таго богоглаго́льника и Це́ркве возсле́дователя верхо́внаго, Петро́ва сро́дника восхва́лим, зане́ я́коже дре́вле сему́ и ны́не на́м воззва́: прииди́те, обрето́хом Жела́емаго.

И́кос:
Дре́вле у́бо Дави́д востяга́ет гре́шнаго, я́ко мене́, пове́дати Бо́жия благосло́вне оправда́ния, оба́че к ве́ре учи́т па́ки и слеза́ми мно́жайшими изглаго́льствует: дне́сь бо гла́с Его́ а́ще услы́шите, серде́ц не ожесточи́те, я́ко не́когда Изра́иль преогорчи́. Наво́дит же про́чее во псалме́: Го́сподеви вся́ земля́ воспо́йте, прииди́те, обрето́хом Жела́емаго.

Пе́снь 7.
Ирмо́с: Су́щим в пещи́ отроко́м Твои́м, Спа́се, не прикосну́ся, ниже́ стужи́ о́гнь. Тогда́ трие́, я́ко еди́неми усты́, поя́ху и благословля́ху, глаго́люще: благослове́н Бо́г оте́ц на́ших.

Всесвята́го Ду́ха о́гнь, соше́дый свы́ше, апо́столе Христо́в, язы́ки но́вы, и́миже никогда́ же веща́л еси́ ми́ра конце́м, повеле́ тебе́ глаго́лати вели́чия Его́.

Преудивля́ет вся́ку мы́сль про́поведь, ю́же воструби́сте земли́, таи́нницы Христо́вы и зри́теле вы́шних, я́ко еди́ни двана́десяте, тмы́ земли́ просвети́сте.

Удивле́на бы́сть, Влады́ко Христе́, благода́ть Твоя́ в богому́дрых ученице́х, я́ко ма́лии и простцы́ су́ще, всю́ зе́млю протеко́ша от коне́ц ея́ да́же до коне́ц все́х.

Кто́ научи́ тя́ та́ко глаго́лати, апо́столе? Кто́ просвети́ тво́й у́м, зре́ти я́сно непристу́пныя сла́вы зарю́, возсия́вшую и́стины све́т в сердца́х на́ших?

Тро́ичен: Тро́ически воспои́м, ве́рнии, сла́вяще Безнача́льнаго Отца́ и Сы́на и Ду́ха Пра́ваго, — еди́нственное существо́ еди́но, — Ю́же трегу́бо да воспои́м: Свя́т, Свя́т, Свя́т еси́ во ве́ки, ами́нь.

Богоро́дичен: Я́ко от Тро́ицы еди́наго Тя́, Христе́, сла́вим, я́ко из Де́вы воплоти́выйся кроме́ враще́ния, челове́чески вся́ поне́сл еси́, не отступи́в естества́ Оте́ческаго, Иису́се, а́ще и соедини́лся еси́ на́м.

Пе́снь 8.
Ирмо́с: На Сина́и купину́ горя́щу неопа́льну сохра́ншаго и о́троки посреде́ горя́щаго пла́мене изба́вльшаго, Бо́га по́йте, благослови́те и превозноси́те Его́ во ве́ки.

Худо́жеством ры́барства из мо́ря улови́л еси́ ры́бы, всему́дре, ны́не же ве́рою челове́ки ло́виши Христу́ от ле́сти вра́жия, глубина́ бо бе́ ле́сть иногда́, погружа́ющая язы́ки бу́рею неве́дения.

У́мную жития́ нево́лненно преплы́л еси́ глубину́, апо́столе, прелете́в ве́трилом Ду́ха, ве́рою Христо́вою. Те́мже и в приста́нище жи́зни дости́гл еси́, ра́дуяся, во вся́ ве́ки.

У́мному Со́лнцу, на дре́ве заше́дшу самовла́стною во́лею, и́же Со́лнца свети́льник сразреши́тися ища́й, и заити́ во Христа́, на дре́ве пове́шен бы́сть кре́стнем Андре́й вели́кий, свети́ло церко́вное.

О, учениче́ и люби́миче Христо́в и сочи́сленне апо́столов Его́! Егда́ на престо́ле ся́дет Судия́ с ва́ми двана́десятьми суди́ти, я́ко обеща́ние глаго́лет, бу́дите тогда́ на́м человеколю́бия стена́.

Тро́ичен: Трисве́тлую Еди́ницу и Тро́ицу Сопресто́льную возславосло́вим неразделя́юще, соединя́юще же Ю́ соесте́ственно, я́ко еди́но и́стинно существо́, соедине́нно в ли́цех тре́х неслива́емо.

Богоро́дичен: Су́ща от Тро́ицы Еди́наго заче́нши, родила́ еси́, воплоще́ннаго из Тебе́ и обновля́ющаго зако́ны естества́ Рождество́м Твои́м, Чи́стая, Того́ о на́с я́ко Бо́га при́сно моля́щи не преста́й, Богоро́дице.

Пе́снь 9.
Ирмо́с: Светоно́сный о́блак, в о́ньже все́х Влады́ка, я́ко до́ждь с небесе́ на руно́, сни́де и воплоти́ся на́с ра́ди, бы́в Челове́к, Безнача́льный, велича́ем вси́ я́ко Ма́терь Бо́га на́шего Чи́стую.

И́же мре́жу распростры́й та́инственнаго боговиде́ния и я́ко ры́бы в не́й улови́вый добро́тами небе́сных разуме́ний, моли́, свя́те, Святу́ю Тро́ицу источи́ти и на́м очище́ние.

Благодари́м язы́цы, тобо́ю просве́щшиися и от земли́ на небеса́ тобо́ю возведе́ннии, служе́ния бо вра́жия отсту́пльше, бы́хом соприча́стницы святы́х а́нгел, Госпо́дния же сла́вы о́бщницы.

Неизрече́нных самови́дцы и служи́телие Сло́ва, таинственново́дцы и зри́телие неизсле́дных, снасле́дником и на́м бы́ти моли́теся, апо́столи, Христо́ва ца́рствия и прича́стником Божества́ Его́.

Вяза́ти и реши́ти прие́мше от Христа́ вла́сть, разреши́те вся́ от у́з мно́гих прегреше́ний, егда́ прии́дет Христо́с и вси́ ся́дете двана́десять на престо́лех толи́цех суди́ти вся́ племена́ Изра́илева.

Тро́ичен: Триипоста́сное естество́ и неразде́льную сла́ву, в Божестве́ еди́ном пева́емую, непреста́нно на небеси́ и на земли́ Тро́ицу неразлу́чную просла́вим, с Сы́ном Отцу́ и Ду́ху покланя́ющеся благоче́стно.

Богоро́дичен: Под Твое́ благоутро́бие прибега́ющия ве́рою и покланя́ющияся благоче́стно Сы́ну Твоему́, Де́во Богороди́тельнице, Того́ я́ко Бо́га ми́ра и Го́спода моли́, от тле́ния и бе́д изба́вити и вся́ких напа́стей.

Свети́лен.
Сло́во Пребезнача́льное обре́т тя́, всеблаже́нне, первозва́нна показа́ все́х апо́столов, Андре́е приснопа́мятне, и Сего́ стопа́м возсле́дуя, показа́лся еси́ путево́ждь заблу́ждших, к небе́сному сия́ возводя́ боже́ственному ше́ствию.

Сла́ва: Петро́ва скро́вника, ученико́в пе́рвейшаго, самови́дца и слугу́ бы́вшаго Сло́ва, Андре́я апо́стола пресла́вно восхва́лим, язы́ки бо просвети́, и ра́спят бы́в, кончи́ну подъе́млет, я́ко учени́к Влады́ки.

И ны́не: Бо́га, Его́же родила́ еси́, Де́во всенепоро́чная, моли́ о все́х, благоче́стно Тя́ чту́щих, с первозва́нным Андре́ем улучи́ти боже́ственнаго осия́ния Твоего́ Сы́на и стоя́ния избра́нных и святы́х, и́бо мо́жеши, я́ко хо́щеши.

АКАФИСТ СВЯТОМУ АПОСТОЛУ АНДРЕЮ ПЕРВОЗВАННОМУ

Конда́к 1
Первозва́ннаго апо́стола Христо́ва, Ева́нгелия Свята́го пропове́дника, Росси́йския страны́ богодухнове́ннаго просвети́теля, Андре́я пресла́внаго, пе́сньми восхва́лим, стоя́ще на версе́ холма́, иде́же Кре́ст водрузи́ десни́ца его́, и ему́ я́ко Це́ркве возсле́дователю верхо́вному, в сле́д себе́ указа́вшему е́й пу́ть ко Христу́, во умиле́нии воззове́м:

Ра́дуйся, Андре́е, апо́столе Христо́в Первозва́нный.

И́кос 1
А́нгел благове́стник А́гнца Христа́, взе́млющаго грехи́ ми́ра, бы́л еси́ Андре́е апо́столе, и с Ни́м во ве́ки пребыва́еши на небеси́; отону́дуже и при́зри на пе́ния, приноси́мая тебе́ во хра́ме твое́м, на ме́сте, иде́же стоя́сте но́зе твои́, и я́ко бога́т сы́й благода́тию Бо́жиею, пода́ждь на́м сло́во бла́го, да зове́м ти́:

Ра́дуйся, денни́це от гра́да Вифсаи́ды на́м возсия́вшая;

ра́­дуй­ся равноче́стный бра́те верхо́внаго Петра́.

Ра́дуйся, учениче́ вели́каго Предте́чи Христо́ва;

ра́­дуй­ся пе́рвее про́чих апо́стол зва́нный ко апо́стольскому служе́нию от Самого́ Го́спода.

Ра́дуйся, я́ко и други́м с ра́достию воззва́л еси́: прииди́те, обрето́хом жела́емаго Месси́ю;

ра́­дуй­ся и на́с к Нему́ же приводя́й.

Ра́дуйся, Андре́е, апо́столе Христо́в Первозва́нный.

Конда́к 2
Учи́телю, где́ живе́ши? — вопроси́л еси́, Андре́е, Спа́са ду́ш на́ших и, с Ни́м пребы́в де́нь еди́н, возлюби́л еси́ на вся́ дни́ живота́ твоего́ обре́теннаго тобо́ю Месси́ю, и бра́та твоего́ старе́йшаго приве́л еси́ к Нему́. Те́мже и на́с, я́ко ме́ньшую бра́тию твою́, к Нему́ же не преста́й влещи́, да и мы́, после́дующе стопа́м твои́м, вопие́м Бо́гу: Аллилу́иа.

И́кос 2
Прови́дя в тебе́, святы́й Андре́е, ве́ры и любве́ пла́мень, Госпо́дь па́ки тя́ обре́те на е́зере Геннисаре́тсте, я́ко ры́баря, ку́пно с бра́том твои́м, вмета́юща мре́жи во глубину́, и рече́ ва́ма: гряди́та по Мне́, и А́з сотворю́ вы́ ловца́ челове́ком. — Ты́ же а́бие после́довал еси́ Ему́ и богодухнове́нным сло́вом, я́ко мре́жею, челове́ки улови́л еси́ Христу́, с ни́миже и мы́, уловле́ннии тобо́ю во спасе́ние, веща́ем ти́:

Ра́дуйся, я́ко от Самого́ Го́спода лови́тве духо́вней научи́лся еси́;

ра́­дуй­ся я́ко на то́м же е́зере с про́чими апо́столы обурева́емь бы́в, ве́рою спа́слся еси́ в Го́спода, запреща́ющаго ве́тром и мо́рю.

Ра́дуйся, стяжа́вый ве́лию ве́ру, егда́ ви́дел еси́ пречу́дное насыще́ние пяти́ ты́сящ пятию́ хле́бами;

ра́­дуй­ся да́р прия́вый от Го́спода цели́ти вся́к неду́г и вся́ку боле́знь.

Ра́дуйся, я́ко гла́с с небесе́ слы́шан бы́сть е́ллином, Христа́ тобо́ю узре́вшим;

ра́­дуй­ся я́ко на горе́ Елео́нстей открове́на бы́ша и тебе́ гряду́щая при кончи́не ми́ра.

Ра́дуйся, Андре́е, апо́столе Христо́в Первозва́нный.

Конда́к 3
Стра́нствия Влады́чня и Безсме́ртныя Трапе́зы на го́рнем ме́сте Сио́на наслади́вся, я́ко ве́рный дру́г Христо́в, вку́пе с про́чими апо́столы узре́л еси́ Го́спода и Бо́га твоего́, от Него́же и Ду́х Свя́т прия́л еси́, во е́же вяза́ти и реши́ти грехи́ людски́я. И па́ки, в то́йжде го́рнице Сио́нстей, оби́льное бы́сть на тя́ излия́ние обетова́ннаго Ду́ха во о́гненных язы́цех. Те́мже вся́ племена́ удиви́шася, ка́ко язы́ком и́х глаго́лал еси́ вели́чия Бо́жия, поя́: Аллилу́иа.

И́кос 3
От Го́спода за́поведь прии́м пропове́дати Ева́нгелие все́й тва́ри, обте́кл еси́ мно́гия гра́ды и страны́, апо́столе Андре́е, призыва́я лю́ди к позна́нию И́стиннаго Бо́га и крестя́ и́х во и́мя Отца́ и Сы́на и Свята́го Ду́ха; с ни́миже и мы́ сподо́бихомся благода́ти креще́ния. Сего́ ра́ди благода́рственная воспису́ем ти́:

Ра́дуйся, чуде́с Христо́вых провозве́стниче ве́рный;

ра́­дуй­ся свята́го Ева́нгелия пропове́дниче громогла́сный.

Ра́дуйся, и́дольскаго служе́ния потреби́телю;

ра́­дуй­ся и́стиннаго благоче́стия насади́телю.

Ра́дуйся, я́ко по сло́ву твоему́ лю́дие водо́ю и Ду́хом возрожда́ются;

ра́­дуй­ся я́ко тобо́ю ве́рнии Безсме́ртныя Трапе́зы причаща́ются.

Ра́дуйся, Андре́е, апо́столе Христо́в Первозва́нный.

Конда́к 4
Си́ла Бо́жия осени́ тя́, апо́столе Первозва́нный, во е́же благовести́ти си́лу и сла́ву Сы́на Бо́жия и утвержда́ти вся́ ве́ровати во Святу́ю Тро́ицу призва́нныя. Те́мже у́бо и на́с, покланя́ющихся Еди́ному в Трие́х Ипоста́сех Бо́гу, на зла́чней па́жити ве́ры Христо́вы соблюди́, да благода́тию Свята́го Ду́ха вы́ну освяща́емии, велегла́сно пое́м Ему́: Аллилу́иа.

И́кос 4
Приве́д ко Христу́ бра́та твоего́ Си́мона Петра́, Первозва́нне, с ни́м изше́л еси́ и на апо́стольское служе́ние твое́, пе́рвее во Антиохи́ю и Сино́п, и та́мо победи́в де́монов полки́, от у́з темни́чных спу́тника твоего́ апо́стола Матфи́я свободи́л еси́, и ю́зники с ни́м бы́вшия крести́л, верхо́вному Петру́ отту́ду в за́падныя страны́ теку́щу, ты́ бра́тнее целова́ние да́л еси́ ему́, са́м же до́бре подвиза́лся еси́ на восто́цех. Те́мже и мы́, лю́дие Це́ркве Восто́чныя, блажи́м тя́:

Ра́дуйся, си́ло Бо́жия, полки́ де́монов прогоня́ющая и у́зы темни́ц сокруша́ющая;

ра́­дуй­ся прия́телище благода́ти апо́стольския, от а́довых у́з тайноде́йственне на́с свобожда́ющия.

Ра́дуйся, за́пад и восто́к с бра́том твои́м богому́дрым, про́поведи ра́ди сло́ва Бо́жия, жре́бием раздели́вый;

ра́­дуй­ся во гра́де Сино́пе неве́рие иуде́ев си́лою чуде́с твои́х обличи́вый.

Ра́дуйся, я́ко та́мо от безбо́жных Христа́ ра́ди бие́н бы́л еси́;

ра́­дуй­ся я́ко от Самого́ я́вльшагося ти́ Го́спода исцеле́ние я́зв тебе́ дарова́ся.

Ра́дуйся, Андре́е, апо́столе Христо́в Первозва́нный.

Конда́к 5
Двукра́ты возвра́щся во Святы́й Гра́д, да ку́пно со апо́столы пятидеся́тный де́нь пра́зднуеши та́мо, двукра́ты па́ки ше́ствовал еси́ от свята́го Сио́на, во е́же Христа́ пропове́дати вселе́нней, пе́рвее со Иоа́нном напе́рсником Госпо́дним, посе́м же с Си́моном Канани́том и Матфи́ем, и́же жре́бием назна́менован бы́сть во апо́стола, и вся́ преде́лы Аси́и и По́нта обте́кл еси́, сло́вом спасе́ния все́х оглаша́я, да Бо́гу пою́т: Аллилу́иа.

И́кос 5
От мо́ря Галиле́йскаго до По́нта Евкси́нскаго а́постольския мре́жи твоя́ распростры́й и все́ помо́рие о́крест огласи́вый благове́стием твои́м, восте́кл еси́, Первозва́нне, и в страны́ Ски́фии, Кре́ст Христо́в всю́ду водружа́я в зна́мение на́шего спасе́ния. Сего́ ра́ди и мы́, а́ще и по́зднии ро́ди, вне́млюще благове́стию твоему́ и воспомина́юще по́двиги твоя́, зове́м ти́:

Ра́дуйся, в Нике́и лю́тыя разбо́йники укроти́вый и люте́йшаго драко́на умертви́вый;

ра́­дуй­ся Кре́ст Христо́в посреде́ гра́да сего́ водрузи́вый, я́ко Предте́ча сы́й двукра́ты собра́нных та́мо оте́ц богоно́сных.

Ра́дуйся, я́ко во Аси́и и По́нте тобо́ю све́т Христо́в возсия́;

ра́­дуй­ся я́ко апо́стольский же́зл тво́й предго́рие Кавка́са све́ту Христо́ву отве́рзе.

Ра́дуйся, и́мже мра́к Киммери́йский озари́ся;

ра́­дуй­ся и́мже вселе́нная струя́ми воды́ жи́вы напои́ся.

Ра́дуйся, Андре́е, апо́столе Христо́в Первозва́нный.

Конда́к 6
Бу́рею страсте́й одержи́мая и, я́ко во́ды океа́на, волну́емая, племена́ челове́ков, я́же не ве́дяху Бо́га И́стиннаго, приве́л еси́, апо́столе, к ти́хому приста́нищу Христо́ву и те́х сердца́, а́ки у́тлую ладию́ неве́рием обурева́емая, на я́кори ве́ры Правосла́вныя утверди́л еси́. Те́мже и мы́, я́ко ча́да Правосла́вныя ве́ры, благода́рным се́рдцем и благода́рными усты́ вопие́м Бо́гу: Аллилу́иа.

И́кос 6
На горе́ Елео́нстей Боже́ственнаго Учи́теля твоего́ иногда́ со про́чими апо́столы вопроси́л еси́, Андре́е: Рцы́ на́м, что́ е́сть зна́мение прише́ствия Твоего́? — На гора́х же Ки́евских, я́ко орга́н сы́й благода́ти Ду́ха Свята́го, ты́ предвозвести́л еси́ гряду́щую сла́ву ме́ста сего́; мы́ же, предрече́нныя на́м ми́лости сея́ сподо́бльшеся, умиле́нно взыва́ем ти́:

Ра́дуйся, я́ко с горы́ Сио́на зако́н на́м ева́нгельский прине́сл еси́;

ра́­дуй­ся я́ко по вода́м Ворисфе́на апо́стол Бо́жий к на́м восте́кл еси́.

Ра́дуйся, благода́ть Иорда́нову, креще́ния на́шего ра́ди, реце́ се́й дарова́вый;

ра́­дуй­ся на гора́х Ки́евских Кре́ст на́шего спасе́ния водрузи́вый.

Ра́дуйся, и́мже оби́льное излия́ние благода́ти Бо́жией зде́ предрече́ся;

ра́­дуй­ся и́мже бытие́ гра́да вели́ка и церкве́й мно́гих зде́ предвозвести́ся.

Ра́дуйся, Андре́е, апо́столе Христо́в Первозва́нный.

Конда́к 7
Дне́сь, во исполне́ние проро́ческаго гла́са твоего́, хра́м пресла́вный красу́ется на ме́сте, иде́же не су́щая я́ко су́щая прови́дел еси́ по да́ру Ду́ха Свята́го; о́крест же его́ гра́д ве́лий с це́рквами златове́рхими и́стину слове́с твои́х свиде́тельствует, ему́же и доны́не ты́, я́ко с го́рния кафе́дры, ми́р благовеству́еши. Те́мже и мы́, сбытие́ богодухнове́нных глаго́л твои́х зря́ще, ве́лиим гла́сом взыва́ем Бо́гу: Аллилу́иа.

И́кос 7
От светоно́сныя зари́, Первозва́ннаго апо́стола, све́т богове́дения восприи́мши, свята́я О́льга возсия́ Росси́йстей земли́ я́ко денни́ца на́шего спасе́ния, возводя́ всле́д себе́, я́ко светоза́рное свети́ло, вну́ка своего́ Влади́мира, просвети́теля всея́ полу́нощныя страны́. Те́мже и мы́, возве́дше о́чи на́ша к тебе́, Андре́е богому́дре, я́ко к нача́льному благове́стнику на́шего спасе́ния, воспису́ем ти́ похва́льная сия́:

Ра́дуйся, я́ко денни́це на́шего спасе́ния, О́льзе святе́й, све́та Боже́ственнаго позна́ние дарова́ся;

ра́­дуй­ся я́ко благове́рию ея́ Христо́во Ца́рствие отве́рзеся.

Ра́дуйся, я́ко благослове́нием твои́м пресла́вное свети́ло от сея́ денни́цы на́м произы́де;

ра́­дуй­ся я́ко по твоему́ предвозве́стию апо́стольскому равноапо́стольный кня́зь на́м яви́ся.

Ра́дуйся, я́ко тобо́ю свята́го Влади́мира ца́рствие земно́е к небе́сному приобщи́ся;

ра́­дуй­ся я́ко Дне́пр и Поча́йна, ре́ки Ки́евския, спаси́тельною купе́лию на́м бы́ша.

Ра́дуйся, Андре́е, апо́столе Христо́в Первозва́нный.

Конда́к 8
Пропове́дуют пресла́внаго гра́да Ки́ева и всея́ Росси́йския страны́ па́стырие и пасо́мии па́мять дея́ний твои́х, богому́дре Андре́е апо́столе; в не́драх же пеще́рных нетле́нно почива́ющии уго́дницы Бо́жии, со Анто́нием и Феодо́сием, немо́лчными усты́, я́ко жи́ви су́ще, сла́ву твою́ веко́м и родо́м возглаша́ют, тобо́ю бо водруже́нный зде́ Кре́ст, я́ко благосенноли́ственное дре́во, произрасте́, во е́же изнести́ на́м плоды́ благоче́стия и святы́ни. Мы́ же ра́йскаго вертогра́да твоего́, а́ки птенцы́ духо́внии, тобо́ю науче́ни есмы́ воспева́ти Бо́гу: Аллилу́иа.

И́кос 8
Не то́чию Руси́ еди́ныя бы́л еси́ спасе́ния провозве́стник, Первозва́нный апо́столе Христо́в, но и вся́ слове́нская племена́, я́коже ко́кош, птенцы́ своя́ под криле́ собира́яй, приве́л еси́ я́ ко Христу́; ты́ бо от Херсо́ниса во мра́к полу́нощныя страны́ прозира́я, су́щим та́мо лю́дем, да Бо́жию науча́тся сло́ву, прему́дрыя учи́тели, Кири́лла и Мефо́дия, про́поведию твое́ю за мно́гия ве́ки предугото́вал еси́; мы́ же, а́ки уста́ми си́х просвети́телей на́ших, велегла́сно вопие́м ти́:

Ра́дуйся, слове́нская племена́ искони́ благослови́вый;

ра́­дуй­ся сло́во и́х разу́мное сло́вом Бо́жиим умудри́вый.

Ра́дуйся, я́ко глаго́лу Бо́жию послушли́вии, Це́ркве ча́да слове́сная бы́ша;

ра́­дуй­ся я́ко в Херсо́нисе, иде́же пропове́дал еси́, пе́рвая ру́сская пи́смена Кири́лл святы́й обре́те и прия́т я́.

Ра́дуйся, я́ко те́ми А́лфу и Оме́гу, Нача́ток и Коне́ц — Христа́ Бо́жию прему́дрость возвести́л еси́ и́м;

ра́­дуй­ся я́ко и вся́ богодухнове́нная писа́ния учи́телие сии́ на язы́к слове́нск на́м преложи́ша.

Ра́дуйся, Андре́е, апо́столе Христо́в Первозва́нный.

Конда́к 9
Пусты́нныя Ски́фии не убоя́вся, во глубину́ полу́нощныя страны́ просте́рл еси́ апо́стольская стра́нствия твоя́, Первозва́нне, отону́дуже и в ве́тхий Ри́м прише́л еси́, и́же тогда́ глава́ ми́ру язы́ческому бы́сть; оба́че тмы́ ра́ди и́дольския оста́вль его́, и на кра́сный бре́г Воспо́ра прише́д, та́мо во гра́де Византи́и, и́же но́вый Ри́м и ма́терь христиа́ном бы́сть, апо́стольский престо́л тво́й утверди́л еси́, да от него́ восто́к и се́вер ве́сь све́том ве́ры озари́тся, ве́рнии же ча́да Це́ркве Христо́вы Бо́гу единомы́сленно воззову́т: Аллилу́иа.

И́кос 9
Ма́ти Сио́н, — псало́мски рече́т челове́к, я́ко челове́к духо́вно роди́ся в не́м, но́вый же Сио́н на́м бы́сть Ки́ев: в не́м бо све́т и благода́ть Бо́жия яви́ся все́м сыново́м росси́йстим от кафе́дры, ю́же ты́, Первозва́нне апо́столе, в Византи́и утверди́л еси́. Те́мже и мы́, Невече́рним Све́том озаря́емии, благода́рне взыва́ем ти́:

Ра́дуйся, от горы́ Сио́нския снизше́дый и го́рним све́том Ки́ев многохо́лмный озари́вый;

ра́­дуй­ся гра́ду сему́ многопло́дие духо́вное благослове́нием твои́м, низпосла́вый.

Ра́дуйся, я́ко посреде́ вселе́нныя апо́стольский престо́л тво́й утверди́л еси́;

ра́­дуй­ся я́ко под се́нь его́, в но́вом Ри́ме, вся́ просвеще́нныя тобо́ю язы́ки собра́л еси́.

Ра́дуйся, и́мже Правосла́вие в душа́х и́х утвержда́ется;

ра́­дуй­ся и́мже от восто́ка тма́ за́пада отрева́ется.

Ра́дуйся, Андре́е, апо́столе Христо́в Первозва́нный.

Конда́к 10
Егда́ наста́ вре́мя преставле́ния твоего́, блаже́нне апо́столе, в дре́вния Па́тры Аха́йския прише́л еси́, да та́мо жре́н бу́деши, тече́ние бо сконча́л еси́, по́двигом до́брым подвиза́лся еси́, все́м пропове́дав Христа́ ра́спята, иуде́ем собла́зн, е́ллином же безу́мие, на́м же, зва́нным и спаса́емым, — Христа́, Бо́жию Си́лу и Бо́жию Прему́дрость, от Нея́же и научи́хомся пе́ти Бо́гу: Аллилу́иа.

И́кос 10
Всю́ду и́менем Го́спода Иису́са боля́щия исцеля́я, ме́ртвыя воскреша́я, бе́сы изгоня́я, и во Па́трах предсме́ртную про́поведь твою́ чудеса́ми утверди́л еси́, апо́столе Христо́в, и анфипа́та Ле́звия обрати́л еси́ к позна́нию и́стины, егда́ противле́ния ра́ди я́звою пораже́н бы́в, тобо́ю от одра́ боле́зни воздви́жен бы́сть, лю́дие же вси́, ви́девше в тебе́ си́лу Бо́жию, и́долы своя́ сокруши́ша, посе́м и Госпо́дь яви́ся тебе́, я́коже Па́влу иногда́ в Кори́нфе, и повеле́ взя́ти кре́ст тво́й, назна́меновав си́м твое́ в Па́трах, Его́ ра́ди, страда́ние. Те́мже и мы́, дивя́щеся ве́лией благода́ти в тебе́, благогове́йно взыва́ем:

Ра́дуйся, ве́лия Бо́га всемогу́щаго си́ло;

ра́­дуй­ся многоце́нное чуде́с сокро́вище.

Ра́дуйся, дре́вних Па́тр просвеще́ние и украше́ние;

ра́­дуй­ся неве́рие анфипа́та в ве́ру премени́вый.

Ра́дуйся, я́ко та́мо па́ки яви́ся тебе́ Госпо́дь, на по́двиг кре́стный тя́ призва́вый;

ра́­дуй­ся я́ко угото́вася тебе́ вене́ц пра́вды.

Ра́дуйся, Андре́е, апо́столе Христо́в Первозва́нный.

Конда́к 11
Неро́н ке́сарь, я́коже иногда́ И́род, гоне́ние на вся́ ве́рныя воздви́гнувый, в Ри́ме Па́вла мече́м усе́кну, Петра́ же на кресте́ распя́, подо́бне и тебе́ дости́же в Па́трах рука́ мучи́телева, егда́ вме́сто кро́ткаго Ле́звия судию́ поста́ви Егеа́та лю́таго, и́же не терпя́й креще́ния бра́та своего́, ниже́ исцеле́нием жены́ своея́ умягче́н бы́в, в темни́цу вве́рже тя́ и, я́коже верхо́внаго Петра́, на кре́ст осуди́. Ты́ же ю́зник сы́й, в темни́це мра́чней, я́ко во све́тлем хра́ме, бра́та анфипа́това Стратокли́са во епи́скопа Па́тром проро́чествовал еси́, Бо́гу со все́ми ве́рными посреде́ узи́лища воспева́я: Аллилу́иа.

И́кос 11
На ме́сте ло́бнем кре́ст воздвиза́ем узре́в, на не́мже име́л еси́ ра́спят бы́ти, не убоя́лся еси́, апо́столе, да́же до сме́рти свиде́тельствовати возлю́бльшаго тя́ и возлю́бленнаго тобо́ю Христа́, и к сему́ зна́мению спасе́ния ру́це простира́я, умиле́нно взыва́л еси́:

Ра́дуйся, Кре́сте Всечестны́й, пред ни́мже с весе́лием предстою́, ве́дая тя́, упова́ние мое́;

ра́­дуй­ся Кре́сте Животворя́щий, его́же глава́ до небе́с дости́же, подно́жие же врата́ а́да сокруши́.

Ра́дуйся, Кре́сте достопокланя́емый, восприе́мый Влады́ку моего́, я́ко гро́здие сладча́йшее, источи́вшее на́м спасе́ние;

ра́­дуй­ся Кре́сте благослове́нный, разбо́йника спасы́й и тому́ плоды́ испове́дания дарова́вый.

Ра́дуйся, я́ко и моея́ ра́дости исполне́ние бы́л еси́; — те́мже ра́дуйся и ты́, страстоте́рпче, на Кресте́ ве́ру твою́ во Христа́ запечатле́вый.

Ра́дуйся, Андре́е, апо́столе Христо́в Первозва́нный.

Конда́к 12
Прииди́те, свиде́телие ра́дости моея́! — воззва́л еси́ апо́столе к соверши́телем во́ли Егеа́та, — твори́те во́лю на́ю обою́, распни́те мя́ и, я́ко а́гнца, принеси́те в же́ртву созда́вшему мя́ Творцу́. — И сия́ ре́к, возше́л еси́ на кре́ст, я́ко на го́рнюю кафе́дру, с нея́же три́ дни́ и три́ но́щи пропове́дал еси́ сло́во Бо́жие о́крест стоя́щим лю́дем, да не боя́тся сме́рти, испове́дающе Го́спода Иису́са. Егда́ же све́том небе́сным озари́ся ли́к тво́й, ужасе́ся мучи́тель и тя́ со креста́ взя́ти повеле́; оба́че ты́, страстоте́рпче, не восхоте́л еси́ от кре́стных му́к разреши́тися, до исхо́да твоего́ непреста́нно Бо́гу вопия́: Аллилу́иа.

И́кос 12
Сла́вяще апо́стольския по́двиги твоя́, Андре́е Первозва́нне, ублажа́ем святу́ю кончи́ну твою́, е́юже Живоно́сную Стра́сть Сы́на Бо́жия просла́вил еси́, и во умиле́нии се́рдца взыва́ем ти́ си́це:

Ра́дуйся, дру́же Христо́в, с ра́достию кре́стная страда́ния за Него́ претерпе́вый;

ра́­дуй­ся апо́столе ве́рный, со креста́ глаго́лы живота́ ве́чнаго лю́дем пропове́давый.

Ра́дуйся, я́ко в ча́с сня́тия со креста́ осени́ тя́ све́т, а́ки мо́лния с небесе́;

ра́­дуй­ся я́ко правосла́вно испове́дающим пропове́даннаго тобо́ю Христа́ Сы́на Бо́жия обеща́л еси́ благода́ть ве́лию.

Ра́дуйся, Го́рняго Иерусали́ма апо́стольское основа́ние;

ра́­дуй­ся седя́й со апо́столы на еди́ном от двоюна́десяте престо́лов, во е́же суди́ти вся́ коле́на Изра́илева.

Ра́дуйся, Андре́е, апо́столе Христо́в Первозва́нный.

Конда́к 13

О, Первозва́нный апо́столе Христо́в Андре́е! При́зри на благохвале́ния сия́ все́х чту́щих святу́ю па́мять твою́, и я́ко водрузи́л еси́ кре́стное дре́во на гора́х гра́да Ки́ева, при́сно осеня́й и на́с спаси́тельным зна́мением си́м, да, Кресто́м Го́спода Бо́га и Спа́са на́шего охраня́еми, дости́гнем в ме́ру во́зраста исполне́ния Христо́ва и сподо́бимся с тобо́ю и со все́ми святы́ми, во гла́се ра́дования, в безконе́чныя ве́ки пе́ти Бо́гу, Спаси́телю на́шему: Аллилу́иа.

Этот конда́к читается три́жды, затем и́кос 1-й и конда́к 1-й.

Моли́тва

Первозва́нне апо́столе Бо́га и Спа́са на́шего Иису́са Христа́, Це́ркве после́дователю верхо́вный, всехва́льне Андре́е! Сла́вим и, велича́ем апо́стольския труды́ твоя́, сла́дце помина́ем твое́ благослове́нное к на́м прише́ствие, ублажа́ем честна́я страда́ния твоя́, я́же за Христа́ претерпе́л еси́, лобыза́ем свяще́нныя мо́щи твоя́, чти́м святу́ю па́мять твою́ и ве́руем, я́ко жи́в Госпо́дь, жива́ же и душа́ твоя́ и с Ни́м во ве́ки пребыва́еши на небеси́, иде́же и лю́биши ны́ то́южде любо́вию, е́юже возлюби́л еси́ на́с, егда́ Ду́хом Святы́м прозре́л еси́ на́ше, е́же ко Христу́ обраще́ние, и не то́чию лю́биши, но и мо́лиши о на́с Бо́га, зря́ во Све́те Его́ вся́ ну́жды на́ша. Та́ко ве́руем и та́ко сию́ ве́ру на́шу испове́дуем во хра́ме, и́же во и́мя твое́, святы́й Андре́е, пресла́вно созда́ся, иде́же святы́я мо́щи твоя́ почива́ют; ве́рующе же, про́сим и мо́лим Го́спода и Бо́га и Спа́са на́шего Иису́са Христа́, да моли́твами твои́ми, я́же при́сно послу́шает и прие́млет, пода́ст на́м вся́ потре́бная ко спасе́нию на́с гре́шных; да я́коже ты́ а́бие по гла́су Го́спода, оста́вль мре́жи своя́, неукло́нно Ему́ после́довал еси́, си́це и ки́йждо от на́с да и́щет не свои́х си́, но е́же к созида́нию бли́жняго и о го́рнем зва́нии да помышля́ет. Иму́ще же тя́ предста́теля и моли́твенника о на́с, упова́ем, я́ко моли́тва твоя́ мно́го мо́жет пред Го́сподем и Спаси́телем на́шим Иису́сом Христо́м, Ему́же подоба́ет вся́кая сла́ва, че́сть и поклоне́ние со Отце́м и Святы́м Ду́хом во ве́ки веко́в. Ами́нь.