- Храм Святых Царственных Страстотерпцев в Ясеневе - https://www.hramstrastoterpcy.ru -

Благовещение Пресвятой Богородицы

Posted By ramm On In Праздничные даты Православия | Comments Disabled

ДАТЫ: 7 апреля; 1 день предпразднства (с 6 апр.) и 1 день попразднства (по 8 апр.)

Радуйся, Благодатная! Господь с Тобою; благословенна Ты между женами.
Лк. 1, 28

Благовещение – это день благой вести о том, что нашлась во всем мире людском Дева, так верующая Богу, так глубоко способная к послушанию и к доверию, что от Нее может родиться Сын Божий. Воплощение Сына Божия, с одной стороны, дело Божией любви – крестной, ласковой, спасающей – и Божией силы; но вместе с этим воплощение Сына Божия есть дело человеческой свободы. Святитель Григорий Палама говорит, что Воплощение было бы так же невозможно без свободного человеческого согласия Божией Матери, как оно было бы невозможно без творческой воли Божией. И в этот день Благовещения мы в Божией Матери созерцаем Деву, Которая всем сердцем, всем умом, всей душой, всей Своей крепостью сумела довериться Богу до конца.

А благая весть была поистине страшная: явление ангела, это приветствие: «Благословенна ты в женах, и благословен плод чрева Твоего» не могли не вызвать не только изумления, не только трепета, но и страха в душе девы, не знавшей мужа – как это могло быть?..

И тут мы улавливаем разницу между колеблющейся – хотя и глубокой – верой Захарии, отца Предтечи, и верой Божией Матери. Захарии тоже возвещено, что у его жены родиться сын – естественным образом, несмотря на ее преклонный возраст; и его ответ на эту весть Божию: Как же это может быть? Этого не может случиться! Чем Ты это можешь доказать? Какое заверение Ты мне можешь дать?.. Божия матерь ставит вопрос только так: Как это может случиться со мной – я же дева?.. И на ответ ангела, что это будет, Она отвечает только словами полной отдачи Себя в руки Божии; Ее слова: Се, Раба Господня; буди Мне по глаголу твоему…

Слово «раба» в теперешнем нашем словоупотреблении говорит о порабощенности; в славянском языке рабом себя называл человек, который свою жизнь, свою волю отдал другому. И Она действительно отдала Богу Свою жизнь, Свою волю, Свою судьбу, приняв верой – то есть непостижимым доверием – весть о том, что Она будет Матерью воплощенного Сына Божия. О Ней праведная Елизавета говорит: Блаженна веровавшая, ибо будет Ей реченное Ей от Господа…

В Божией Матери мы находим изумительную способность довериться Богу до конца; но способность эта не природная, не естественная: такую веру можно в себе выковать подвигом любви к Богу. Подвигом, ибо отцы говорят: Пролей кровь, и примешь дух… Один из западных писателей говорит, что воплощение стало возможным, когда нашлась Дева израильская, Которая всей мыслью, всем сердцем, всей жизнью Своей смогла произнести Имя Божие так, что Оно стало плотью в Ней.

Вот благовестие, которое мы сейчас слышали в Евангелии: род человеческий родил, принес Богу в дар Деву, Которая была способна в Своей царственной человеческой свободе стать Матерью Сына Божия, свободно отдавшего Себя для спасения мира. Аминь.

Митрополит Антоний Сурожский

ИСТОРИЧЕСКОЕ СОДЕРЖАНИЕ

Празд­ник Бла­го­ве­ще­ния Пре­свя­той Бо­го­ро­ди­цы празд­ну­ет­ся 7 ап­ре­ля (нов ст.), от­сто­ит ров­но на 9 ме­ся­цев от да­ты празд­но­ва­ния Рож­де­ства Хри­сто­ва, име­ет один день пред­праздн­ства и один день по­праздн­ства, в ко­то­рый празд­ну­ет­ся Со­бор ар­хан­ге­ла Гав­ри­и­ла. Пред­праздн­ство и по­праздн­ство от­ла­га­ют­ся, ес­ли Бла­го­ве­ще­ние слу­ча­ет­ся на Страст­ной или Свет­лой сед­ми­це.

БЛА­ГО­ВЕ­ЩЕ­НИЕ ПРЕ­СВЯ­ТОЙ БО­ГО­РО­ДИ­ЦЫ

На­зва­ние празд­ни­ка ука­зы­ва­ет на ка­кое-то осо­бое, неслы­хан­ное ра­нее «ра­дост­ное из­ве­стие», про­зву­чав­шее еди­но­жды в ми­ро­вой ис­то­рии. Этим и объ­яс­ня­ет­ся от­сут­ствие у празд­ни­ка уточ­ня­ю­ще­го смысл под­за­го­лов­ка (осо­бен­но в оби­ход­ной ре­чи): про­из­но­ся од­но лишь сло­во «Бла­го­ве­ще­ние», мы не бо­им­ся быть невер­но по­ня­ты­ми, ибо «ра­дост­ных из­ве­стий» бы­ло мно­го, но Бла­го­ве­ще­ние слу­чи­лось лишь од­на­жды. Та­ким об­ра­зом, на­зва­ние празд­ни­ка «Бла­го­ве­ще­ние Пре­свя­той Бо­го­ро­ди­це» бук­валь­но озна­ча­ет: «Ра­дост­ная весть [со­об­щен­ная] Пре­свя­той Бо­го­ро­ди­це». Ка­кая же ра­дост­ная весть со­став­ля­ет су­ще­ство празд­ни­ка? Кто был вест­ни­ком?

Из Еван­ге­лия от Лу­ки (ибо толь­ко он опи­сы­ва­ет дан­ное со­бы­тие) мы узна­ём, что немно­гим бо­лее двух ты­сяч лет то­му на­зад в ма­лень­ком па­ле­стин­ском го­род­ке На­за­ре­те со­вер­ши­лось пре­вос­хо­дя­щее на­ше ра­зу­ме­ние со­бы­тие — при­ро­да Бо­га со­еди­ни­лась с при­ро­дой че­ло­ве­ка. Здесь жи­ла скром­ная под­дан­ная рим­ско­го им­пе­ра­то­ра Ав­гу­ста, юная Ма­рия, к то­му вре­ме­ни си­ро­та. Она про­ис­хо­ди­ла из ди­на­стии ца­ря Да­ви­да, к ко­то­рой при­над­ле­жал и Иосиф, хра­ни­тель дев­ства Ма­рии, по­жи­лой вдо­вец, ко­то­ро­му Она бы­ла об­ру­че­на во ис­пол­не­ние тра­ди­ции, вос­пре­щав­шей доб­ро­де­тель­ной жен­щине оста­вать­ся оди­но­кой. Иосиф был бе­ден, ра­зу­ме­ет­ся, не афи­ши­ро­вал свое про­ис­хож­де­ние (это бы­ло смер­тель­но опас­но!) и вел жизнь про­сто­го ре­мес­лен­ни­ка.

Мож­но пред­ста­вить чув­ства юной Де­вы, Ко­то­рой, во вре­мя от­сут­ствия Иоси­фа, вдруг зри­мо пред­стал небес­ный вест­ник, ан­гел Гав­ри­ил.

«Ан­гел, вой­дя к Ней, ска­зал:
«Ра­дуй­ся, Бла­го­дат­ная! С То­бою Гос­подь!»

Но Она силь­но сму­ти­лась от его слов и ста­ла раз­ду­мы­вать, что же зна­чит та­кое при­вет­ствие. И ска­зал Ей ан­гел:

«Не стра­шись, Ма­ри­ам,
ибо Ты об­ре­ла ми­лость у Бо­га:
и вот, Ты зач­нешь и ро­дишь Сы­на,
и на­ре­чешь Ему имя: Иисус.

И бу­дет Он ве­лик,
и на­зо­вут Его Сы­ном Все­выш­не­го.» <…>

И ска­за­ла Ма­ри­ам ан­ге­лу:
«Как же бу­дет это, ес­ли Я не знаю му­жа?»

И ан­гел ска­зал Ей в от­вет:
«Дух Свя­той сой­дет на Те­бя,
и Си­ла Выш­не­го осе­нит Те­бя,

по­то­му Ди­тя Твое бу­дет свя­то
и на­ре­чет­ся: Сын Бо­жий.»<…>

То­гда Ма­ри­ам ска­за­ла:
«Пред то­бою ра­ба Гос­под­ня; да бу­дет со Мною, как ты ска­зал.»
И уда­лил­ся от Нее ан­гел» (Лк.1:28-32, 34-35, 38).

О со­вер­шив­шем­ся в эти мгно­ве­ния та­ин­стве труд­но го­во­рить: лю­бые сло­ва ка­жут­ся непро­сти­тель­ной дер­зо­стью. Здесь при­ста­ло толь­ко бла­го­го­вей­ное со­зер­ца­ние тай­ны: «удо­бее мол­ча­ние» (при­ли­че­ству­ет мол­ча­ние), как по­ет­ся в од­ном из бо­го­ро­дич­ных гим­нов.

По­ста­ра­ем­ся лишь по­нять: то, что за­ни­ма­ет несколь­ко строк еван­гель­ско­го по­вест­во­ва­ния, под­го­тав­ли­ва­лось всей ис­то­ри­ей вет­хо­за­вет­но­го че­ло­ве­че­ства, и в диа­ло­ге ан­ге­ла и Де­вы Ма­рии эта ис­то­рия об­ре­ла свой смысл и дол­го­ждан­ное за­вер­ше­ние. Вет­хий за­вет (что зна­чит бук­валь­но «древ­ний со­юз», «ста­рый до­го­вор») Бо­га с че­ло­ве­ком, имев­ший ха­рак­тер под­го­то­ви­тель­ный и вре­мен­ный, от­ныне сме­ня­ет­ся но­вым со­ю­зом со всем че­ло­ве­че­ством и на все вре­ме­на.

Од­ни­ми лишь сво­и­ми си­ла­ми че­ло­век не мог пре­одо­леть глу­бо­чай­шую про­пасть, раз­верз­шу­ю­ся меж­ду ним и Бо­гом, ибо страш­ный удар, со­тряс­ший его в неза­па­мят­ные вре­ме­на («гре­хо­па­де­ние пра­ро­ди­те­лей»), рас­ко­лол его свер­ху до­ни­зу: от выс­ше­го со­зна­ния до те­лес­ной при­ро­ды. Он пе­ре­стал при­над­ле­жать Сво­е­му Со­зда­те­лю, а зна­чит — и сво­е­му ра­зум­но­му «я». По­тре­бо­ва­лась встре­ча и ре­аль­ное со­еди­не­ние Бо­же­ствен­ной и че­ло­ве­че­ской при­ро­ды через Бо­го­во­пло­ще­ние. Толь­ко так мог­ла быть воз­вра­ще­на в пер­во­здан­ное до­сто­ин­ство це­лост­ная при­ро­да че­ло­ве­ка. И в ли­це Ма­рии че­ло­ве­че­ство до­стиг­ло выс­шей точ­ки сво­е­го ду­хов­но-нрав­ствен­но­го раз­ви­тия и очи­ще­ния на пу­тях вос­ста­нов­ле­ния Со­ю­за с Бо­гом.

Неза­ме­чен­ным бы­ло яв­ле­ние Де­ве Ма­рии вест­ни­ка Небес, ни­кто не слы­шал про­ис­шед­ше­го меж­ду ни­ми раз­го­во­ра. Ни­чуть не из­ме­ни­лась ви­ди­мая жизнь ни в са­мом На­за­ре­те, ни тем бо­лее в гор­де­ли­вом Ри­ме по­сле ис­чез­но­ве­ния ан­ге­ла. Но как уди­ви­лись бы жи­те­ли огром­ной мно­го­языч­ной Им­пе­рии, ес­ли бы узна­ли, что имен­но в этом непри­мет­ном со­бы­тии на­шла свое оправ­да­ние и за­вер­ше­ние вся ис­то­рия че­ло­ве­че­ства от Ада­ма и что их по­том­ки ста­нут от­счи­ты­вать Но­вую эру от Дня Рож­де­ния маль­чи­ка, ко­то­ро­го окру­жа­ю­щие пре­не­бре­жи­тель­но на­зы­ва­ли «сы­ном плот­ни­ка»!

«Се­го­дня — на­ча­ло на­ше­го спа­се­ния…», — по­ет­ся за бо­го­слу­же­ни­ем празд­ни­ка Бла­го­ве­ще­ния. Про­дол­же­ни­ем его станет жизнь Бо­го­че­ло­ве­ка Иису­са Хри­ста – «Вто­ро­го Ада­ма», а за­вер­ше­ни­ем — Тай­ная ве­че­ря, Гол­го­фа, воз­глас «Со­вер­ши­лось!», нис­хож­де­ние во Ад, Три­днев­ное Вос­кре­се­ние, Воз­не­се­ние и си­де­ние «одес­ную От­ца».

Древ­ний на­род­ный обы­чай в день Бла­го­ве­ще­ния вы­пус­кать из кле­ток на во­лю пле­нен­ных птиц ме­ло­ди­че­ски за­пе­чат­лен в пре­крас­ных сти­хах А. Пуш­ки­на и Ф. Ту­ман­ско­го.

Ли­те­ра­ту­ра: Ру­бан Ю. Бла­го­ве­ще­ние Пре­свя­той Бо­го­ро­ди­це. Л.: «Хро­но­граф», 1991; Пра­во­слав­ная эн­цик­ло­пе­дия. М., 2002. Том V, с. 254-268 (при­ве­де­на по­дроб­ная биб­лио­гра­фия).

Юрий Ру­бан

При­ло­же­ние

Тро­парь празд­ни­ка, глас 4:

Се­го­дня – на­ча­ло на­ше­го спа­се­ния и от­кро­ве­ние пред­веч­ной тай­ны: Сын Бо­жий ста­но­вит­ся Сы­ном Де­вы и Гав­ри­ил воз­ве­ща­ет о нис­по­сла­нии бла­го­да­ти. По­это­му и мы вме­сте с ним вос­клик­нем Бо­го­ро­ди­це: «Ра­дуй­ся, Бла­го­дат­ная, Гос­подь с То­бою!»

Кондак празд­ни­ка, глас 8:

Те­бе, Выс­шей Во­е­на­чаль­ни­це, мы, недо­стой­ные ра­бы Твои, из­ба­вив­шись от бед, о, Бо­го­ро­ди­ца, вос­пе­ва­ем по­бед­ную и бла­годар­ствен­ную песнь. Ты же, как име­ю­щая си­лу непо­бе­ди­мую, осво­бож­дай нас от вся­ких бед, чтобы мы взы­ва­ли к Те­бе: «Ра­дуй­ся, Неве­ста, в брак не всту­пив­шая!»

МОЛИТВЫ

Тропарь Благовещению Пресвятой Богородицы, глас 4 

Днесь спасе́ния на́шего глави́зна,/ и е́же от ве́ка та́инства явле́ние:/ Сын Бо́жий, Сын Де́вы быва́ет,/ и Гаврии́л благода́ть благовеству́ет./ Те́мже и мы с ним Богоро́дице возопии́м:/ ра́дуйся, Благода́тная,// Госпо́дь с Тобо́ю.

Перевод: В сей день спасения нашего начало и предвечного таинства явление: Сын Божий Сыном Девы становится и Гавриил о благодати благовествует. Потому и мы с ним Богородице возгласим: «Радуйся, Благодатная, Господь с Тобою!»

Кондак Благовещению Пресвятой Богородицы, глас 8 

Взбра́нной Воево́де победи́тельная,/ я́ко изба́вльшеся от злых,/ благода́рственная воспису́ем Ти раби́ Твои́, Богоро́дице,/ но, я́ко иму́щая держа́ву непобеди́мую,/ от вся́ких нас бед свободи́, да зове́м Ти́:// ра́дуйся, Неве́сто Неневе́стная.

Перевод: Обороняющей нас Военачальнице за избавление от страшных бед учреждаем Тебе торжества победы благодарственные мы, рабы Твои, Богородица! Но Ты, как имеющая власть необоримую, от всяческих опасностей нас освободи, да взываем Тебе: «Радуйся, Невеста, брака не познавшая!»

Величание Благовещению Пресвятой Богородицы

Арха́нгельский глас/ вопие́м Ти, Чи́стая:/ Ра́дуйся,/ Благода́тная,// Госпо́дь с Тобо́ю.

БОГОСЛУЖЕНИЯ

Благове́щение Пресвяты́я Влады́чицы на́шея Богоро́дицы и Присноде́вы Мари́и

Ве́дати подоба́ет, я́ко на́вечерие Благове́щения а́ще случи́тся в суббо́ту, или́ неде́лю, пое́тся си́це.

На МА́ЛОЙ ВЕЧЕ́РНИ

На Го́споди, воззва́х: стихи́ры на 4, глас 4.

Подо́бен: Зва́нный свы́ше:

Уще́дрив тва́рь Зижди́тель,/ милосе́рдием же Свои́м прекланя́емь,/ во утро́бу Де́вы Богоотрокови́цы всели́тися спеши́т./ К Не́йже вели́кий прии́де Арха́нгел, –/ ра́дуйся, – провещава́я, – Богора́дованная,/ ны́не с Тобо́ю Бог наш./ Не ужаса́йся мене́, Царе́ва Архистрати́га,/ обрела́ бо еси́ благода́ть,/ ю́же погуби́ Е́ва пре́жде, прама́ти Твоя́,/ и зачне́ши и роди́ши/ Отцу́ Единосу́щнаго. Два́жды

Стра́нно е́сть сло́во Твое́ и воззре́ние,/ стра́нны Твои́ глаго́лы и возвеще́ния, –/ Мари́я ко А́нгелу, –/ да не прельсти́ши Мене́,/ Де́ва бо е́смь, бра́ка не зна́ющи,/ глаго́леши, я́ко зачну́ Необыме́ннаго,/ и ка́ко вмести́т утро́ба Моя́,/ Его́же вели́чества Небе́сная вмести́ти не мо́гут?/ Авраа́мов кров да научи́т Тя ны́не,/ Бо́га вмести́вый,/ прообразу́ющий издале́ча, Де́во,/ Богоприя́тную Твою́ утро́бу.

В Назаре́т ны́не град прише́д,/ град Тя одушевле́н Царя́ Христа́/ Гаврии́л лобыза́ет, вопия́ Тебе́:/ ра́дуйся, Благослове́нная Богора́дованная,/ прии́меши во утро́бе Твое́й Бо́га воплоща́ема/ и Тобо́ю челове́чество/ на дре́внее блаже́нство за благоутро́бие призыва́юща./ Благослове́н чре́ва Твоего́/ Боже́ственный Плод безсме́ртный,/ подая́й ми́ру очище́ние/ и ве́лию ми́лость.

Сла́ва, и ны́не, глас 1:

В шесты́й ме́сяц Архистрати́г по́слан бы́сть/ к Тебе́, Де́ве и Чи́стей,/ возвести́ти Тебе́ сло́во спасе́ния,/ вку́пе же и зва́ти Тебе́:/ ра́дуйся, Обра́дованная, Госпо́дь с Тобо́ю,/ роди́ши Сы́на Преве́чнаго из Отца́,/ и спасе́т лю́ди Своя́ от грех их.

На стихо́вне стихи́ры, глас 8.

Подо́бен: О, пресла́внаго чудесе́:

Нача́льник Вы́шних сил,/ с Небе́с в Назаре́т слете́в,/ Де́ву лобыза́ет, –/ ра́дуйся, – глаго́ля, –/ колесни́це чи́стая Божества́:/ Тя от ве́ка Бог возлюби́, в жили́ще изво́ли./ Раб Влады́чень, к Тебе́ прише́льствуяй е́смь вопи́ти:/ роди́ши бо Го́спода/ и нетле́нна пребу́деши.

Стих: Благовести́те де́нь от дне/ спасе́ние Бо́га на́шего.

Что твой вид о́гненный? –/ Гаврии́лу Чи́стая со удивле́нием рече́, –/ что твое́ досто́инство и слове́с си́ла?/ Зача́ти Сы́на провещава́еши Ми,/ Аз же иску́са му́жеска не вем,/ отыди́ дале́че, не прельсти́ши, челове́че,/ я́коже пре́жде Е́ву прама́терь змий льсти́вый.

Стих: Воспо́йте Го́сподеви пе́снь но́ву,/ воспо́йте Го́сподеви, вся земля́.

Дух Бо́жий Пресвяты́й/ прии́дет, Пречи́стая, на Тя,/ Боговмести́мая Влады́чице,/ и си́ла Вы́шняго осени́т Тя,/ и роди́ши Сы́на,/ соблюда́юща Твое́ де́вство неврежде́нно./ Сей Сын е́сть неродосло́вим,/ Сей, я́влься, спасе́т лю́ди Своя́,/ я́ко благоизво́ли.

Сла́ва, и ны́не, глас 4:

В шесты́й ме́сяц по́слан бы́сть Арха́нгел/ к Де́ве Чи́стей/ и, ра́доватися Ей прире́к,/ благовести́ из Нея́ Изба́вителю проити́./ Те́мже, прие́мши целова́ние,/ зача́т Тя, Преве́чнаго Бо́га,/ несказа́нно благоволи́вшаго вочелове́читися/ во спасе́ние душ на́ших.

Тропа́рь, глас 4:

Дне́сь спасе́ния на́шего глави́зна/ и е́же от ве́ка та́инства явле́ние:/ Сын Бо́жий Сын Де́вы быва́ет,/ и Гаврии́л благода́ть благовеству́ет./ Те́мже и мы с ним Богоро́дице возопии́м:/ ра́дуйся, Благода́тная,/ Госпо́дь с Тобо́ю.

НА ВЕЛИ́ ЦЕЙ ВЕЧЕ́ РНИ

Сий пра́здник начина́ется от четвертка́ 3-я неде́ли святы́х посто́в и восхо́дит до среды́ све́тлыя седми́цы. И а́ще е́сть пост, начина́ем вече́рню без кафи́ змы и без покло́нов.

На Го́споди, воззва́х: ста́вим стихо́в 10 и пое́м Трио́ди самогла́сен дне, два́жды, и подо́бны 3, и пра́здника 3, повторя́юще две, глас 6.

Подо́бен: Всю отложи́вше:

Сове́т преве́чный/ открыва́я Тебе́, Отрокови́це,/ Гаврии́л предста́,/ Тебе́ лобза́я и веща́я:/ ра́дуйся, земле́ ненасе́янная;/ ра́дуйся, купино́ неопали́мая;/ ра́дуйся, глубино́ неудобозри́мая;/ ра́дуйся, мо́сте, к Небесе́м преводя́й,/ и ле́ствице высо́кая,/ ю́же Иа́ков ви́де;/ ра́дуйся, Боже́ственная ста́мно ма́нны;/ ра́дуйся, разреше́ние кля́твы;/ ра́дуйся, Ада́мово воззва́ние:/ с Тобо́ю Госпо́дь. Два́жды

Явля́ешися Мне, я́ко челове́к, –/ глаго́лет нетле́нная Отрокови́ца ко Архистрати́гу, –/ и ка́ко веща́еши глаго́лы па́че челове́ка?/ Со Мно́ю бо, рекл еси́, Бо́гу бы́ти/ и всели́тися во утро́бу Мою́./ И ка́ко бу́ду, глаго́ли Ми,/ вмести́лище простра́нное и ме́сто свяще́ния/ Херуви́мы превосходя́щаго?/ Да не прельсти́ши Мене́ ле́стию,/ не бо позна́х сла́сти,/ бра́ку е́смь неприча́стна,/ ка́ко у́бо Отроча́ рожду́? Два́жды

Бог иде́же хо́щет,/ побежда́ется естества́ чин, –/ глаго́лет безпло́тный, –/ и я́же па́че челове́ка содева́ются,/ мои́м ве́руй и́стинным глаго́лом,/ Всесвята́я Пренепоро́чная./ Она́ же возопи́:/ бу́ди Мне ны́не по глаго́лу твоему́,/ и рожду́ Безпло́тнаго,/ пло́ть от Мене́ заи́мствовавшаго,/ я́ко да возведе́т челове́ка,/ я́ко еди́н си́лен,/ в пе́рвое достоя́ние срастворе́нием.

Сла́ва, и ны́не, глас то́йже, самогла́сен. Иоа́нна мона́ха:

По́слан бы́сть с Небесе́ Гаврии́л Арха́нгел/ благовести́ти Де́ве зача́тие/ и, прише́д в Назаре́т,/ помышля́ше в себе́, чудеси́ удивля́яся:/ о, ка́ко, в Вы́шних непостижи́м Сый от Де́вы ражда́ется!/ Име́яй престо́л Не́бо и подно́жие зе́млю/ во утро́бу вмеща́ется Деви́чу!/ на Него́же шестокрила́тии и многоочи́тии зре́ти не мо́гут,/ сло́вом еди́нем от Сея́ воплоти́тися благоизво́ли./ Бо́жие е́сть сло́во настоя́щее./ Что у́бо стою́ и не глаго́лю Де́ве:/ ра́дуйся, Благода́тная, Госпо́дь с Тобо́ю;/ ра́дуйся, Чи́стая Де́во;/ ра́дуйся, Неве́сто Неневе́стная;/ ра́дуйся, Ма́ти Живота́,/ благослове́н Плод чре́ва Твоего́!

Вход. Све́те Ти́хий: Проки́мен, и чте́ние дне, и пра́здника три.

Бытия́ чте́ние (глава́ 28):

Изы́де Иа́ков от студенца́ кля́твеннаго и и́де в Харра́нь./ И обре́те ме́сто, и спа та́мо./ За́йде бо со́лнце,/ и взят от ка́мения ме́ста того́, и положи́ возгла́вие себе́,/ и спа на ме́сте о́ном./ И сон ви́де,/ и се ле́ствица утвержде́на на земли́, ея́же глава́ досяза́ше до Небе́с,/ и А́нгели Бо́жии восхожда́ху и низхожда́ху по ней./ Госпо́дь же утвержда́шеся на ней и рече́:/ Аз Бог Авраа́мов, отца́ твоего́,/ и Бог Исаа́ков, не бо́йся:/ земля́, иде́же ты спи́ши на ней, тебе́ дам ю и се́мени твоему́./ И бу́дет се́мя твое́, я́ко песо́к земны́й,/ и распространи́тся на мо́ре, и ли́ву, и се́вер, и на восто́ки,/ и возблагословя́тся о тебе́ вся коле́на земна́я и о се́мени твое́м./ И се Аз с тобо́ю,/ сохраня́яй тя на вся́ком пути́, а́може а́ще по́йдеши,/ и возвращу́ тя в зе́млю сию́,/ я́ко не и́мам тебе́ оста́вити,/ до́ндеже сотвори́ти ми вся, ели́ка глаго́лах тебе́./ И воста́ Иа́ков от сна своего́, и рече́:/ я́ко е́сть Госпо́дь на ме́сте сем,/ аз же не ве́дех./ И убоя́ся, и рече́:/ я́ко стра́шно ме́сто сие́,/ не́сть сие́, но дом Бо́жий,/ и сия́ врата́ Небе́сная.

Проро́чества Иезеки́илева чте́ние (гла́вы 43 и 44):

Та́ко глаго́лет Госпо́дь:/ бу́дет от дне осма́го, и про́чее,/ сотворя́т иере́и на олтари́ всесожже́ния ва́шего/ и я́же спасе́ния ва́шего,/ и прииму́ вы, – глаго́лет Адонаи́ Госпо́дь./ И обрати́ мя на пу́ть врат святы́х вне́шних,/ зря́щих на восто́ки,/ и сия́ бя́ху затворе́на./ И рече́ Госпо́дь ко мне:/ врата́ сия́ затворе́на бу́дут и не отве́рзутся,/ и никто́же про́йдет сквозе́ их,/ я́ко Госпо́дь Бог Изра́илев про́йдет и́ми,/ и бу́дут затворе́на./ Я́ко игу́мен ся́дет в них сне́сти хлеб,/ по пути́ ела́мских врат вни́дет/ и по пути́ его́ изы́дет./ И введе́ мя по пути́ врат святы́х,/ су́щих к се́веру, пря́мо хра́му,/ и ви́дех:/ и се испо́лнь сла́вы храм Госпо́день.

При́тчей чте́ние (глава́ 9):

Прему́дрость созда́ Себе́ дом/ и утверди́ столпо́в се́дмь./ Закла́ Своя́ же́ртвенная, и раствори́ в ча́ши Свое́й вино́,/ и угото́ва Свою́ трапе́зу./ Посла́ Своя́ рабы́,/ созыва́ющи с высо́ким пропове́данием на ча́шу, глаго́лющи:/ и́же е́сть безу́мен, да уклони́тся ко Мне./ И тре́бующим ума́ рече́:/ прииди́те, яди́те Мой хлеб/ и пи́йте вино́, е́же раствори́х вам./ Оста́вите безу́мие, и жи́ви бу́дете,/ и взыщи́те ра́зума, да поживете́,/ и испра́вите ра́зум в ве́дении./ Наказу́яй злы́я, прии́мет себе́ безче́стие,/ облича́яй же нечести́ваго, опоро́чит себе́,/ обличе́ние бо нечести́вому, ра́ны ему́./ Не облича́й злых, да не возненави́дят тебе́;/ облича́й прему́дра, и возлю́бит тя./ Да́ждь прему́дрому вину́, и прему́дрший бу́дет;/ сказу́й пра́ведному, и приложи́т приима́ти./ Нача́ло прему́дрости – страх Госпо́день,/ и сове́т святы́х – ра́зум./ Разуме́ти бо зако́н по́мысла е́сть блага́го,/ сим бо о́бразом мно́гое поживе́ши вре́мя,/ и приложа́тся тебе́ ле́та живота́.

Та́же Да испра́вится моли́тва моя́: И покло́ны 3 вели́кия, и про́чее преждесвяще́нных.

А́ще же не́сть преждесвяще́нных. На Го́споди, воззва́х: стихи́ры подо́бны 3, в Трио́ди, и пра́здника 5. Сла́ва, и ны́не: По́слан бы́сть: Вход. Проки́мен. И чте́ния дне и пра́здника 3. Та́же Сподо́би, Го́споди: На стихо́вне Трио́ди самогла́сен дне, два́жды, и му́ченичен. Сла́ва, и ны́не: Дне́сь ра́дость: По Ны́не отпуща́еши: тропа́рь пра́здника, ектения́, и 3 покло́ны вели́кия, и отпу́ст. На трапе́зе же разреша́ем на вино́ и еле́й, в ки́йлибо де́нь случи́тся, во сла́ву Пресвяты́я Богоро́дицы.

* * *

Потре́ба е́сть ве́дати, я́ко а́ще случи́тся Благове́щение в кото́рую суббо́ту поста́.

Чту́тся чте́ния пре́жде дне и по сих пра́здника 5: 1. Вни́де Моисе́й: 2. Госпо́дь созда́ мя: 3. Изы́де Иа́ков: 4. Бу́дет от дне осма́го: 5. Прему́дрость созда́ себе́ дом: Подо́бне чту́тся чте́ний пра́здника 5, а́ще Благове́щение случи́тся и в неде́лю.

А́ще ли е́сть пост, чту́тся ве́чер, три преждепи́санныя и на Литурги́и две сия́.

Исхо́да чте́ние (глава́ 3):

Вни́де Моисе́й в го́ру Бо́жию Хори́в,/ яви́ся же ему́ А́нгел Госпо́день в пла́мени о́гненне из купины́,/ и ви́де, я́ко купина́ горя́ше огне́м/ и купина́ не сгара́ше./ Рече́ же Моисе́й:/ преше́д, узрю́ виде́ние вели́кое сие́,/ что я́ко не сгара́ет купина́?/ Я́коже ви́де Госпо́дь, я́ко приступа́ет ви́дети,/ призва́ его́ Госпо́дь, из купины́ глаго́ля:/ Моисе́е, Моисе́е./ Он же рече́: что е́сть?/ И рече́: не прибли́жися се́мо./ Иззу́й сапо́г от но́гу твое́ю:/ ме́сто бо, на не́мже ты стои́ши, земля́ свята́ е́сть./ И рече́ ему́:/ Аз е́смь Бог отца́ твоего́,/ Бог Авраа́мов, и Бог Исаа́ков, и Бог Иа́ковль./ Отврати́ же Моисе́й лице́ свое́,/ стыдя́ше бо ся зре́ти пред Бо́гом./ Рече́ же Госпо́дь к Моисе́ю:/ ви́дя, ви́дех озлобле́ние люде́й Мои́х, и́же во Еги́пте,/ и во́пль их услы́шах от наси́льствующих в де́лех./ Вем бо боле́знь их,/ и снидо́х, е́же изъя́ти их от руки́ еги́птян,/ и извести́ их от земли́ о́ныя,/ и ввести́ их в зе́млю бла́гу и мно́гу,/ в зе́млю, точа́щу мед и млеко́.

При́тчей чте́ние (глава́ 8):

Госпо́дь созда́ мя нача́ло путе́й Свои́х в дела́ Своя́./ Пре́жде век основа́ мя/ в нача́ле, пре́жде, не́же зе́млю сотвори́ти,/ и пре́жде, не́же бе́здны соде́лати,/ пре́жде, не́же произы́ти исто́чником вод,/ пре́жде, не́же гора́м водрузи́тися,/ пре́жде же всех холмо́в ражда́ет мя./ Госпо́дь сотвори́ страны́, и пусты́ни,/ и концы́, населе́ны под Небесе́м./ Егда́ гото́вяше не́бо, с Ним бех,/ и егда́ отлуча́ше Себе́ престо́л на ве́трех,/ егда́ кре́пки творя́ше вы́шния о́блаки/ и я́ко тве́рды полага́ше исто́чники поднебесныя./ Внегда́ полага́ти мо́рю преде́л его́,/ и во́ды не ми́мо и́дут уст Его́,/ и кре́пки творя́ше основа́ния земли́,/ бех при Нем устроя́я подо́бна./ Аз бех, о не́йже ра́довашеся:/ по вся же дни веселя́хся пред лице́м Его́ на вся́ко вре́мя.

При часе́ же 1-й но́щи ударя́ет в вели́кий кампа́н дово́льно и пото́м во вся. И, собра́вшеся во храм, благослови́вшу иере́ю и кадя́щу, пое́м повече́рие вели́кое и С на́ми Бог: с пе́нием, на глас 8, на о́ба ли́ка. И обы́чныя тропари́: Де́нь преше́д: По 1-м трисвято́м тропа́рь пра́здника: Дне́сь спасе́ния на́шего: По 2-м конда́к пра́здника: Взбра́нной Воево́де: И по Сла́ва в Вы́шних: твори́м нахожде́ние в притво́р. И быва́ет лити́я по обы́чаю. И пое́м стихи́ры пра́здника самогла́сны три.

Глас 1.

Византи́ево: В шесты́й ме́сяц Архистрати́г по́слан бы́сть/ к Тебе́, Де́ве и Чи́стей,/ возвести́ти Тебе́ сло́во спасе́ния,/ вку́пе же и зва́ти Тебе́:/ ра́дуйся, Обра́дованная, Госпо́дь с Тобо́ю,/ роди́ши Сы́на преве́чнаго из Отца́,/ и спасе́т лю́ди Своя́ от грех их.

Анато́лиево: В ме́сяц шесты́й по́слан бы́сть с Небесе́ Гаврии́л Арха́нгел/ во град галиле́йский Назаре́т/ принести́ Отрокови́це ра́дость благове́щения./ И, прише́д к Ней, возопи́, глаго́ля:/ ра́дуйся, Обра́дованная, Госпо́дь с Тобо́ю;/ ра́дуйся, вмести́лище невмести́маго естества́,/ Его́же бо Небеса́ не вмести́ша,/ утро́ба Твоя́ вмести́, Благослове́нная;/ ра́дуйся, честно́е Ада́мово воззва́ние, и Е́вино избавле́ние,/ и ра́дость ми́ра,/ и весе́лие ро́да на́шего.

По́слан бы́сть Арха́нгел Гаврии́л с Небесе́ от Бо́га/ к Де́ве нескве́рней во град галиле́йский Назаре́т/ благовести́ти Ей стра́ннаго о́браза зача́тие./ По́слан бы́сть раб безпло́тен/ ко одушевле́нному гра́ду и две́ри мы́сленней/ возвести́ти Влады́чняго прише́ствия сни́тие./ По́слан бы́сть во́ин Небе́сный к Пресвяты́я сла́вы пала́те/ проугото́вати Зижди́телю жили́ще неотъе́млемо,/ и, прише́д к Ней, взыва́ше:/ ра́дуйся, престо́ле огнезра́чный,/ четверозра́чных пресла́внейший;/ ра́дуйся, седа́лище Царя́ Небе́снаго;/ ра́дуйся, горо́ несеко́мая, прия́телище пречестно́е,/ в Тебе́ бо все исполне́ние всели́ся Божества́ теле́сне/ благоволе́нием Отца́ присносу́щнаго/ и соде́йством Всесвята́го Ду́ха;/ ра́дуйся, Обра́дованная, Госпо́дь с Тобо́ю.

А́ще суббо́та или́ неде́ля:

Сла́ва, глас 8. Иоа́нна мона́ха:

Да веселя́тся Небеса́, и ра́дуется земля́,/ и́бо Отцу́ Соприсносу́щный, Собезнача́льный и Сопресто́льный,/ щедро́тство прие́м и человеколю́бную ми́лость,/ Себе́ поста́ви во истоща́ние/ благоволе́нием и сове́том О́тчим/ и во утро́бу всели́ся Деви́чу, предочище́нную Ду́хом./ О, чудесе́! Бог в челове́цех,/ Невмести́мый в ложесна́х, Безле́тный в ле́то,/ и е́же пресла́внее, я́ко и зача́тие безсе́менно,/ и истоща́ние несказа́нно, и та́инство ели́ко./ Бог бо истощава́ется, и воплоща́ется, и зи́ждется,/ А́нгелу к Чи́стей зача́тие глаго́лавшу:/ ра́дуйся, Обра́дованная, Госпо́дь с Тобо́ю,/ име́яй ве́лию ми́лость.

И ны́не, глас 2:

Благовеству́ет Гаврии́л Благода́тней дне́сь:/ ра́дуйся, неневе́стная Ма́ти и неискусобра́чная./ Не удивля́йся стра́нному моему́ зра́ку,/ ни ужаса́йся, Арха́нгел бо е́смь./ Змий прельсти́ Е́ву иногда́,/ ны́не же благовеству́ю Тебе́ ра́дость,/ и пребу́деши нетле́нна,/ и роди́ши Го́спода, Пречи́стая.

А́ще же де́нь по́стен: Сла́ва, и ны́не: Благовеству́ет Гаврии́л: Та́же моли́твы обы́чныя бде́ния. И, вше́дше во храм, пое́м.

На стихо́вне стихи́ры самогла́сны, глас 4:

В шесты́й ме́сяц по́слан бы́сть Арха́нгел/ к Де́ве Чи́стей/ и, ра́доватися Ей прире́к,/ благовести́ из Нея Изба́вителю проити́./ Те́мже, прии́мши целова́ние,/ зача́т Тя, Преве́чнаго Бо́га,/ несказа́нно благоволи́вшаго вочелове́читися/ во спасе́ние душ на́ших.

Стих: Благовести́те де́нь от дне/ спасе́ние Бо́га на́шего.

Язы́ка, его́же не ве́дяше,/ услы́ша Богоро́дица:/ глаго́лаше бо к Ней Арха́нгел благове́щения глаго́лы,/ отону́дуже ве́рно, прии́мши целова́ние,/ зача́т Тя, Преве́чнаго Бо́га./ Те́мже и мы, ра́дующеся, вопие́м Ти:/ из Нея́ воплоти́выйся непрело́жно Бо́же,/ мир ми́рови да́руй/ и душа́м на́шим ве́лию ми́лость.

Стих: Воспо́йте Го́сподеви пе́снь но́ву,/ воспо́йте Го́сподеви, вся земля́.

Се воззва́ние ны́не яви́ся нам:/ па́че сло́ва Бог челове́ком соединя́ется,/ Арха́нгеловым гла́сом пре́лесть отгоня́ется./ Де́ва бо прие́млет ра́дость,/ земна́я бы́ша Не́бо,/ мир разреши́ся пе́рвыя кля́твы./ Да ра́дуется тва́рь и гла́сы да воспое́т:/ Тво́рче и Изба́вителю наш,/ Го́споди, сла́ва Тебе́.

Сла́ва, и ны́не, глас то́йже.

Андре́я Иеросолими́ты: Дне́сь ра́дость благове́щения,/ де́вственное торжество́,/ ни́жняя с Вы́шними совокупля́ются./ Ада́м обновля́ется,/ и Е́ва пе́рвыя печа́ли свобожда́ется,/ и се́нь на́шего существа́,/ обоже́нием прие́мшаго смеше́ние,/ Це́рковь Бо́жия бы́сть./ О, та́инство! О́браз истоща́ния неве́домь,/ бога́тство бла́гости несказа́нно:/ А́нгел слу́жит чудеси́,/ Деви́ча утро́ба Сы́на прие́млет,/ Дух Святы́й низпосыла́ется,/ Оте́ц свы́ше благоволи́т,/ и измене́ние о́бщим твори́тся сове́том,/ в не́мже и и́мже спа́сшеся,/ вку́пе с Гаврии́лом к Де́ве возопии́м:/ ра́дуйся, Обра́дованная,/ из Нея́же спасе́ние – Христо́с Бог наш,/ е́же по нам прие́м естество́,/ к Себе́ возведе́./ Того́ моли́ спасти́ся душа́м на́шим.

Та́же, Ны́не отпуща́еши: И по О́тче наш:

На благослове́нии хле́бов тропа́рь, глас 4:

Дне́сь спасе́ния на́шего глави́зна/ и е́же от ве́ка та́инства явле́ние:/ Сын Бо́жий Сын Де́вы быва́ет,/ и Гаврии́л благода́ть благовеству́ет./ Те́мже и мы с ним Богоро́дице возопии́м:/ ра́дуйся, Благода́тная,/ Госпо́дь с Тобо́ю. Три́жды.

И Бу́ди И́мя Госпо́дне: с пе́нием, три́жды. И чте́ние пра́здника.

НА У́ТРЕНИ

На Бог Госпо́дь: тропа́рь пра́здника, три́жды.

По 1-й кафизме о́ба седа́льны Трио́ди без ектени́й и чте́ние дне.

По 2-й же кафизме ектения́ и седа́лен пра́здника, глас 1.

Подо́бен: Гроб Твой:

Вели́кий воево́да невеще́ственных А́нгел, во град Назаре́т предста́в,/ Царя́ возвеща́ет Тебе́, Пречи́стая, веко́в и Го́спода,/ ра́дуйся, – глаго́ля Тебе́, – Благослове́нная Мари́е,/ непостижи́мое и несказа́нное чу́до, челове́ков обновле́ние.

Сла́ва, и ны́не, то́йже, и чте́ние пра́здника.

По 3-й кафизме седа́лен, глас 3.

Подо́бен: Красоте́:

Дне́сь вся тва́рь ра́дуется,/ я́ко – е́же ра́дуйся, – Тебе́ глаго́лет Арха́нгел,/ благослове́нная честна́я и пречи́стая Ма́ти Христа́ Бо́га./ Дне́сь омрача́ется змии́но шата́ние,/ кля́твы бо пра́отчи разреша́ется сою́з./ Те́мже и непреста́нно вопие́м Ти:/ ра́дуйся, Обра́дованная.

Сла́ва, и ны́не, то́йже.

По чте́нии же даю́тся свещи́ бра́тии.

По полиеле́и седа́лен, глас 4.

Подо́бен: Удиви́ся:

Гаврии́л с Небесе́, е́же ра́дуйся, зове́т Честне́й,/ я́ко зачне́т во чре́ве Преве́чнаго Бо́га,/ сло́вом концы́ соста́вльшаго./ Те́мже Мариа́м отвещава́ше:/ безму́жна е́смь и ка́ко рожду́ Сы́на?/ безсе́менное рожде́ние кто ви́де?/ И, сказу́я, глаго́лаше А́нгел Богоро́дице и Де́ве:/ на́йдет на Тя Дух Святы́й,/ и си́ла Вы́шняго осени́т Тя.

Сла́ва, и ны́не, глас и подо́бен то́йже.

По́слан бы́сть Гаврии́л к Де́ве Мари́и и возвести́ Ей неизглаго́ланную ра́дость,/ я́ко безсе́менно зачне́т и не истле́ет,/ роди́ши бо Сы́на, Предве́чнаго Бо́га, и спасе́т лю́ди Своя́ от грех их./ И свиде́тельствует посла́вый мя вопи́ти Тебе́, Благослове́нная, е́же ра́дуйся:/ Де́ва роди́ши, и по рождестве́ па́ки пребу́деши Де́ва.

И чте́ние пра́здника.

Та́же степе́нна, 1-й антифо́н 4-го гла́са.

Проки́мен, глас 4: Благовести́те де́нь от дне/ спасе́ние Бо́га на́шего. Стих: Воспо́йте Го́сподеви пе́снь но́ву,/ воспо́йте Го́сподеви, вся земля́. Вся́кое дыха́ние: Ева́нгелие от Луки́, зача́ло 4.

По 50-м псалме́ стихи́ра, глас 2. Самогла́сна:

Благовеству́ет Гаврии́л Благода́тней дне́сь:/ ра́дуйся, Неневе́стная Ма́ти и Неискусобра́чная./ Не удивля́йся стра́нному моему́ зра́ку,/ ни ужаса́йся, Арха́нгел бо е́смь./ Змий прельсти́ Е́ву иногда́,/ ны́не же благовеству́ю Тебе́ ра́дость,/ и пребу́деши нетле́нна,/ и роди́ши Го́спода, Пречи́стая.

Кано́н пра́здника, ирмосы́ по два́жды, тропари́ же на 12. Катава́сия пра́здника, о́ба ли́ка вку́пе. А иде́же трипе́снец, та́мо пое́м пра́здника со ирмосо́м на 6 и трипе́снец на 8. Катава́сия Трио́ди, о́ба ли́ка вку́пе.

Кано́н, творе́ние кир Феофа́на, его́же краегране́сие по алфави́ту до 8-я пе́сни. Глас 4.

Пе́снь 1

Ирмо́с: Отве́рзу уста́ моя́,/ и напо́лнятся Ду́ха,/ и сло́во отры́гну Цари́це Ма́тери,/ и явлю́ся, све́тло торжеству́я,/ и воспою́, ра́дуйся, Тоя́ чудеса́.

Да пое́т Тебе́, Влады́чице, движа́ свире́ль духо́вную, Дави́д, пра́отец Твой:/ послу́шай, Дщи, ра́дованнаго гла́са от А́нгела,/ ра́дость бо возвеща́ет Тебе́ неизглаго́ланную.

А́нгел возопи́:

Вопию́ Тебе́, веселя́ся,/ приклони́ у́хо Твое́ и вонми́ ми,/ Бо́жие возвеща́ющу безсе́менное зача́тие,/ обрела́ бо еси́ благода́ть пред Бо́гом,/ ея́же никогда́же обре́те друга́я, Всечи́стая.

Богоро́дица рече́:

Да разуме́ю, А́нгеле, твои́х глаго́л си́лу,/ ка́ко бу́дет, е́же рекл еси́, глаго́ли я́вственнейше?/ Ка́ко зачну́, Де́ва су́щи, Отрокови́ца?/ Ка́ко же и Ма́ти бу́ду Зижди́теля Моего́?

А́нгел возопи́:

Ле́стно мя веща́ти помышля́еши, я́ко мню,/ и ра́дуюся, зря Твое́ утвержде́ние./ Дерза́й, Влады́чице,/ Бо́гу бо хотя́щу, удо́бь сконча́ются и пресла́вная.

Пе́снь 3

Ирмо́с: Твоя́ песносло́вцы, Богоро́дице,/ живы́й и незави́стный Исто́чниче,/ лик себе́ совоку́пльшия, духо́вно утверди́,/ в Боже́ственней Твое́й сла́ве/ венце́в сла́вы сподо́би.

Богоро́дица рече́:

Оскуде́ кня́зь от Иу́ды, вре́мя наста́ про́чее,/ в не́же яви́тся язы́ков наде́жда, Христо́с;/ ты же, ка́ко Сего́ рожду́, Де́ва су́щи, скажи́?

А́нгел возопи́:

И́щеши от Мене́ уве́дети, Де́во, о́браз зача́тия Твоего́,/ но той несказа́нен е́сть:/ Дух же Святы́й, зижди́тельною си́лою осени́в Тя, соверши́т.

Богоро́дица рече́:

Моя́ прама́ти, прие́мши ра́зум змии́н, пи́щи Боже́ственныя изгна́на бы́сть,/ те́мже и Аз бою́ся целова́ния стра́ннаго твоего́,/ стыдя́щися поползнове́ния.

А́нгел возопи́:

Бо́жий предста́тель, по́слан е́смь Боже́ственный пове́дати Тебе́ сове́т./ Что мене́ бои́шися, Всенепоро́чная, па́че Тебе́ боя́щагося?/ Что благогове́еши мне, Влады́чице,/ Тебе́ че́стно благогове́ющему?

Седа́лен, глас 8.

Подо́бен: Свире́лей па́стырских:

Сло́во Бо́жие на зе́млю ны́не сни́де, А́нгел предста́, вопия́ Де́ве:/ ра́дуйся, Благослове́нная, Я́же печа́тию еди́на сохра́ншися,/ во утро́бе прие́мши предве́чнаго Сло́ва и Го́спода,/ да от пре́лести спасе́т, я́ко Бог, род челове́ческий.

Сла́ва, и ны́не, глас то́йже.

Подо́бен: Повеле́нное:

По́слан бы́сть с Небесе́ Архистрати́г Гаврии́л от Бо́га,/ ско́ро предста́ ко одушевле́нному гра́ду, глаго́ля к Ней я́вственно:/ Зижди́теля прии́меши, Де́во, во утро́бе/ и роди́ши Сего́ непрело́жне с пло́тию./ Те́мже по́слан е́смь возвести́ти Тебе́ стра́нное рождество́, Чи́стая,/ и стою́, зовя́ Тебе́:/ ра́дуйся, Неве́сто Неневе́стная.

Пе́снь 4

Ирмо́с: Седя́й в сла́ве на престо́ле Божества́/ во о́блаце ле́гце,/ прии́де Иису́с Пребоже́ственный/ Нетле́нною Дла́нию и спа́се зову́щия:/ сла́ва, Христе́, си́ле Твое́й.

Богоро́дица рече́:

Свяще́нную не́кую Де́ву ражда́ющую слы́шах проро́ка, дре́вле Емману́ила проре́кша;/ хощу́ же разуме́ти, ка́ко Божества́ растворе́ние естество́ челове́ческое претерпи́т?

А́нгел возопи́:

Яви́ла е́сть купина́, неопа́льна пребы́вши,/ прие́мши пла́мень, обра́дованная Всепе́тая, на Тебе́ та́инства пресла́вное:/ по рождестве́ бо пребу́деши Чи́стая Присноде́ва.

Богоро́дица рече́:

Освеща́емь сия́нием Бо́га Вседержи́теля,/ и́стины пропове́дниче, глаго́ли, Гаврии́ле, и́стиннейшя:/ ка́ко, нетле́ние бы́вши чистоте́ Мое́й,/ Сло́ва рожду́, с пло́тию Безпло́тнаго?

А́нгел возопи́:

Со стра́хом Тебе́, я́ко раб Госпоже́, предстою́,/ с боя́знию, Отрокови́це, ны́не смотри́ти стыжду́ся Тебе́,/ я́ко бо до́ждь на руно́, сни́дет на Тя Сло́во О́тчее, я́ко благоволи́.

Пе́снь 5

Ирмо́с: Ужасо́шася вся́ческая/ о Боже́ственней сла́ве Твое́й;/ Ты бо, Неискусобра́чная Де́во,/ име́ла еси́ во утро́бе над все́ми Бо́га/ и родила́ еси́ безле́тнаго Сы́на,/ всем воспева́ющим Тя/ мир подава́ющая.

Богоро́дица рече́:

Разуме́ти не могу́ Твои́х слове́с изве́стия:/ чудеса́ бо бы́ша мно́жицею,/ Боже́ственною си́лою чудоде́йствуема,/ зна́мения и о́бразы зако́ннии,/ роди́ же де́ва неискусому́жне никогда́же.

А́нгел возопи́:

Диви́т, Всенепоро́чная, и стра́нно бо чу́до Твое́,/ еди́на бо Ты всех Царя́ прии́меши во утро́бе, воплоща́ема,/ и Тя прообразу́ют проро́ческая рече́ния, и гада́ния, и зако́ннии о́бразы.

Богоро́дица рече́:

Все́ми Невмести́мый и все́ми Неви́димый,/ ка́ко сей мо́жет во чре́ве деви́че всели́тися, е́же Сам созда́?/ Ка́ко же и зачну́ Бо́га Сло́ва, собезнача́льна Отцу́ и Ду́ху?

А́нгел возопи́:

К Твоему́ пра́отцу Дави́ду обеща́вся/ посади́ти от плода́ Твоего́ чре́ва на престо́ле ца́рства его́,/ Иа́ковлю Тя добро́ту, еди́ну избра́ в слове́сное селе́ние.

Пе́снь 6

Ирмо́с: Возопи́, прообразу́я погребе́ние тридне́вное,/ проро́к Ио́на, в ки́те моля́ся:/ от тли изба́ви мя,/ Иису́се, Царю́ сил.

Богоро́дица рече́:

Глаго́л твои́х, Гаврии́ле, глас ра́дованен прие́мши, весе́лия Боже́ственнаго испо́лнихся:/ ра́дость бо пове́даеши и весе́лие возвещаеши безконе́чное.

А́нгел возопи́:

Тебе́ даде́ся ра́дость, Богома́ти Боже́ственная,/ Тебе́, е́же ра́дуйся, вся тва́рь вопие́т, Богоневе́сто:/ Ты бо еди́на Ма́ти Сы́на Бо́жия пронарече́ся, Чи́стая.

Богоро́дица рече́:

Е́вы Мно́ю ны́не да упраздни́тся осужде́ние,/ да возда́стся Мно́ю долг дне́сь,/ Мно́ю заи́мствование дре́внее да да́стся преиспо́лнено.

А́нгел возопи́:

Обеща́ся Бог Авраа́му пра́отцу/ благослови́тися в се́мени его́ язы́ком, Чи́стая,/ Тобо́ю же коне́ц обеща́ние прие́млет дне́сь.

Конда́к, глас 8:

Взбра́нной Воево́де победи́тельная,/ я́ко изба́вльшеся от злых,/ благода́рственная воспису́ем Ти, раби́ Твои́, Богоро́дице,/ но, я́ко иму́щая держа́ву непобеди́мую,/ от вся́ких нас бед свободи́, да зове́м Ти:/ ра́дуйся, Неве́сто Неневе́стная.

И́кос: А́нгел предста́тель с Небесе́ по́слан бы́сть рещи́ Богоро́дице: ра́дуйся!/ и со безпло́тным гла́сом воплоща́ема Тя зря, Го́споди, ужаса́шеся/ и стоя́ше, зовы́й к Ней такова́я:/ ра́дуйся, Е́юже ра́дость возсия́ет;/ ра́дуйся, Е́юже кля́тва исче́знет./ Ра́дуйся, па́дшаго Ада́ма воззва́ние;/ ра́дуйся, слез Е́виных избавле́ние./ Ра́дуйся, высото́ неудобовосходи́мая челове́ческими по́мыслы;/ ра́дуйся, глубино́ неудобозри́мая и А́нгельскима очи́ма./ Ра́дуйся, я́ко еси́ Царе́во седа́лище;/ ра́дуйся, я́ко но́сиши нося́щаго вся./ Ра́дуйся, звездо́, явля́ющая Со́лнце;/ ра́дуйся, утро́бо Боже́ственнаго воплоще́ния./ Ра́дуйся, Е́юже обновля́ется тва́рь;/ ра́дуйся, Е́юже покланя́емся Творцу́./ Ра́дуйся, Неве́сто Неневе́стная.

Пе́снь 7

Ирмо́с: Не послужи́ша тва́ри Богому́дрии/ па́че Созда́вшаго,/ но, о́гненное преще́ние му́жески попра́вше,/ ра́довахуся, пою́ще:/ препе́тый отце́в Госпо́дь и Бог, благослове́н еси́.

Богоро́дица рече́:

Свет невеще́ственный пове́дая, в веще́ственне телеси́ совокупля́емь за милосе́рдие мно́гое,/ све́тлое благове́щение, Боже́ственная пропове́дания, ны́не взыва́еши Ми:/ благослове́н, Всечи́стая, Плод Твоего́ чре́ва.

А́нгел возопи́:

Ра́дуйся, Влады́чице Де́во,/ ра́дуйся, Пречи́стая, ра́дуйся, прия́телище Бо́жие,/ ра́дуйся, све́щниче Све́та, Ада́мово воззва́ние,/ Е́вы избавле́ние, горо́ свята́я,/ прея́вственное свяще́ние и черто́г безсме́ртия.

Богоро́дица рече́:

Ду́шу очи́сти, те́ло освяти́,/ це́рковь сотвори́ мя вмести́тельну Бо́га,/ ски́нию Богоукраше́ну, одушевле́н храм наи́тием Пресвята́го Ду́ха/ и Жи́зни чи́стую Ма́терь.

А́нгел возопи́:

Я́ко многосве́тлую свещу́ и Богоде́ланен черто́г,/ ви́жу Тя ны́не, я́ко злат киво́т,/ зако́на Пода́теля приими́, Богоневе́сто,/ благоизво́лившаго челове́ческое изба́вити Тобо́ю тле́нное существо́.

Пе́снь 8

Ирмо́с: Слы́ши, Отрокови́це, Де́во чи́стая,/ да рече́т у́бо Гаврии́л/ сове́т Вы́шняго дре́вний и́стинный:/ бу́ди к прия́тию гото́ва Бо́жию,/ Тобо́ю бо Невмести́мый с челове́ки поживе́./ Тем и, ра́дуяся, вопию́:/ благослови́те, вся дела́ Госпо́дня, Го́спода.

Богоро́дица рече́:

Ум всяк побежда́ется земны́х, – отвеща́ Деви́ца, –/ и́щущи, я́же Мне веща́еши, пресла́вная:/ слы́шах твоя́ словеса́, но бою́ся, ужаса́ющися,/ да не ле́стию Мя, я́ко Е́ву, дале́че по́слеши от Бо́га./ Но оба́че се вопию́:/ благослови́те, вся дела́ Госпо́дня, Го́спода и превозноси́те Его́ во ве́ки.

А́нгел возопи́:

Се Тебе́ недоуме́нное разреши́ся, – глаго́лет к сим Гаврии́л, – до́бре бо рекла́, еси́, ве́щь неудобопости́жна./ Словесе́м Твои́х усте́н повину́ющися про́чее,/ не сумни́ся, я́ко ле́сти, я́коже ве́щи, ве́руй./ Аз бо, ра́дуяся, вопию́:/ благослови́те, вся дела́ Госпо́дня, Го́спода и превозноси́те Его́ во ве́ки.

Богоро́дица рече́:

Зако́н сей от Бо́га е́сть челове́ком, – Непоро́чная а́бие глаго́лет, –/ от о́бщия любве́ рождество́ происхо́дит./ Не вем супру́жника сла́сти всеконе́чно,/ ка́ко, у́бо глаго́леши, я́ко рожду́?/ Бою́ся, еда́ ле́сть глаго́леши?/ Но оба́че се вопию́:/ благослови́те, вся дела́ Госпо́дня, Го́спода и превозноси́те Его́ во ве́ки.

А́нгел возопи́:

Глаго́лы, я́же мне веща́еши, Чи́стая, –/ А́нгел па́ки глаго́лет, –/ обы́чая е́сть рождества́ челове́ков сме́ртных,/ и́стинно Бо́га Тебе́ обещава́ю,/ па́че сло́ва же и смы́сла воплоща́ема, я́ко ве́сть, из Тебе́./ Те́мже и, ра́дуяся, вопию́:/ благослови́те, вся дела́ Госпо́дня, Го́спода и превозноси́те Его́ во ве́ки.

Богоро́дица рече́:

Явля́ешися Мне и́стины веща́тель, – рече́ Де́ва, –/ ра́дости бо о́бщия прише́л еси́ благове́стник./ Ду́шу у́бо очи́стих с те́лом, и по глаго́лу твоему́ бу́ди Мне,/ да всели́тся Бог в Мя, к Нему́же вопию́ с тобо́ю:/ благослови́те, вся дела́ Госпо́дня, Го́спода и превозноси́те Его́ во ве́ки.

На 9-й пе́сни па́ки вжига́ют свещи́ бра́тия.

Честне́йшую: не пое́м, но пое́м припе́в пра́здника: Благовеству́й, земле́, ра́дость ве́лию,/ хвали́те, Небеса́, Бо́жию сла́ву. Та́же ирмо́с: Я́ко одушевле́нному: Подо́бне и 2-й лик припе́в, и ирмо́с, и к про́чим тропаре́м пра́здника то́йже припе́в. У трипе́снца же к тропаре́м припева́ем: Сла́ва Тебе́, Бо́же наш, сла́ва Тебе́. К Богоро́дичным припева́ем припе́в пра́здника.

Пе́снь 9

Ирмо́с: Я́ко одушевле́нному Бо́жию киво́ту,/ да ника́коже ко́снется рука́ скве́рных./ Устне́ же ве́рных, Богоро́дице, немо́лчно,/ глас А́нгела воспева́юще,/ с ра́достию да вопию́т:/ ра́дуйся, Благода́тная,/ Госпо́дь с Тобо́ю.

Па́че смы́сла заче́нши Бо́га, естества́ обы́чая утаи́ся, Отрокови́це,/ Ты бо в рождестве́ ма́терскаго избежа́ла еси́ тле́ннаго естества́/ и превы́шши су́щи./ Те́мже досто́йно слы́шиши:/ ра́дуйся, Благода́тная, Госпо́дь с Тобо́ю.

Ка́ко то́чиши млеко́, Де́во Чи́стая, не мо́жет изрещи́ язы́к зе́млен,/ стра́нну бо естества́ показу́еши ве́щь, зако́ннаго рождества́ уста́в прехо́диши./ Те́мже досто́йно слы́шиши:/ ра́дуйся, Благода́тная, Госпо́дь с Тобо́ю.

Та́йно во свяще́нных писа́ниях/ глаго́лася о Тебе́, Ма́ти Вы́шняго,/ ле́ствицу бо дре́вле Иа́ков, Тя образу́ющую, ви́дев, рече́:/ степе́нь Бо́жия сия́./ Те́мже досто́йно слы́шиши:/ ра́дуйся, Благода́тная, Госпо́дь с Тобо́ю.

Чу́дное священноявле́нному Моисе́ю/ купина́ и о́гнь показа́ чу́до,/ ища́й же конца́ в прехожде́нии време́н, во Отрокови́це чи́стей, рече́, узрю́./ Е́йже, я́ко Богоро́дице, да рече́тся:/ ра́дуйся, Благода́тная, Госпо́дь с Тобо́ю.

Дании́л Тя го́ру нарече́ мы́сленную,/ роди́тельницу же Бо́жию Иса́ия,/ ви́дит же, я́ко руно́, Гедео́н,/ Дави́д же свяще́ние глаго́лет, две́рь же Тя ин./ Гаврии́л же Тебе́ взыва́ет:/ ра́дуйся, Благода́тная, Госпо́дь с Тобо́ю.

Та́же ирмо́с Трио́ди, и пра́здника припе́в, и ирмо́с о́ба ли́ка вку́пе.

Свети́лен.

Подо́бен: Со ученики́:

А́нгельских сил Архистрати́г/ по́слан бы́сть от Бо́га Вседержи́теля к Чи́стей и Де́ве/ благовести́ти стра́нное и неизрече́нное чу́до:/ зане́ Бог, я́ко Челове́к, из Ней младоде́йствуется без се́мене,/ назида́яй ве́сь челове́ческий род./ Лю́дие, благовести́те обновле́ние ми́ра.

Сла́ва, и ны́не, ин свети́лен.

Подо́бен: Жены́, услы́шите:

Е́же от ве́ка дне́сь познава́ется та́инство Бо́жие:/ Бог Сло́во Сын Де́вы Мари́и за милосе́рдие быва́ет,/ и ра́дость благове́щения Гаврии́л провещава́ет./ С ни́мже возопие́м Ей:/ ра́дуйся, Ма́ти Госпо́дня.

На хвали́тех Вся́кое дыха́ние: и пое́м стихи́ры, на 4. Глас 1.

Подо́бен: Небе́сных чино́в:

С Небе́сных круго́в слете́в Гаврии́л в Назаре́т,/ прии́де к Де́ве Мари́и,/ вопия́ Ей: ра́дуйся!/ Зачне́ши Сы́на, Ада́ма дре́внейшаго,/ Творца́ веко́в и Изба́вителя/ вопию́щих Тебе́:/ ра́дуйся, Чи́стая.

Соприсносу́щное Сло́во Пребезнача́льнаго Отца́,/ не разлучи́вся Го́рних,/ ны́не предста́ до́льным, ра́ди кра́йняго благоутро́бия,/ ми́лость прие́м, е́же на ны поползнове́ния,/ и, Ада́мову нищету́ восприе́м,/ вообрази́ся в чужде́е.

Гаврии́л, Де́ве благовести́в с Небесе́ прине́с,/ вопия́ше: ра́дуйся!/ Зачне́ши во чре́ве Твое́м/ Тобо́ю вмести́маго,/ Невмести́маго же все́ми,/ и ражда́ющая яви́шися/ от Отца́ пре́жде денни́цы возсия́вшаго.

Пресу́щественное Сло́во,/ пло́тию всели́вся в Тя/ О́тчим сове́том, Богоро́дице Де́во,/ назда́ род, и́же по нам,/ па́дший от дре́вния кля́твы./ Тем – е́же ра́дуйся – Тебе́ вси, Ма́ти Христо́ва,/ со А́нгелом вопие́м ве́рно.

Сла́ва, и ны́не, глас 2. Феофа́ново:

Е́же от ве́ка та́инство открыва́ется дне́сь,/ и Сын Бо́жий Сын челове́чь быва́ет,/ да, ху́ждшее восприе́м, пода́ст ми лу́чшее./ Солга́ся дре́вле Ада́м,/ и Бог, возжеле́в бы́ти, не бы́сть:/ Челове́к быва́ет Бог,/ да бо́га Ада́ма соде́лает./ Да весели́тся тва́рь, да ликовству́ет естество́,/ я́ко Арха́нгел Де́ве со стра́хом предстои́т/ и – е́же ра́дуйся – прино́сит, печа́ли сопроти́вное./ За милосе́рдие ми́лости вочелове́чивыйся,/ Бо́же наш, сла́ва Тебе́.

А́ще е́сть суббо́та или́ неде́ля, славосло́вие вели́кое, и ектении́, и отпу́ст. А́ще же де́нь по́стен, пое́м на стихо́вне Трио́ди самогла́сен дне, два́жды, и му́ченичен.

Сла́ва, и ны́не, пра́здника, глас 8:

Да веселя́тся Небеса́, и ра́дуется земля́,/ и́бо Отцу́ Соприсносу́щный, Собезнача́льный и Сопресто́льный,/ щедро́тство прие́мь и человеколю́бную ми́лость,/ Себе́ поста́ви во истоща́ние/ благоволе́нием и сове́том О́тчим/ и во утро́бу всели́ся Деви́чу, предочище́нную Ду́хом./ О, чудесе́! Бог в челове́цех,/ Невмести́мый в ложесна́х, Безле́тный в ле́то,/ и е́же пресла́внее, я́ко и зача́тие безсе́менно,/ и истоща́ние несказа́нно, и та́инство ели́ко./ Бог бо истощава́ется, и воплоща́ется, и зи́ждется,/ А́нгелу к Чи́стей зача́тие глаго́лавшу:/ ра́дуйся, Обра́дованная, Госпо́дь с Тобо́ю,/ име́яй ве́лию ми́лость.

Таже, Бла́го е́сть: еди́ножды. По О́тче наш: тропа́рь пра́здника, и ектения́, в коне́ц три покло́ны великия, без отпу́ста у́трени; дае́тся же и святы́й еле́й бра́тии, и пое́тся стихи́ра самогла́сна, и час 1-й с кафизмою. Тропа́рь и конда́к пра́здника, и в коне́ц три покло́ны великия, и моли́тва: Христе́, Све́те и́стинный: и отпу́ст.

* * *

В 3-й же час дне исхо́дим со кресты́ с лити́ею вне монастыря́ и, возвра́щшеся, вхо́дим в трапе́зу и пое́м часы́ 3-й и 6-й с кафизмами без покло́нов, тропа́рь и конда́к пра́здника.

На часе́х же в кампа́н не ударя́ем, на 6-м часе́ пое́м тропа́рь паремии́ Трио́ди и про́чая, по чи́ну их, и паремия́ и чтем сло́во, ему́ же нача́ло: Па́ки ра́дость благове́щения: Присовокупля́ем же и 9-й час с кафизмою и чте́нием. Посе́м, Блаже́нны: ско́ро без пе́ния и без покло́нов. Помяни́ нас, Го́споди: Лик Небе́сный: Сла́ва: Лик святы́х А́нгел: Осла́би, оста́ви: По О́тче наш: конда́к пра́здника. Го́споди, поми́луй, 40. Сла́ва, и ны́не: Честне́йшую Херуви́м: И покло́ны три вели́кия и моли́тва: Всесвята́я Тро́ице: и отпу́ст. И пое́м вече́рню без кафизмы и без покло́нов.

На Го́споди, воззва́х: пое́м Трио́ди самогла́сен дне, два́жды, без му́ченична, и подо́бны Трио́ди три, и пра́здника три, и Арха́нгела три. Стихи́ры пра́здника, глас 4. Самогла́сны:

В шесты́й ме́сяц по́слан бы́сть Арха́нгел/ к Де́ве Чи́стей/ и, ра́доватися Ей прире́к,/ благовести́ из Нея́ Изба́вителю проити́./ Те́мже, прии́мши целова́ние,/ зача́т Тя, Преве́чнаго Бо́га,/ несказа́нно благоволи́вшаго вочелове́читися/ во спасе́ние душ на́ших.

Язы́ка, его́же не ве́дяше, услы́ша Богоро́дица,/ глаго́лаше бо к Ней Арха́нгел благове́щения глаго́лы,/ отону́дуже ве́рно, прии́мши целова́ние,/ зача́т Тя, Преве́чнаго Бо́га./ Те́мже и мы, ра́дующеся, вопие́м Ти:/ из Нея́ воплоти́выйся непрело́жно Бо́же,/ мир ми́рови да́руй/ и душа́м на́шим ве́лию ми́лость.

Се воззва́ние ны́не яви́ся нам,/ па́че Сло́ва Бог челове́ком соединя́ется,/ Арха́нгеловым гла́сом пре́лесть отгоня́ется,/ Де́ва бо прие́млет ра́дость,/ земна́я бы́ша Не́бо,/ мир разреши́ся пе́рвыя кля́твы./ Да ра́дуется тва́рь и гла́сы да воспое́т:/ Тво́рче и Изба́вителю наш,/ Го́споди, сла́ва Тебе́.

Арха́нгела стихи́ры, глас 1.

Подо́бен: Всехва́льнии му́ченицы:

Гаврии́л вели́кий,/ ум Богови́днейший, светоза́рный и спаси́тельный,/ Свет Трисо́лнечный зрит/ и пое́т с Вы́шними чи́ны/ Боже́ственное и стра́шное пе́ние,/ мо́лит дарова́ти душа́м на́шим/ мир и ве́лию ми́лость.

Вели́кое та́инство,/ пе́рвее А́нгелом неве́домое/ и пре́жде век соблюда́емое,/ еди́ному уве́рися тебе́, Гаврии́ле,/ и сие́ еди́ней пове́дал еси́ Чи́стей, в Назаре́т прише́д./ С Не́юже моли́/ дарова́ти душа́м на́шим/ мир и ве́лию ми́лость.

К 11-му стиху́ припе́в: Творя́й А́нгелы Своя́ ду́хи/ и слуги́ Своя́ пла́мень о́гненный.

Све́та сый испо́лнь при́сно,/ и творя́ хоте́ние,/ и скончава́я повеле́ния Вседержи́теля,/ нача́льниче А́нгелов,/ Гаврии́ле всеизря́дне,/ любо́вию тя чту́щия спаса́й,/ при́сно прося́/ дарова́ти душа́м на́шим/ мир и ве́лию ми́лость.

Сла́ва, и ны́не, глас 6. Самогла́сен:

По́слан бы́сть с Небесе́ Гаврии́л Арха́нгел/ благовести́ти Де́ве зача́тие/ и, прише́д в Назаре́т,/ помышля́ше в себе́, чудеси́ удивля́яся:/ о, ка́ко в Вы́шних непостижи́м Сый от Де́вы ражда́ется!/ Име́яй престо́л Не́бо и подно́жие зе́млю/ во утро́бу вмеща́ется Деви́чу!/ На Него́же шестокрила́тии и многоочи́тии зре́ти не мо́гут,/ сло́вом еди́ным от Сея́ воплоти́тися благоизво́ли./ Бо́жие е́сть сло́во настоя́щее./ Что у́бо стою́ и не глаго́лю Де́ве:/ ра́дуйся, Благода́тная, Госпо́дь с Тобо́ю;/ ра́дуйся, чи́стая Де́во;/ ра́дуйся, Неве́сто неневе́стная;/ ра́дуйся, Ма́ти Живота́,/ благослове́н Плод чре́ва Твоего́!

Иере́й же твори́т проскоми́дию в стихи́ры.

Вход со Евангелием. Све́те ти́хий: Проки́мен, и чте́ния дне, и пра́здника две: 1-я, Вни́де Моисе́й: 2-я, Госпо́дь созда́ мя: Та́же ектения́ ма́лая, и возгла́с трисвята́го, и трисвято́е. Проки́мен, глас 4: Благовести́те де́нь от дне/ спасе́ние Бо́га на́шего. Стих: Воспо́йте Го́сподеви пе́снь но́ву,/ воспо́йте Го́сподеви, вся земля́. Апо́стол ко Евре́ем, зача́ло 306: Бра́тие, святя́й и освяща́емии: Аллилу́ия, глас 1: Сни́дет, я́ко до́ждь на руно́,/ и, я́ко ка́пля, ка́плющая на зе́млю. Стих: Бу́дет и́мя Его́ благослове́нно во ве́ки,/ пре́жде со́лнца пребыва́ет и́мя Его́. Ева́нгелие от Луки́, зача́ло 3: Во днех о́нех зача́т Елисаве́т: и про́чая Боже́ственныя Литурги́и Златоу́стаго. Вме́сто Досто́йно: пое́м ирмо́с: Я́ко одушевле́нному: Прича́стен: Избра́ Госпо́дь Сио́на/ и изво́ли его́ в жили́ще Себе́.

Иоа́нна по́стника:

Обрета́ем в не́киих ти́пицех, е́же пе́тися в сем дни честна́го сего́ пра́здника: Да испра́вится моли́тва моя́: и сие́ не вем, ки́им нра́вом определи́ся. Не́ции бо из произволе́ния и неуче́ния мно́гая приложи́ша. Аз же, я́ко мню, сие́ не попуща́ти в Златоу́стаго соверше́нной Литурги́и, и в 6-м часе́, и проскоми́дии бы́вшей.

Глаго́лет бо, в Яково́м дни случи́тся пра́здник Боже́ственнаго Благове́щения, Литурги́я Златоу́стаго, и на трапе́зе разреше́ние рыб, яко́в а́ще де́нь случи́тся.

Сие́ бо прия́хом от Боже́ственных отце́в, е́же я́сти ры́бы в де́нь Боже́ственнаго Благове́щения.

Да испра́вится: же, в преждесвяще́нных Литурги́и зачини́ся пе́ти, и в 9-м часе́, не бо тре́бствует ко́ему пла́ча зна́мению в сем дни пе́тися, честву́ем бо той я́ко глави́зну на́шего спасе́ния.

А́ще вели́кия ра́ди ну́жды не́сть Литурги́и.

На Го́споди воззва́х: стихи́ры Трио́ди подо́бны 3, и пра́здника 4, и Арха́нгела 3. Сла́ва, и ны́не, пра́здника. Вход, проки́мен и чте́ние дне и пра́здника 2. Та́же проки́мен, Апо́стол и Ева́нгелие пра́здника и по чте́нии: Сподо́би, Го́споди: На стихо́вне Трио́ди самогла́сен дне, два́жды, и му́ченичен. Сла́ва, и ны́не: Дне́сь ра́дость: По Ны́не отпуща́еши:

Тропа́рь Арха́нгела, глас 4:

Небе́сных во́инств Архистрати́же,/ мо́лим тя при́сно мы, недосто́йнии,/ да твои́ми моли́твами огради́ши нас/ кро́вом крилу́ невеще́ственныя твоея́ сла́вы,/ сохраня́я ны, припа́дающих приле́жно и вопию́щих:/ от бед изба́ви ны,/ я́ко чинонача́льник Вы́шних сил.

Сла́ва, и ны́не, пра́здника. Ектения́, и три покло́ны вели́кия, и отпу́ст. На трапе́зе быва́ет утеше́ние бра́тии ве́лие, яди́м ры́бы, и пие́м вино́, в ки́йлибо де́нь случи́тся, еди́ножды днем, кроме́ суббо́ты и неде́ли.

Повече́рие пое́м ма́лое в притво́ре поско́ру, без покло́нов и кано́на, точим на Сла́ва в Вы́шних: три покло́ны, и по трисвято́м три покло́ны, и по Честне́йшую: 3 покло́ны вели́кия с моли́твою: Го́споди и Влады́ко: и прочия 12 и на после́днем трисвято́м 3 покло́ны и отпу́ст.

* * *

А́ще случи́тся Благове́щение в суббо́ту 3-ю или́ 4-ю посто́в.

В пято́к ве́чера кафизмы не глаго́лем, на Го́споди, воззва́х: стихи́ры на 10: Трио́ди самогла́сен дне, два́жды, и пра́здника, 8: Сла́ва, и ны́не, пра́здника. И чте́ния пре́жде дне и пра́здника, 5. И Да испра́вится моли́тва моя́: и про́чее преждесвяще́нных. О 1-м же часе́ но́щи пое́м повече́рие вели́кое по обы́чаю. По 1-м трисвято́м тропа́рь пра́здника. По 2-м конда́к пра́здника. По Сла́ва в Вы́шних: исхожде́ние, я́коже предуказа́ся в де́нь по́стен.

На утрени быва́ет слу́жба вся пра́здника, ниже́ четверопе́снец, ни и́но что суббо́тное пое́тся, но все пра́здника, пое́м же и славосло́вие вели́кое, четверопе́снец же пое́тся в четверто́к на повече́рии.

Та́кожде и на Литурги́и все пра́здника. Пред Литурги́ею же во 2-й час дне, исхожде́ние твори́м вне монастыря́ по обы́чаю и, возвра́щшеся, пое́м Литурги́ю, и Блаже́нны от кано́на пра́здника, пе́сни 3-я и 6-я.

* * *

Подоба́ет ве́дати, а́ще случи́тся Благове́щением неде́лю 3-ю посто́в.

В суббо́ту на ма́лой вече́рни, на Го́споди, воззва́х: стихи́ры Креста́ 4. Сла́ва, и ны́не, пра́здника. На стихо́вне стихи́ра воскре́сна еди́на, и пра́здника 3, самогла́сны. Стихо́вна вели́кия вече́рни, с припе́вы их. Сла́ва, и ны́не, пра́здника. По трисвято́м тропа́рь воскре́сен. Сла́ва, и ны́не, пра́здника. Ектения́ и отпу́ст.

На вели́цей вече́рни: Блаже́н муж: кафизма вся. На Го́споди, воззва́х: стихи́ры воскре́сны 3, и Креста́ подо́бны 3, и пра́здника подо́бны 3, на 4. Сла́ва, Креста́, глас 3: Христе́ Бо́же наш: И ны́не, пра́здника, глас 6: По́слан бы́сть: Та́же вход. И чте́ний 5. На лити́и стихи́ры пра́здника, самогла́сны 3, глас 1, и Креста́ 3, пи́саны на хвали́тех. Сла́ва, пра́здника. И ны́не, Креста́. На стихо́вне стихи́ры воскре́сны по алфави́ту. Сла́ва, Креста́. И ны́не , пра́здника. На благослове́нии хле́бов тропа́рь пра́здника, два́жды, и Креста́, еди́ножды. И чте́ние в посла́ниих Апо́стольских или́ пра́здника.

На утрени, на Бог Госпо́дь: тропа́рь воскре́сен гла́са два́жды. Сла́ва, Креста́. И ны́не, пра́здника. По кафизмах седа́льны воскре́сны с Богоро́дичны их и чте́ние во Ева́нгелии толково́м. Полиеле́й и седа́льны пра́здника вси по еди́ножды.Сла́ва, и ны́не, пра́здника, и чте́ние пра́здника. Степе́нны гла́са. Проки́мен пра́здника, Вся́кое дыха́ние: и Ева́нгелие пра́здника. Воскресе́ние Христо́во: Псало́м 50, стихи́ра пра́здника. Кано́н воскре́сен на 4, и Креста́ на 4, и пра́здника на 6. Катава́сия пра́здника: Отве́рзу уста́ моя́: По 3-й пе́сни конда́к Креста́, и и́кос. Та́же седа́льны Креста́. Сла́ва, и ны́не, пра́здника, и чте́ние пра́здника. По 6-й пе́сни конда́к пра́здника, и и́кос, и про́лог. На 9-й пе́сни пое́м Честне́йшую: Свети́лен воскре́сен. Сла́ва, Креста́. И ны́не, пра́здника. На хвали́тех стихи́ры воскре́сны 4, и пра́здника 3, глас 1, Подо́бен: Небе́сных чино́в: и самогла́сен, глас 2: Е́же от ве́ка та́инство: с припе́вы их. Та́же припе́в: Воскресни́, Го́споди Бо́же мой: и пое́м самогла́сну стихи́ру дне. Сла́ва, ту́южде: И ны́не: Преблагослове́нна еси́: Славосло́вие вели́кое. И быва́ет исследование крестопокло́нное по обы́чаю. И посе́м ектении́ и отпу́ст. Сла́ва, и ны́не, стихи́ра ева́нгельская, и оглаше́ние Студи́тово. И час 1-й в притво́ре.

На 1-м часе́ тропа́рь воскре́сен. Сла́ва, Креста́. И ны́не, Богоро́дичен часо́в. По О́тче наш: конда́к Креста́, и про́чая и соверше́нный отпу́ст. Во вторы́й же час дне исхо́дим вне монастыря́, я́коже предуказа́ся, и, возвра́щшеся, пое́м часы́, на ни́хже глаго́лется тропа́рь воскре́сен, и пра́здника, и Креста́, пременя́юще, та́кожде и кондаки́.

На Литурги́и: Блаже́нны гла́са на 4, и пра́здника Пе́снь 3-я на 4, и Креста́ Пе́снь 6-я на 4. По вхо́де тропа́рь воскре́сен, и Креста́, и пра́здника. Сла́ва , конда́к Креста́. И ны́не, пра́здника. Вме́сто же трисвята́го пое́м: Кресту́ Твоему́ покланя́емся, Влады́ко: Проки́мен, Апо́стол, аллилу́ия, Ева́нгелие и прича́стен пре́жде пра́здника, та́же Креста́. Вме́сто Досто́йна, пое́м ирмо́с: Я́ко одушевле́нному:

Литурги́я же Вели́каго Васи́лия. Та́кожде и во вся неде́ли святы́х посто́в, в ни́хже а́ще пра́здник сей случи́тся, быва́ет Литурги́я Вели́каго Васи́лия непреме́нно.

* * *

А́ще случи́тся Благове́щение в понеде́льник 4-я, или́ 5-я, или́ 6-я неде́ли святы́х посто́в.

В неде́лю на ма́лой вече́рни стихи́ры пра́здника на 4. Сла́ва, и ны́не, пра́здника. На стихо́вне Трио́ди самогла́сен дне два́жды и му́ченичен. Сла́ва, и ны́не, пра́здника. Тропа́рь пра́здника, ектения́ ма́лая и отпу́ст. На Вели́цей Вече́рни, по обы́чном псалме́ пое́м Блаже́н муж: 1-й антифо́н. На Го́споди, воззва́х: стихи́ры на 10: Трио́ди подо́бны 3, и пра́здника, 7. Сла́ва, и ны́не: По́слан бы́сть: Вход, проки́мен дне и чте́ния пра́здника 3. И посе́м ектения́: Рцем вси: Та́же, Сподо́би, Го́споди: Испо́лним вече́рнюю: На лити́и стихи́ры пра́здника. Сла́ва, и ны́не, пра́здника. На стихо́вне стихи́ры пра́здника, с припе́вы пра́здника. Сла́ва, и ны́не , пра́здника. На благослове́нии хле́бов тропа́рь пра́здника, три́жды, и чте́ние пра́здника.

На у́трени пое́м пра́здника слу́жбу, я́коже в по́стен де́нь предписа́ся на ряду́. В понеде́льник же 4-я неде́ли посто́в, на 1-м часе́ быва́ет поклоне́ние честно́му Кресту́ по обы́чаю.

* * *

А́ще случи́тся Благове́щение в сре́ду крестопокло́нную: Оставля́ются стихи́ры, и Сла́вники, и кано́н Креста́, и пою́тся в понеде́льник или́ в пято́к тоя́же седми́цы. Зде же пое́м слу́жбу всю Благове́щения с трипе́снцем сре́дним, я́коже указа́ся в 1-й де́нь, на ряду́. А на у́трени, на 1-м часе́, поклоне́ние Креста́ быва́ет по чи́ну.

* * *

А́ще ли случи́тся Благове́щение в неде́лю 4-ю или́ 5-ю посто́в.

В суббо́ту, на ма́лой вече́рни стихи́ры пра́здника, на 4. Сла́ва, и ны́не, пра́здника. На стихо́вне стихи́ра воскре́сна еди́на, и пра́здника стихо́вна вели́кия вече́рни с припе́вы их. Сла́ва, и ны́не, пра́здника. Тропа́рь пра́здника, ектения́ ма́лая, и отпу́ст.

На Вели́цей Вече́рни: Блаже́н муж: кафизма вся. На Го́споди, воззва́х: стихи́ры воскре́сны 3, и восто́чен Анато́лиев 1, и пра́здника 6.Сла́ва, и ны́не , глас 6: По́слан бы́сть: Вход. Проки́мен дне, и чте́ний пра́здника 5. На лити́и стихи́ры пра́здника. Сла́ва, глас 8. И ны́не, глас 2. На стихо́вне стихи́ры воскре́сны. Сла́ва, и ны́не, пра́здника. На благослове́нии хле́бов тропа́рь пра́здника, три́жды, и чте́ние в посла́ниих Апо́стольских или́ пра́здника.

На у́трени, на Бог Госпо́дь: тропа́рь воскре́сен, два́жды: Сла́ва, и ны́не, пра́здника. По кафизмах седа́льны воскре́сны, с Богоро́дичны их. И чте́ние во Ева́нгелии толково́м. Та́же полиеле́й и седа́льны пра́здника вси по еди́ножды, и чте́ние пра́здника. Степе́нна гла́са, проки́мен пра́здника. Вся́кое дыха́ние: Ева́нгелие пра́здника. Воскресе́ние Христо́во: псало́м 50. Стихи́ра пра́здника. Кано́н воскре́сен со ирмосо́м на 4, и Трио́ди на 4, и пра́здника на 6. Катава́сия, ирмо́с пра́здника. По 3-й пе́сни седа́лен пра́здника. Сла́ва, и ны́не, то́йже, и чте́ние пра́здника. По 6-й пе́сни конда́к пра́здника и и́кос, и чтем про́лог. На 9-й пе́сни пое́м Честне́йшую: Свети́лен воскре́сен и пра́здника. На хвали́тех стихи́ры на 8. Воскре́сны 4 и пра́здника 4, с припе́вы их, и со Сла́вным. Посе́м припе́в: Воскресни́, Го́споди Бо́же мой: и пое́м самогла́сну стихи́ру дне. Сла́ва, па́ки ту́южде: И ны́не: Преблагослове́нна еси́: Славосло́вие вели́кое. По трисвято́м тропа́рь воскре́сен, ектении́ и отпу́ст. Та́же, Сла́ва, и ны́не, стихи́ра ева́нгельская. И дае́тся бра́тии святы́й еле́й от канди́ла Пресвяты́я Богоро́дицы, пою́щим нам самогла́сну стихи́ру пра́здника, и исхожде́ние в притво́р, и час 1-й.

На 1-м часе́ тропа́рь воскре́сен. Сла́ва, пра́здника. И ны́не, Богоро́дичен часо́в. По трисвято́м конда́к пра́здника, и про́чая, и соверше́нный отпу́ст.

При часе́ же 2-м дне твори́м исхожде́ние вне оби́тели, я́коже предуказа́ся на ряду́, и,возвра́щшеся, пое́м Литурги́ю Вели́каго Васи́лия.Блаже́нны гла́са на 6, и пра́здника пе́снь 3-я на 4. По вхо́де тропа́рь воскре́сен и пра́здника. Сла́ва, и ны́не, конда́к пра́здника. Проки́мен, Апо́стол, аллилу́ия, Ева́нгелие и прича́стен, пре́жде неде́ли, и пото́м пра́здника.

* * *

А́ще случи́тся Благове́щение Пресвяты́я Богоро́дицы в сре́ду 5-я неде́ли посто́в.

Пое́м слу́жбу предпра́зднства Благове́щения, стихи́ры и кано́н в понеде́льник на ряду́, мине́и же свята́го пое́м на повече́рии. Поне́же прелага́ется вели́кий кано́н с четвертка́ на вто́рник тоя́же неде́ли. И пое́м вели́кий кано́н с трипе́снцем вторичным, пра́здника ра́ди Пресвяты́я Богоро́дицы. Поне́же в сре́ду в пра́здник са́мый кафизма не глаго́лется и покло́ны не быва́ют. И отда́ние пое́м пра́здника в четверто́к. Того́ ра́ди в сре́ду ве́чера стихи́ры с покло́ны, и кано́н вели́кий в четверто́к не пое́тся, предпе́т бо е́сть во вто́рник. В сре́ду же 5-я неде́ли посто́в пое́м всю слу́жбу, ве́чер и у́тро пра́здника с Трио́дию по уста́ву, я́коже предуказа́ся в де́нь по́стен, а отда́ние пое́м Благове́щения в четверто́к на у́трени с трипе́снцем апо́стольским, я́коже явле́но е́сть в понеде́льник 4-я и 5-я неде́ли поста́, на отда́ние пра́здника Благове́щения.

* * *

А́ще случи́тся Благове́щение Пресвяты́я Богоро́дицы в четверто́к 5-я неде́ли посто́в, егда́ пое́тся вели́кий кано́н.

И прелага́ется пра́здника ра́ди вели́кий кано́н господи́на Андре́я, и пое́м его́ во вто́рник тоя́же неде́ли с трипе́снцем вто́рничным. А трипе́снец апо́стольский пое́м с пра́здником Благове́щения, и последи́ катава́сия Трио́ди.

* * *

А́ще случи́тся Благове́щение Пресвяты́я Богоро́дицы в пято́к тоя́же неде́ли.

Пое́м предпра́зднства Благове́щения стихи́ры и кано́н напреди́ в сре́ду на ряду́, вели́каго ра́ди кано́на, свята́го же мине́и пое́м на повече́рии.

* * *

А́ще случи́тся Благове́щение Пресвяты́я Богоро́дицы в суббо́ту ака́фиста.

В пято́к ве́чера, на Го́споди, воззва́х: стихи́ры на 10: Трио́ди самогла́сен дне два́жды, и пра́здника на 8.Сла́ва, и ны́не, пра́здника: По́слан бы́сть: Вход. И чте́ния дне, и пра́здника 5. По Да испра́вится моли́тва моя́: покло́ны 3, и про́чая преждесвяще́нных, и на Бу́ди и́мя Госпо́дне: 3 покло́ны и на отпу́сте 3 покло́ны.

О 1-м же часе́ но́щи кле́плет в вели́кое и пото́м во вся. И, собра́вшеся в храм, благослови́вшу иере́ю, пое́м вели́кое повече́рие, иере́й же кади́т, я́коже е́сть обы́чай. И по Сла́ва в Вы́шних: исхо́дим в притво́р, и твори́м обы́чную лити́ю, и пое́м стихи́ры самогла́сны пра́здника, 3, глас 1: Сла́ва, и ны́не: Благовеству́ет Гаврии́л: и обы́чная моли́тва бде́ния от иере́я, и по сконча́нии па́ки вхо́дим во храм. И пое́м на стихо́вне стихи́ры самогла́сны с припе́вы их. Сла́ва, и ны́не: Дне́сь ра́дость: На благослове́нии хле́бов тропа́рь пра́здника, три́жды, и чте́ние пра́здника.

На у́трени на Бог Госпо́дь: тропа́рь пра́здника, три́жды. По 1-й кафизме конда́к: Взбра́нной Воево́де: и друга́я 3, и и́косы 3, и па́ки конда́к 1-й, и чте́ние ака́фиста. По 2-й кафизме кондаки́ 3, и и́косы 3, и па́ки конда́к 1: Взбра́нной: я́коже пре́жде явле́но е́сть, и чте́ние ака́фиста, и полиеле́й, и седа́льны вси пра́здника, и чте́ния пра́здника. Степе́нна, 1-й антифо́н 4-го гла́са. Проки́мен пра́здника: Вся́кое дыха́ние: Ева́нгелие пра́здника. Псало́м 50. Стихи́ра пра́здника. Кано́н пра́здника, со ирмосо́м на 8 и ака́фиста на 6. Катава́сия пра́здника, о́ба ли́ка вку́пе. Четверопе́снца же зде не пое́м, но пое́м напрели в четверто́к на повече́рии. По 3-й пе́сни кондаки́ 3, и и́косы 3, и па́ки конда́к 1-й. Посе́м седа́лен и чте́ние пра́здника. По 6-й пе́сни кондаки́ 3 и и́косы 3. Та́же конда́к: О Всепе́тая Ма́ти: три́жды, и и́кос 1-й, и конда́к: Взбра́нной Воево́де: и чтем про́лог и синакса́рий. На 9-й пе́сни, Честне́йшую: не пое́м, но пое́м припе́вы пра́здника, я́коже предписа́ся на са́мый пра́здник, к тропаре́м же кано́на ака́фиста припе́в: Пресвята́я Богоро́дице, спаси́ нас. Та́же на схо́де пое́м припе́в и ирмо́с: Я́ко одушевле́нному: И покло́н. Свети́лен пра́здника. На хвали́тех стихи́ры пра́здника, глас 1, Подо́бен: Небе́сных чино́в: на 4. Сла́ва, и ны́не, Да веселя́тся Небеса́: Славосло́вие вели́кое. Тропа́рь пра́здника, ектении́ и отпу́ст. И дае́тся бра́тии снятый еле́й по обы́чаю, и оглаше́ние Студи́тово, и час 1-й в притво́ре.

На 1-м часе́ тропа́рь пра́здника. По трисвято́м конда́к пра́здника, и про́чее, и отпу́ст, и исхожде́ние вне монастыря́.

На Литурги́и: Блаже́нны пра́здника, пе́сни 3-я и 6-я, на 8. Проки́мен, Апо́стол, аллилуия, Ева́нгелие и прича́стен пра́здника.

* * *

О то́мже пра́зднице, а́ще случи́тся в суббо́ту Ла́зареву.

В пято́к ве́чера кафизмы не глаго́лем. На Го́споди, воззва́х: стихи́ра самогла́сна дне, два́жды: Душеполе́зную: ма́лую. И пра́здника, 3: Сове́т преве́чный: И свята́го Ла́заря, 5. Сла́ва: Душеполе́зную: вели́кую. И ны́не, пра́здника: По́слан бы́сть: Вход, проки́мен, и чте́ние дне, и пра́здника чте́ний 5, и про́чее преждесвяще́нных. На трапе́зе же разреше́ние вина́ и еле́я.

О 1-м же часе́ но́щи ударя́ет в вели́кий кампа́н дово́льно, и во вся. И собра́вшеся во храм, пое́м повече́рие вели́кое. По 1-м трисвято́м тропа́рь пра́здника. По 2-м, конда́к пра́здника. И по Сла́ва в Вы́шних: исхожде́ние в притво́р. И пое́м самогла́сны стихи́ры пра́здника, 3. И Трио́ди самогла́сны 3, пи́саны на хвали́тех: Божества́ Твоего́, Христе́: Слава: Да веселя́тся Небеса́: И ны́не: Благовеству́ет: На стихо́вне стихи́ры самогла́сны пра́здника, с припе́вы их. Сла́ва: Предста́л еси́ гро́бу: И ны́не: Дне́сь ра́дость: По О́тче наш: тропа́рь пра́здника, три́жды, и благослове́ние хле́бов, и чте́ние пра́здника.

На у́трени, на Бог Госпо́дь: тропа́рь пра́здника, два́жды. Сла́ва: О́бщее воскресе́ние: И ны́не , пра́здника. По 1-й кафизме, седа́лен Трио́ди, глас 1: Уще́дрив Ма́рфины и Мари́ины сле́зы: два́жды. Сла́ва, и ны́не, пра́здника, и чте́ние о Ла́заре. По 2-й кафизме седа́лен Трио́ди, глас 5: Исто́чник прему́дрости: два́жды. Сла́ва, и ны́не, пра́здника. И чте́ние о пра́ведном Ла́заре или́ пра́здника. Та́же, полиеле́й, и седа́лен пра́здника, и чте́ние пра́здника. Степе́нна, 1-й антифо́н 4-го гла́са. Проки́мен, Ева́нгелие пра́здника. Воскресе́ние Христо́во: и псало́м 50. И стихи́ра пра́здника. Кано́н пра́здника со ирмосо́м на 6 и свята́го Ла́заря о́ба кано́на на 8. Та́кожде и четверопе́снца, Катава́сия 2-го кано́на Ла́зарева, Ирмо́с: Во́ду проше́д: о́ба ли́ка вку́пе. По 3-й пе́сни конда́к, и и́кос, и седа́лен свята́го Ла́заря. Сла́ва, и ны́не, пра́здника и чте́ние пра́здника. По 6-й пе́сни конда́к пра́здника, и и́кос, и чте́ние. На 9-й пе́сни Честне́йшую: не пое́м, но пое́м припе́в пра́здника, я́коже предписа́ся на са́мый пра́здник. К Трио́ди же кано́на глаго́лем припе́в: Сла́ва Тебе́, Бо́же наш, сла́ва Тебе́. Катава́сия: Вои́стинну Богоро́дицу: Та́же припе́в пра́здника и Ирмо́с: Я́ко одушевле́нному: посе́м: Свят Госпо́дь Бог наш: на глас 1. Свети́лен пра́здника, два́жды: Сла́ва, и ны́не, Ла́заря. На хвали́тех стихи́ры пра́здника 3 и Ла́заря 3. Та́же припе́вы: Воскресни́, Го́споди Бо́же мой: 2-й: Испове́мся Тебе́, Го́споди, всем се́рдцем мои́м: Сла́ва, свята́го Ла́заря: Ве́лие и пресла́вное: И ны́не, пра́здника: Е́же от ве́ка та́инство: Славосло́вие вели́кое. Тропа́рь пра́здника. Сла́ва, и ны́не: О́бщее воскресе́ние: ектении́, и отпу́ст, и оглаше́ние, и час 1-й в притво́ре. Тропа́рь пра́здника, Сла́ва: О́бщее воскресе́ние: И ны́не, Богоро́дичен часо́в. По О́тче наш: конда́к Ла́заря. Си́ле тропари́ глаго́лем и на про́чих часе́х, кондаки́ пременя́ем.

При часе́ же 2-м дне твори́м исхожде́ние вне монастыря́, возвра́щшеся же, пое́м часы́.

На Литурги́и: Блаже́нны пра́здника, Пе́снь 3-я, на 4 и Ла́заря Пе́снь 6-я, на 4. По вхо́де тропа́рь пра́здника и Ла́заря. Сла́ва, конда́к Ла́заря. И ны́не, пра́здника. Вме́сто трисвята́го пое́м: Ели́цы во Христа́ крести́стеся: Проки́мен, Апо́стол, аллилуия и Ева́нгелие пре́жде пра́здника, та́же Ла́заря. Вме́сто же Досто́йна, пое́м ирмо́с пра́здника. Прича́стен, пре́жде пра́здника, та́же свята́го Ла́заря.

* * *

О то́мже пра́зднице, а́ще случи́тся в неде́лю Ва́ий.

В суббо́ту на ма́лой вече́рни, стихи́ры Ва́ий на 4. Сла́ва, и ны́не, пра́здника: В шесты́м ме́сяц: На стихо́вне самогла́сны пра́здника вели́кия вече́рни, с припе́вы их. Сла́ва, и ны́не, Ва́ий: Пою́ Твое́ стра́шное: Тропа́рь пра́здника. Сла́ва, и ны́не: О́бщее воскресе́ние: ектения́ ма́лая и отпу́ст.

На вели́цей вече́рни, Блаже́н муж: кафизма вся. На Го́споди, воззва́х: стихи́ры пра́здника 3, повторяющея, и Ва́ий на 4. Сла́ва , Ва́ий: Дне́сь благода́ть: И ны́не, пра́здника: По́слан бы́сть: Вход, проки́мен дне и чте́ния пра́здника 5 и Ва́ий 3. На лити́и стихи́ры пра́здника 3 и Ва́ий 3. Сла́ва, Ва́ий: Пре́жде шести́ дней: И ны́не, пра́здника: Благовеству́ет Гаврии́л: На стихо́вне стихи́ры самогла́сны Ва́ий, глас 8, с припе́вы их. Сла́ва, Ва́ий: Дне́сь благода́ть: И ны́не, пра́здника: Е́же от ве́ка та́инство: На благослове́нии хле́бов, тропа́рь пра́здника, два́жды, и Ва́ий, еди́ножды, и чте́ние пра́здника.

На у́трени на Бог Госпо́дь: тропа́рь пра́здника два́жды. Сла́ва, и ны́не: О́бщее воскресе́ние: По 1-й кафизме седа́лен Ва́ий. Сла́ва, и ны́не, пра́здника и чте́ние. По 2-й кафизме седа́лен Ва́ий. Сла́ва, и ны́не, пра́здника. И чте́ние. Та́же полиеле́й пра́здника, и Седа́лен, и чте́ние пра́здника. Степе́нна, 1-й антифо́н 4-го гла́са. Проки́мен Ва́ий, Вся́кое дыха́ние: Ева́нгелие Ва́ий. Псало́м 50. Воскресе́ние же Христо́во не глаго́лем. И егда́ целу́ют бра́тия свято́е Ева́нгелие, раздае́т игу́мен вайя со свеща́ми бра́тии, по обы́чаю. Вме́сто же, Моли́твами Богоро́дицы: пое́м: Сла́ва: Дне́сь Христо́с: И ны́не, то́йже. Та́же: Поми́луй, мя Бо́же: Посе́м стихи́ра, глас 6: Дне́сь благода́ть: Кано́н пра́здника со ирмосо́м на 8 и Ва́ий со ирмосо́м на 8. Катава́сия обои́х кано́нов, ки́йждо лик свой ирмо́с. По 3-й пе́сни конда́к Ва́ий, и и́кос, и седа́лен. Сла́ва, и ны́не, пра́здника. И чте́ние пра́здника, по 6-й пе́сни конда́к пра́здника и и́кос. На 9-й пе́сни Честне́йшую: не пое́м, но пое́м припе́в пра́здника, я́ко предписа́ся. Ва́ий же пое́м по обы́чаю припе́в: Сла́ва Тебе́, Бо́же наш, сла́ва Тебе́. На схо́де же пре́жде пое́м припе́в пра́здника и ирмо́с пра́здника: Я́ко одушевле́нному: пото́м же Ва́ий. Та́же: Свят Госпо́дь Бог наш: на глас 1. Свети́лен пра́здника, два́жды. На хвали́тех стихи́ры пра́здника, 3 и Ва́ий, 3. Сла́ва, пра́здника: Да веселя́тся Небеса́: И ны́не, Ва́ий: Пре́жде шести́ дней: Славосло́вие вели́кое. Тропа́рь: О́бщее воскресе́ние: Сла́ва, и ны́не, пра́здника, ектени́й и отпу́ст. И оглаше́ние, и час 1-й в притво́ре, и отпу́ст.

При часе́ же 2-м дне исхо́дим с лити́ею вне монастыря́, я́коже указа́ся на ряду́, и, возвра́щшеся, пое́м часы́.

На часе́х тропа́рь пра́здника. Сла́ва: О́бщее воскресе́ние: И ны́не, Богоро́дичен часо́в. По О́тче наш: кондаки́ пременя́ем.

На Литурги́и: Блаже́нны пра́здника, Пе́снь 3-я, на 4, и Ва́ий, Пе́снь 6-я, на 4. По вхо́де глаго́лем Стих: Благовести́те де́нь от дне спасе́ние Бо́га на́шего. Тропа́рь пра́здника и Ва́ий: О́бщее воскресе́ние: Сла́ва, конда́к Ва́ий: На престо́ле на небеси́: И ны́не, пра́здника: Взбра́нной : Та́же проки́мен Ва́ий, и пра́здника. Апо́стол, аллилуия, Ева́нгелие и прича́стен пра́здника, и Ва́ий. На Литурги́и за Досто́йно: ирмо́с Ва́ий: Бог Госпо́дь, и яви́ся нам: А́ще же храм Благове́щения Богоро́дицы, пое́м за Досто́йно: Ирмо́с: Я́ко одушевле́нному:

* * *

А́ще случи́тся Благове́щение Пресвяты́я Богоро́дицы в Вели́кий Понеде́льник.

В неде́лю Ва́ий, на ма́лой вече́рне, на Го́споди, воззва́х: стихи́ры пра́здника, на 4. Сла́ва, и ны́не, пра́здника. На стихо́вне стихи́ры пра́здника, вели́кия вече́рни. Сла́ва, и ны́не, пра́здника, и тропа́рь пра́здника. Ектения́ и отпу́ст.

На вели́цей вече́рни, пое́м Блаже́н муж: 1-й антифо́н. На Го́споди, воззва́х: стихи́ры пра́здника, на 6 и Ва́ий на 4. Сла́ва, Ва́ий, глас 6: Име́яй престо́л не́бо: И ны́не, пра́здника: По́слан бы́сть: Вход. Проки́мен дне, чте́ния пра́здника 3. На лити́и стихи́ры пра́здника. Сла́ва, и ны́не, пра́здника: Благовеству́ет Гаврии́л: На стихо́вне стихи́ры дне самогла́сны с припе́вы их. Сла́ва , Ва́ий: От ветвей и ва́ий: И ны́не, пра́здника. На благослове́нии хле́бов тропа́рь пра́здника, три́жды, и чте́ние пра́здника.

На у́трени, на Бог Госпо́дь: тропа́рь пра́здника три́жды. По 1-й кафизме, и по 2-й, седа́льны дне и чте́ние дне. По 3-й кафизме ектения́ ма́лая. Седа́льны пра́здника о́ба и чте́ние пра́здника. Полиеле́й, и седа́льны, и чте́ние пра́здника. Степе́нна, 1-й антифо́н 4-го гла́са. Проки́мен: Благовести́те де́нь от дне: Вся́кое дыха́ние: Ева́нгелие пра́здника. Псало́м 50. Стихи́ра пра́здника. (Ева́нгелие же дне оставля́ется, а́ще случи́тся Благове́щение в ки́йлибо де́нь сея́ седми́цы.) Кано́н пра́здника, со ирмосо́м на 6, и трипе́снец на 8. Катава́сия Трио́ди, ирмо́с о́ба ли́ка вку́пе. А иде́же не́сть трипе́снца, пое́м кано́н пра́здника, со ирмосо́м на 14. Катава́сия пра́здника. По 3-й пе́сни конда́к дне, и и́кос, и седа́лен пра́здника, и чте́ние пра́здника. По 6-й пе́сни конда́к пра́здника и и́кос. Про́лог, и синакса́рий. На 9-й пе́сни Честне́йшую: не пое́м, но пое́м припе́в пра́здника: Благовеству́й, земле́: Та́же ирмо́с пра́здника: Я́ко одушевле́нному: К трипе́снца тропаре́м припе́в: Сла́ва Тебе́, Бо́же, наш, сла́ва Тебе́. Та́же, пое́м ирмо́с Трио́ди, пото́м припе́в пра́здника и Ирмо́с: Я́ко одушевле́нному: Свети́лен пра́здника. Сла́ва, дне. И ны́не, пра́здника. На хвали́тех стихи́ры пра́здника, на 4. Сла́ва, пра́здника, Е́же от ве́ка: И ны́не, дне: Изсо́хшия смоко́вницы: Та́же предстоя́тель или́ чтец глаго́лет: Сла́ва Тебе́, показа́вшему нам свет. Ектения́: Испо́лним у́треннюю: На стихо́вне стихи́ры самогла́сны дне, глас 1: Гряды́й Госпо́дь: Припе́в: Испо́лнихомся: Дости́гши ве́рнии: Припе́в: Во вся дни на́ша возвесели́хомся,/ за дни, в ня́же смири́л ны еси́: Го́споди, гряды́й к страда́нию: Припе́в: И при́зри на рабы́ Твоя́: Го́споди к та́инству: Припе́в: И бу́ди све́тлость: Го́споди, соверше́ннейшая: Сла́ва, глас 8: Втору́ю Е́ву: И ны́не, пра́здника: Да веселя́тся небеса́: Та́же: Бла́го е́сть испове́датися: еди́ножды. По трисвято́м, тропа́рь пра́здника, ектения́, и покло́ны 3 вели́кия. Посе́м: Прииди́те, поклони́мся, три́жды: и час 1-й. Тропа́рь пра́здника. И ны́не, Богоро́дичен:Что Тя нарече́м: По трисвято́м, конда́к пра́здника, и в коне́ц три вели́кия покло́ны. Та́кже: Христе́, Све́те и́стинный: и отпу́ст.

При часе́ же 3-м дне твори́м лити́ю вне монастыря́, возвра́щшеся же, пое́м 3-й час, и 6-й, с кафизмами, и со чте́нием. И чтем Тетроевангелие. Глаго́лется же в них тропа́рь пра́здника. Кондаки́ глаго́лем дне и пра́здника, пременя́юще. И на коне́ц коего́ждо часа́, по 3 покло́ны вели́кия. Та́кожде пое́м и 9-й час иБлаже́нны про́сто без пе́ния. И Помяни́ нас, Го́споди: и про́чая. По О́тче наш: конда́к дне. Сла́ва, и ны́не, пра́здника. Го́споди поми́луй, 40. Сла́ва, и ны́не, Честне́йшую: и покло́ны 3 вели́кия. И а́бие начина́ем вече́рню без покло́нов и без кафизмы. На Го́споди, воззва́х: стихи́ры самогла́сны дне 5 и пра́здника 5. Сла́ва, дне: Изсо́хшия смоко́вницы: И ны́не, пра́здника: По́слан бы́сть: Вход со Ева́нгелием. Све́те ти́хий: Проки́мен, и чте́ния дне, и пра́здника, 2. Та́же ектения́ ма́лая и трисвято́е. Проки́мен, Апо́стол и аллилуия пра́здника. Ева́нгелие пра́здника и дне. И про́чая Литурги́я Златоу́стаго. Прича́стен пра́здника.

А иде́же, вели́кия ра́ди ну́жды, не бу́дет Литурги́и:

На Го́споди, воззва́х: стихи́ры на 10: и пое́м дне 3, глас 1, повторяйте пе́рвыя две, и пра́здника, 5. Сла́ва, дне, глас 8: Втору́ю Е́ву: И ны́не, пра́здника. Вход со Ева́нгелием. Све́те ти́хий: Проки́мен, и чте́ния дне, и пра́здника, 2. Та́же, проки́мен, Апо́стол, аллилуия и Ева́нгелие пра́здника, и дне. Сподо́би, Го́споди: ектения́: Испо́лним вече́рнюю: На стихо́вне дне, глас 5: Го́споди, соверше́ннейшая му́дрствовати: два́жды, с припе́вы дневны́ми. И други́й стих, глас 8: Изсо́хшия смоко́вницы: Сла́ва, глас 5: Го́споди, гряды́й ко страда́нию: И ны́не, пра́здника. Ны́не отпуща́еши : тропа́рь пра́здника. Ектени́й и отпу́ст. Си́це пое́м и в про́чия дни стра́стный неде́ли. На трапе́зе разреше́ние на еле́й и вино́ то́чию. На повече́рии покло́нов не́сть. То́чию по Сла́ва в Вы́шних: 3 покло́ны. На трисвято́м 3 покло́ны, в коне́ц 3 покло́ны вели́кия, 12 ма́лых. На коне́чном трисвято́м 3 покло́ны. Пое́м же трипе́снец кир Андре́я.

* * *

О то́мже пра́зднице, а́ще случи́тся в Вели́кий Вто́рник:

В понеде́льник ве́чера кафизмы не глаго́лем. На Го́споди, воззва́х: стихи́ры самогла́сны дне, 5, и пра́здника, 5. Сла́ва, дне: Втору́ю Е́ву: И ны́не, пра́здника: По́слан бы́сть: Вход со Ева́нгелием. Све́те ти́хий: Проки́мен, и чте́ния дне, и пра́здника, 3. Да испра́вится моли́тва моя́: и покло́ны 3. Ева́нгелие дне, и про́чее преждесвяще́нных. На трапе́зе же пие́м вино́.

При часе́ же пе́рвом но́щи ударя́ет в вели́кий, и во вся тя́жкая. И собра́вшеся во храм, пое́м повече́рие вели́кое. С на́ми Бог: пое́м на о́ба ли́ка, с пе́нием. Иере́й в нача́ле кади́т по обы́чаю. И по Сла́ва в Вы́шних: исхожде́ние в притво́р. И пое́м на лити́и стихи́ры самогла́сны пра́здника. Сла́ва, и ны́не, пра́здника: Благовеству́ет Гаврии́л: На стихо́вне стихи́ры самогла́сны пра́здника 3, с припе́вы их. Сла́ва, и ны́не: Дне́сь ра́дость: На благослове́нии хле́бов тропа́рь пра́здника, три́жды. И чте́ние пра́здника.

На у́трени, на Бог Госпо́дь: тропа́рь пра́здника, три́жды. По обою́ кафизмах, седа́льны Трио́ди и чте́ние дне. По 3-й кафизме ектения́ ма́лая, и седа́льны пра́здника, и чте́ние. Полиеле́й, и седа́лен пра́здника, и чте́ние пра́здника. Степе́нна, 1-й антифо́н 4-го гла́са. Проки́мен. Вся́кое дыха́ние: Ева́нгелие пра́здника. Псало́м 50. Стихи́ра пра́здника. Кано́н пра́здника со ирмосо́м на 14. Катава́сия, пра́здника, ирмо́с о́ба ли́ка вку́пе. А иде́же двоепе́снец Трио́ди, пое́м кано́н пра́здника со ирмосо́м на 6, двоепе́снец, на 8. Последи́ ирмо́с Трио́ди, о́ба ли́ка вку́пе. По 3-й пе́сни, конда́к дне, и и́кос, и седа́лен пра́здника, и чте́ние пра́здника. По 6-й пе́сни, конда́к пра́здника, и и́кос, и чтем про́лог. На 9-й пе́сни, Честне́йшую: не пое́м, но пое́м припе́в и ирмо́с пра́здника, я́коже указа́ся в Вели́кий Понеде́льник. Свети́лен пра́здника. Сла́ва, дне. И ны́не, пра́здника. На хвали́тех стихи́ры подо́бны пра́здника, на 4, Сла́ва, дне: Душе́вною ле́ностию: И ны́не, пра́здника: Е́же от ве́ка та́инство: На стихо́вне самогла́сны дне, с припе́вы их, я́ко предписа́ся в понеде́льник: Испо́лнихомся зау́тра: Сла́ва, пра́здника: Да веселя́тся небеса́: И ны́не, дне, глас 6: Егда́ прии́деши во сла́ве: тропа́рь пра́здника, ектения́ и покло́ны 3 великии. Та́же: Прииди́те, поклони́мся: три́жды, час 1-й. В конце́ того́, 3 великии покло́ны. И моли́тва: Христе́, Све́те и́стинный: и отпу́ст. При часе́ же 3-м дне, твори́м лити́ю вне монастыря́, и возвра́щшеся пое́м часы́ с кафизмами, и чте́тся Тетроевангелие, глаго́лем на часе́х тропа́рь пра́здника. И чте́ние пра́здника. Кондаки́ глаго́лем дне и пра́здника, пременя́юще. И на коне́ц коего́ждо часа́ по 3 покло́ны вели́кия. И час 9-й без кафизмы. Блаже́нны ско́ро без пе́ния, и Помяни́ нас, Го́споди: и про́чее, я́коже предписа́ся. По О́тче наш: конда́к пра́здника. Го́споди поми́луй, 40. Сла́ва, и ны́не, Честне́йшую: и покло́ны 3 вели́кия. И а́бие начина́ем вече́рню: Прииди́те, поклони́мся: три́жды и пое́м вече́рню без кафизмы и без покло́нов. На Го́споди, воззва́х: стихи́ры самогла́сны дне, 5, и пра́здника, 5. Сла́ва, дне. И ны́не, пра́здника. Вход со Ева́нгелием. Проки́мен, и чте́ния дне, и пра́здника 2, ектения́ ма́лая и возгла́с трисвята́го. Проки́мен, Апо́стол и аллилуия пра́здника. Ева́нгелие пра́здника и дне. И про́чая Литурги́я Златоу́стаго. Прича́стен пра́здника. На трапе́зе разреша́ем на еле́й и вино́ то́чию.

Повече́рие же пое́м ма́лое, без покло́нов, пое́м же и трипе́снец на нем кир Андре́я Кри́тскаго.

* * *

О то́мже пра́зднике, а́ще случи́тся в Сре́ду Вели́кую.

Во вто́рник ве́чера пое́м вече́рню без кафизмы и без покло́нов. На Го́споди, воззва́х: стихи́ры самогла́сны дне 5 и пра́здника 5. Сла́ва, дне, глас 7: Се тебе́ тала́нт: И ны́не, пра́здника. Вход со Ева́нгелием. Проки́мен, и чте́ния дне, и пра́здника, 3. Да испра́вится моли́тва моя́: и покло́ны 3. Ева́нгелие дне, и про́чая Литурги́я преждесвяще́нных. На трапе́зе же варе́ние без еле́я, вино́ же пие́м. При часе́ же пе́рвом но́щи ударя́ет в вели́кий кампа́н, и во вся тя́жкая. И пое́м повече́рие вели́кое. С на́ми Бог: на о́ба ли́ка, иере́й же кади́т в нача́ле по обы́чаю. И по Сла́ва в Вы́шних: исхожде́ние в притво́р, и пое́м на лити́и стихи́ры пра́здника.Сла́ва, и ны́не, пра́здника. На стихо́вне стихи́ры, и Сла́ва, и ны́не, пра́здника. На благослове́нии хле́бов, тропа́рь пра́здника, три́жды, и чте́ние пра́здника.

На у́трени, на Бог Госпо́дь: тропа́рь пра́здника, три́жды. И по обе́их кафизмах, седа́льны Трио́ди и чте́ние дне. По 3-й кафизме, ектения́, и седа́льны пра́здника о́ба и чте́ние пра́здника. Полиеле́й, и Седа́лен, и чте́ние пра́здника. Степе́нна 1-й антифо́н 4-го гла́са. Проки́мен: Вся́кое дыха́ние: Ева́нгелие пра́здника, псало́м 50. Стихи́ра пра́здника. Кано́н пра́здника со ирмосо́м на 14. Катава́сия пра́здника, ирмо́с о́ба ли́ка вку́пе. А иде́же трипе́снец, пое́м кано́н пра́здника, со ирмосо́м на 6 и трипе́снца, на 8. Катава́сия, ирмо́с Трио́ди. По 3-й пе́сни, конда́к дне, и и́кос, и седа́лен пра́здника, и чте́ние пра́здника. По 6-й пе́сни конда́к пра́здника и и́кос. На 9-й пе́сни, Честне́йшую: не пое́м, но пое́м припе́вы пра́здника, я́коже предуказа́ся. Свети́лен пра́здника. Сла́ва, дне. И ны́не, пра́здника. На хвали́тех стихи́ры пра́здника, на 4. Сла́ва, дне, глас 6: Дне́сь Христо́с прихо́дит: И ны́не, пра́здника, глас 2: Е́же от ве́ка та́инство: На стихо́вне дне, с припе́вы их, я́ко предписа́ся в Вели́кий Понеде́льник. Сла́ва, пра́здника, глас 8: Да веселя́тся небеса́: И ны́не, дне, глас тоиже: Го́споди, я́же во мно́гая грехи́: и про́чее по преждепи́санному. При часе́ же 3-м дне, твори́м исхожде́ние вне монастыря́, и, возвра́щшеся, пое́м часы́ с кафизмами, и чте́тся Тетроевангелие. И про́чее часо́в, и Литурги́и, я́коже предписа́ся в Понеде́льник и Вто́рник сея́ седми́цы. В коне́ц же часо́в быва́ет во оби́тели проще́ние по-обы́чаю. Повече́рие же пое́м по предпи́санному и трипе́снец кир Андре́я Кри́тскаго.

* * *

О то́мже пра́зднице, а́ще случи́тся в Вели́кий Четверто́к.

В Сре́ду Вели́кую ве́чера пое́м вече́рню без кафизмы. На Го́споди, воззва́х: стихи́ры самогла́сны дне 5 и пра́здника 5. Сла́ва, дне. И ны́не, пра́здника. Вход с Ева́нгелием. Проки́мен, и чте́ния дне, и пра́здника, 3. Да испра́вится моли́тва моя́: и покло́ны 3. Ева́нгелие дне и про́чее преждесвяще́нных. На трапе́зе же пие́м вино́. При часе́ же Зри пе́рвом но́щи ударя́ет в вели́кий и во вся тя́жкая и, собра́вшеся во храм, пое́м повече́рие вели́кое, иере́й же кади́т по обы́чаю. И по Сла́ва в Вы́шних; исхожде́ние в притво́р и пое́м на лити́и, самогла́сны стихи́ры. Сла́ва, и ны́не, пра́здника. На стихо́вне стихи́ры и Сла́ва, и ны́не, пра́здника. На благослове́нии хле́бов тропа́рь пра́здника, три́жды. И чте́ние пра́здника.

На у́трени на Бог Госпо́дь: тропа́рь пра́здника, два́жды. Сла́ва, и ны́не: Егда́ сла́внии ученицы́: Та́же полиеле́й, и Седа́лен, и чте́ние пра́здника. Степе́нна, 1-й антифо́н 4-го гла́са. Проки́мен. Вся́кое дыха́ние: и Ева́нгелие пра́здника. Псало́м 50. Стихи́ра пра́здника. Кано́н пра́здника со ирмосо́м на 8, ирмо́с по два́жды и дне, со ирмосо́м на 8. Катава́сия, ирмо́с дне, о́ба ли́ка вку́пе. По 3-й пе́сни, конда́к дне, и и́кос, и седа́лен дне. Сла́ва, и ны́не, пра́здника. И чте́ние пра́здника. По 6-й пе́сни, конда́к пра́здника, и и́кос, и про́лог, и синакса́рий. На 9-й пе́сни Честне́йшую: не пое́м, но пое́м припе́вы пра́здника, я́коже предуказа́ся. Последи́ Ирмо́с: Стра́нствия Влады́чня: Та́же припе́в пра́здника, и ирмо́с. Свети́лен, пра́здника. Сла́ва, дне. И ны́не , пра́здника. На хвали́тех стихи́ры пра́здника, на 4. Сла́ва, пра́здника. И ны́не, дне. Посе́м, Сла́ва в Вы́шних: и ектения́. Та́же, на стихо́вне, стихи́ры дне, с припе́вы их. Сла́ва, дне. И ны́не, пра́здника. По Бла́го е́сть: и по О́тче наш: тропа́рь дне. Сла́ва, и ны́не, пра́здника. И ектения́: Поми́луй нас, Бо́же: Та́же Прииди́те, поклони́мся, три́жды, и час 1-й, на не́мже тропа́рь, и паремия дне, и оглаше́ние пра́здника, и отпу́ст. При часе́ же 5-м дне, быва́ет исхожде́ние вне монастыря́, и, ввозвращшеся, пое́м часы́ в притво́ре, 3-й, 6-й и 9-й, на ни́хже глаго́лем тропа́рь пра́здника. Сла́ва, дне. И ны́не, Богоро́дичен часо́в. По О́тче наш: кондаки́ пременя́ем. Помяни́ нас, Го́споди: и про́чая. Лик небе́сный: По О́тче наш: конда́к пра́здника. Го́споди, поми́луй, 40. И моли́тва: Всесвята́я Тро́ице: и отпу́ст. Благословлю́ Го́спода на вся́кое вре́мя: не глаго́лем.

Ве́чер же зна́менает в вели́кий, и во вся тя́жкая, во 8 час дне, и пое́м вече́рню.

На Го́споди, воззва́х: стихи́ры самогла́сны дне, 5, и пра́здника, 5. Сла́ва, дне. И ны́не, пра́здника. Вход со Ева́нгелием. Све́те ти́хий: и чте́ние дне, и пра́здника, 2. Ектения́ ма́лая, та́же трисвято́е. Проки́мен дне и пра́здника. Апо́стол дне и пра́здника. И про́чая, Литурги́я Вели́каго Васи́лия. Вме́сто Досто́йно: Ирмо́с: Стра́нствия Влады́чня: Во храме же Благовещения Пресвятыя Богородицы, ирмо́с: Я́ко одушевле́нному: Вме́сто же Херуви́мския пе́сни, пое́м тропа́рь, глас 6: Ве́чери Твое́й та́йныя: три́жды. То́йже пое́м и в прича́стна ме́сто, еди́ножды. Егда́ же причаща́ются бра́тия, и пое́м вме́сто Те́ло Христо́во: то́йже: Ве́чери Твоея́: и вме́сто: Да испо́лнятся: еди́ножды, со аллилуиями. На трапе́зе же не разреша́ем на ры́бы, но то́чию на еле́й и вино́.

* * *

О то́мже пра́зднице, а́ще случи́тся в Вели́кий Пято́к.

В Четверто́к ве́чера, на Го́споди, воззва́х: стихи́ры дне, 5, и пра́здника, 5. Сла́ва, дне: Рожде́ние ехи́дново: И ны́не , пра́здника: По́слан бы́сть: Вход со Ева́нгелием. Проки́мен, и чте́ние дне, и пра́здника, 3. Ектения́ ма́лая, и возгла́с, и трисвято́е. Проки́мен, Апо́стол, аллилуия и Ева́нгелие дне, и про́чее Боже́ственный Литурги́и Вели́каго Васи́лия, я́коже пре́жде изъяви́ся. На трапе́зе же разреша́ем на еле́й и вино́. Повече́рие пое́м ма́лое с трипе́снцем. По трисвято́м конда́к дне. Сла́ва, и ны́не, пра́здника.

При часе́ же пе́рвом но́щи ударя́ет в вели́кий, и во вся тя́жкая, и начина́ем у́треню. На Бог Госпо́дь: тропа́рь пра́здника, два́жды. Сла́ва, и ны́не, дне: Егда́ сла́внии ученицы́: Посем ектения малая. И а́бие диа́кон или́ иере́й глаго́лет: И о сподо́битися нам слы́шания свята́го Ева́нгелия: и чтет Ева́нгелие 1-е настоя́тель, и пото́м антифо́ны. И Ева́нгелия святы́х страсте́й, по чи́ну их. И по чте́нии 7-го Ева́нгелия, чте́ние дне. Посе́м, степе́нна, 1-й антифо́н 4-го гла́са. Проки́мен пра́здника. Вся́кое дыха́ние: Ева́нгелие пра́здника, и а́бие Ева́нгелие святы́х страсте́й осмо́е. Псало́м 50. Стихи́ра пра́здника. Та́же моли́тва: Спаси́, Бо́же, лю́ди Твоя́: и мы: Го́споди, поми́луй, 12. Кано́н пра́здника, со ирмосо́м на 14. Катава́сия пра́здника, о́ба ли́ка вку́пе. А иде́же трипе́снец, пое́м кано́н пра́здника со ирмосо́м на 6, ирмо́с два́жды и трипе́снец на 8. Катава́сия, ирмо́с Трио́ди, о́ба ли́ка вку́пе. По 3-й пе́сни конда́к дне и и́кос. Сла́ва, и ны́не, седа́лен пра́здника и чте́ние пра́здника. По 6-й пе́сни конда́к пра́здника, и и́кос, и синакса́рий. На 9-й пе́сни, Честне́йшую: не пое́м, но пое́м припе́в пра́здника. Свети́лен пра́здника. Сла́ва, дне. И ны́не, пра́здника. Та́же, Ева́нгелие 9-е. На хвали́тех стихи́ры самогла́сны дне. Сла́ва, дне. И ны́не, пра́здника. Та́же, Ева́нгелие 10-е. Посе́м, Сла́ва в Вы́шних: ектения́: Испо́лним у́треннюю моли́тву: и возгла́с. Посе́м Ева́нгелие 11-е. Та́же, на стихо́вне стихи́ры пра́здника. Сла́ва, дне. И ны́не, пра́здника. Та́же Ева́нгелие 12-е. Посе́м: Бла́го е́сть испове́датися Го́сподеви: И по О́тче наш: тропа́рь, глас 4: Искупи́л ны еси́: Сла́ва, и ны́не, пра́здника. Ектения́: Поми́луй нас, Бо́же: иере́й: Прему́дрость. И отпу́ст. И час 1-й пое́м, я́коже указа́ся в Вели́кий Пято́к, глаго́лем же на нем тропа́рь пра́здника, и дне, и конда́к пра́здника.

При часе́ же 5-м дне твори́м исхожде́ние вне оби́тели и, возвра́щшеся, пое́м 3-й час, и 6-й, и 9-й, с тропари́ и паремии́, с Апо́столы, и Ева́нгелии, и чте́ниями, и с про́чею слу́жбою их. Глаго́лются же в них тропари́ часо́в Вели́каго Пятка́, е́же е́сть дне, и пра́здника, конда́к дне, и пра́здника. И про́чая, я́коже в Вели́кий Пято́к указа́ся. Псало́м же 33-й зде оставля́ем, и глаго́лем его́ на Литурги́и. При часе́ же 8-м дне зна́менает в вели́кий и во вся тя́жкая, начина́ем вече́рню, и твори́т иере́й проскоми́дию. На Го́споди, воззва́х: пое́м стихи́ры дне, 6 и пра́здника, 4. Сла́ва, дне: О ка́ко законопресту́пный собо́р: И ны́не, пра́здника: По́слан бы́сть: Вход со Ева́нгелием. Све́те ти́хий: Проки́мен, и чте́ние дне, и пра́здника, 2. Та́же ектения́ ма́лая, и трисвято́е. Проки́мен, Апо́стол, аллилуия и Ева́нгелие, пре́жде пра́здника, и дне. Прича́стен пра́здника. Соверша́ется же Боже́ственная Литурги́я Златоу́стаго. Вме́сто Досто́йно: пое́м ирмо́с пра́здника: Я́ко одушевле́нному: На трапе́зе же яди́м сухояде́ние и пие́м вино́.

* * *

О то́мже пра́зднице, а́ще случи́тся в Вели́кую Суббо́ту.

В Пято́к ве́чера при часе́ 10-м дне зна́менает в вели́кий и во вся тя́жкая, и пое́м вече́рню. На Го́споди, воззва́х: стихи́ры самогла́сны дне, на 6, и пра́здника на 4. Сла́ва, дне: И ны́не, пра́здника. Вход со Ева́нгелием. Све́те ти́хий: Проки́мен, и чте́ние дне, и пра́здника, 5. Та́же, проки́мен, Апо́стол, аллилуия и Ева́нгелие дне. Посе́м ектения́: Рцем вси: та́же: Сподо́би, Го́споди, в ве́чер сей: Испо́лним вече́рнюю моли́тву: На стихо́вне стихи́ры дне, с припе́вы их. Сла́ва, пра́здника. И ны́не, дне. Та́же, Ны́не отпуща́еши: По трисвято́м, тропа́рь пра́здника. Сла́ва, и ны́не: Благообра́зный Ио́сиф: Иере́й: Прему́дрость, и отпу́ст. Повече́рие пое́м в ке́ллии. Конда́к дне. Сла́ва, и ны́не, пра́здника.

При часе́ же 1-м но́щи зна́менает в вели́кий и во вся тя́жкая, и пое́м у́треню. На Бог Госпо́дь: тропа́рь дне, глас 2: Благообра́зный Ио́сиф: еди́ножды. Егда́ снизше́л еси́ к сме́рти: еди́ножды. Сла́ва: Мироно́сицам жена́м: И ны́не, пра́здника: Дне́сь спасе́ния на́шего: Та́же пое́м непоро́чны на глас 5-й. Кади́т иере́й на 1-й Сла́ве, та́кожде и на 2-й и на 3-й, я́ко обы́чай. По сконча́нии непоро́чных, пое́м тропари́ воскре́сны: А́нгельский собо́р: и про́чая. Та́же ектения́ ма́лая, и седа́лен дне, та́же полиеле́й, и седа́лен пра́здника, и чте́ние пра́здника. Степе́нна, 1-й антифо́н 4-го гла́са. Проки́мен пра́здника. Вся́кое дыха́ние: Ева́нгелие пра́здника. Псало́м 50. Стихи́ра пра́здника. Кано́н пра́здника, со ирмосо́м на 8, ирмо́с два́жды и дне, со ирмосо́м на 8. Катава́сия, ирмо́с дне, о́ба ли́ка вку́пе. По 3-й пе́сни конда́к дне, и и́кос, и седа́лен дне. Сла́ва, и ны́не, пра́здника и чте́ние пра́здника. По 6-й пе́сни конда́к пра́здника и и́кос. Про́лог и синакса́рий. На 9-й пе́сни, Честне́йшую: не пое́м, но пое́м припе́вы пра́здника, я́коже указа́ся, последи́ ирмо́с дне: Не рыда́й Мене́, Ма́ти: Та́же припе́в пра́здника и ирмо́с. Свят Госпо́дь Бог наш: на глас 2. Свети́лен пра́здника, два́жды. На хвали́тех, стихи́ры самогла́сны дне 3, и пра́здника подо́бны 3. Та́же, самогла́сен пра́здника, глас 8: Да веселя́тся небеса́: с припе́вом: Благовести́те де́нь от дне: Сла́ва, дне. И ны́не: Преблагослове́нна еси́: Славосло́вие вели́кое. И быва́ет вход, я́коже пи́сан в Трио́ди. Посе́м проки́мен и паремия дне. Проки́мен, Апо́стол, аллил́уия и Ева́нгелие дне. Ектения́ и отпу́ст. И час 1-й пое́м в притво́ре, про́чий же часы́ пою́тся во свое́ вре́мя. На часе́х тропа́рь пра́здника и дне кондаки́ глаго́лем, пременя́юще. Блаже́нны ско́ро без пе́ния. Помяни́ нас, Го́споди: и про́чая. По О́тче наш: конда́к дне. Сла́ва, и ны́не, конда́к пра́здника. Го́споди поми́луй, 40. И моли́тва, Всесвята́я Тро́ице: и отпу́ст.

Во святу́ю и Вели́кую Суббо́ту ве́чера о часе́ 10-м дне, зна́менает в вели́кое и во вся тя́жкая.

И собра́вшеся во храм, и благослови́вшу иере́ю, пое́м вече́рню по обы́чаю без кафизмы. На Го́споди, воззва́х: пое́м стихи́ры воскре́сны 3, глас 1: Вече́рния на́ша моли́твы: и Вели́кия Суббо́ты, самогла́сны 3, глас 8 и пра́здника, на 4. Сла́ва, дне, глас 6: Дне́шний де́нь та́йно: И ны́не, пра́здника: По́слан бы́сть: Вход со Ева́нгелием. Све́те ти́хий: Проки́мна не глаго́лем, но а́бие иере́й глаго́лет: Прему́дрость. И чте́ния дне, по чи́ну их. По сконча́нии же чте́ния ектения́ ма́лая и возгла́с, и пое́м вме́сто трисвята́го: Ели́цы во Христа́ крести́стеся: аллилуия. Проки́мен дне, и пра́здника. Апо́стол дне, и пра́здника. Вме́сто же Херуви́мский пе́сни пое́тся: Да молчи́т вся́кая пло́ть: и по ряду́ Боже́ственная Литурги́я Вели́каго Васи́лия. Вме́сто Досто́йно: пое́м Ирмо́с: Не рыда́й Мене́, Ма́ти: В хра́ме же Благове́щения Богоро́дицы, пое́м Ирмо́с: Я́ко одушевле́нному: Прича́стен дне и пра́здника.

* * *

Подоба́ет ве́дати, я́ко а́ще случи́тся в са́мую святу́ю и Вели́кую неде́лю Па́схи, е́же е́сть Кириопа́сха, пра́здник Благове́щения Пресвяты́я Богоро́дицы.

В Вели́кую Суббо́ту ве́чера, на Го́споди, воззва́х: поста́вим стихо́в 10, и пое́м стихи́ры воскре́сны 3, и Вели́кия Суббо́ты 3, и пра́здника 4. Сла́ва, глас 6: Дне́шний де́нь та́йно: И ны́не, пра́здника, глас то́йже: По́слан бы́сть: Вход со Ева́нгелием. Све́те ти́хий: проки́мен не глаго́лется, но а́бие иере́й: Прему́дрость. И чте́ния: 1-е чте́ние дне: В нача́ле сотвори́ Бог не́бо и зе́млю: еди́на паремия. Та́же пра́здника Благове́щения, чте́ний 5. Та́же и про́чая чте́ния дне, по чи́ну их. И по ряду́ Боже́ственная Литурги́я Вели́каго Васи́лия. По отпуще́нии же Литурги́и быва́ет яде́ние, и чте́ние Дея́ний святы́х Апо́стол, по чи́ну их, я́коже указа́ся в Вели́кую Суббо́ту. И конча́ну бы́вшу чте́нию, благослови́вшу иере́ю, глаго́лем трисвято́е, и по О́тче наш: Го́споди поми́луй, 12. Сла́ва, и ны́не: Прииди́те, поклони́мся, трижды. Та́же, псало́м 50. И пое́м кано́н пра́здника, со ирмосо́м на 6 и Вели́кия Суббо́ты, со ирмосо́м на 8. Катава́сия, ирмо́с суббо́тный, о́ба ли́ка вку́пе. По 3-й пе́сни конда́к и и́кос пра́здника и седа́лен дне. Сла́ва, и ны́не, пра́здника и чте́ние пра́здника. По 6-й пе́сни конда́к дне, и и́кос и чте́ние дне. По 9-й пе́сни трисвято́е, и по О́тче наш: тропа́рь: Егда́ снизше́л еси́ к сме́рти: Сла́ва, и ны́не, пра́здника. Ектения́, и отпу́ст. И а́ще бу́дет вре́мя пора́ну, прилага́ется чте́ние дне, ему́же что́му, настоя́тель раздае́т свещи́ бра́тии, кандиловжига́тель же, взем благослове́ние у настоя́теля и шед, зна́менает во вся. И по чте́нии исхо́дим в притво́р, предходящим настоя́телю с лампа́дами и затворшимся две́рем, кади́т по чи́ну всю бра́тию. И став пред вели́кими враты́ церко́вными, кади́т крестообра́зно три́жды и рече́т: Сла́ва Святе́й и Единосу́щней: И нам отвещавшим: ами́нь. И начина́ет настоя́тель тропа́рь, глас 5: Христо́с воскре́се из ме́ртвых: три́жды. Посе́м пою́т бра́тия, три́жды. Настоя́тель, стих 1: Да воскре́снет Бог: и бра́тия: Христо́с воскре́се: еди́ножды. Настоя́тель, стих 2: Я́ко исчеза́ет дым: и бра́тия: Христо́с воскре́се: еди́ножды. Настоя́тель, стих 3: Та́ко да поги́бнут гре́шницы: и бра́тия: Христо́с воскре́се: еди́ножды. Настоя́тель, стих 4: Сей де́нь, его́же сотвори́ Госпо́дь: и бра́тия: Христо́с воскре́се, еди́ножды. И а́бие настоя́тель велегла́сно: Христо́с воскре́се: и отверза́ет врата́, и вхо́дит настоя́тель с честны́м Кресто́м, предыдущим ему́ лампадом, и бра́тиям пою́щим: И су́щим во гробе́х живо́т дарова́в. По внегда́ же вни́ти ему́ во олта́рь, глаго́лем Сла́ву, и пое́м тропа́рь пра́здника, глас 4: Дне́сь спасе́ния на́шего глави́зна: И ны́не, то́йже. Та́же ектения́ вели́кая: Ми́ром Го́споду помо́лимся. И по возгла́се начина́ет предстоя́тель Ирмо́с: Воскресе́ния де́нь: и пое́м кано́н Па́схи со ирмосо́м на 8, ирмосы́ по два́жды. И Благове́щения кано́н со ирмосо́м на 8, ирмосы́ по два́жды. Последи́ же ирмосы́ обою́ кано́нов, ки́йждо лик свой. Та́же катава́сия: Воскресе́ния де́нь: о́ба ли́ка вку́пе. И тропа́рь: Христо́с воскре́се: три́жды, и по ко́ейждо пе́сни ектения́ ма́лая, и возгла́сы по чи́ну их. По 3-й пе́сни конда́к и и́кос Па́схи, и ипакои́, и чте́ние в Богосло́ве, ему́же нача́ло: На стра́жи мое́й ста́ну. По 6-й пе́сни конда́к пра́здника Благове́щения, и и́кос, и чте́ние в Богосло́ве же, ему́же нача́ло: Воскресе́ния де́нь: Та́же проки́мен пра́здника, глас 4: Благовести́те: Стих:Воспо́йте Го́сподеви пе́снь но́ву: Вся́кое дыха́ние: Ева́нгелие от Луки́, зача́ло 4: Во дни о́ны, воста́вши Мариа́м: Та́же Воскресе́ние Христо́во: три́жды, и стихи́ра: Воскре́с Иису́с: три́жды, на глас 6. Посе́м Пе́снь 7-я, и про́чия две. На 9-й пе́сни пое́м припе́вы Па́схи, и пра́здника. Свети́лен Па́схи еди́ножды и пра́здника два́жды. На хвали́тех стихи́ры воскре́сны на 4 и Благове́щения на 4, с припе́вы их. Та́же о́ба ли́ка вку́пе, припе́в 1-й: Да воскре́снет Бог: стихи́ры Па́схи, глас 5, с про́чими припе́вы их. Сла́ва, Благове́щения, глас 8: Да веселя́тся небеса́: И ны́не, Па́схи: Воскресе́ния де́нь: И целова́ние по обы́чаю, и поуче́ние Златоу́стаго, ектении́ и отпу́ст. Исхожде́ние вне монастыря́ не быва́ет. Часы́ же пою́тся по уста́ву Па́схи. На Литурги́и антифо́ны Па́схи. По вхо́де же глаго́лем: В це́рквах благослови́те Бо́га, Го́спода от исто́чник Изра́илевых. Христо́с воскре́се: три́жды. Сла́ва, тропа́рь: Дне́сь спасе́ния на́шего: И ны́не, конда́к: А́ще и во гроб: Вме́сто трисвята́го, пое́м: Ели́цы во Христа́ крести́стеся: Проки́мен, Апо́стол, аллилуи́я и Ева́нгелие пре́жде Па́схи, пото́м пра́здника.

Егда́ же приспе́ет на Литурги́и вре́мя че́сти свято́е Ева́нгелие.

И чтет иере́й Ева́нгелие Па́схи, с диа́коном, я́коже указа́ся на Литурги́и в неде́лю. Та́же чтет Ева́нгелие Благове́щения еди́н диа́кон по обы́чаю, я́коже и всегда́, и тому́ Ева́нгелию в кандию́ не ударя́ют, и по ряду́ Боже́ственная Литурги́я Златоу́стаго. За Досто́йно: ирмо́с Па́схи. Прича́стен Па́схи и пра́здника.

* * *

О то́мже пра́зднице, а́ще случи́тся Благове́щение Пресвяты́я Богоро́дицы в понеде́льник, во вто́рник или́ в сре́ду све́тлыя неде́ли.

Во святу́ю и вели́кую неде́лю Па́схи: На ма́лой вече́рни, по внегда́ рещи́ иере́ю; Христо́с воскре́се: три́жды: и стихи́ обы́чныя. Сла́ва, и ны́не: Христо́с воскре́се: На Го́споди, воззва́х; стихи́ры воскре́сны, на 4. Сла́ва, и ны́не, пра́здника, глас 2: Е́же от ве́ка та́инство: Та́же Све́те ти́хий: без вхо́да. Проки́мен вели́кий: Кто Бог ве́лий: и стих его́ 1. Та́же: Сподо́би, Го́споди: На стихо́вне стихи́ра воскре́сна, 1. Та́же стихи́ры пра́здника, самогла́сны 3, глас 4, вели́кий вече́рни стихо́вныя, с припе́вы их. Сла́ва: Благовеству́ет Гаврии́л: И ны́не: Воскресе́ния де́нь: Христо́с воскре́се: три́жды. Сла́ва, и ны́не, тропа́рь: Дне́сь спасе́ния на́шего: Ектения́ ма́лая и отпу́ст.

На вели́цей вече́рни: по внегда́ кади́ти иере́ю и рещи́ ему́: Сла́ва Святе́й и Единосу́щней: пое́т: Христо́с воскре́се: три́жды, и стихи́ его́: Сла́ва, и ны́не: Христо́с воскре́се: три́жды. Та́же ектения́. На Го́споди, воззва́х: стихи́ры воскре́сны, 3, и восто́чен Анато́лиев 1, и пра́здника 6. Сла́ва, и ны́не, пра́здника: По́слан бы́сть: Вход. Све́те ти́хий: Проки́мен, глас 7: Кто Бог ве́лий, я́ко Бог наш: со стихи́ его́. И чте́ний пра́здника 5. (А́ще в неде́лю ве́чера, посе́м иере́й: И о сподо́битися нам: Ева́нгелие от Иоа́нна, зача́ло 65: Су́шу по́зде в де́нь той: Коне́ц: не иму́ ве́ры.) Та́же ектения́. На лити́и стихи́ры самогла́сны пра́здника. Сла́ва, и ны́не: Благовеству́ет Гаврии́л: На стихо́вне стихи́ра воскре́сна еди́на. Та́же припе́в: Да воскре́снет Бог: и пое́м стихи́ры Па́схи, с припе́вы их. Сла́ва, пра́здника: Дне́сь ра́дость: И ны́не, Па́схи: Воскресе́ния де́нь: и на коне́ц, Христо́с воскре́се, три́жды: тропа́рь пра́здника, три́жды. И благослове́ние хле́бов, и раз дая́ние, и чте́ние пра́здника.

На у́трени: по внегда́ благослови́ти иере́ю и рещи́: Христо́с воскре́се: три́жды, и стихи́ его́. И по сконча́нии, Сла́ва, тропа́рь пра́здника: И ны́не, то́йже. Та́же ектения́ вели́кая. Полиеле́й, и седа́льны, и чте́ние пра́здника. Степе́нна, 1-й антифо́н 4-го гла́са. Проки́мен и Ева́нгелие пра́здника. Воскресе́ние Христо́во: три́жды. Псало́м 50 не глаго́лем, но а́бие Сла́ва: Моли́твами Богоро́дицы : И ны́не, тойже. Посе́м припе́в на глас 6: Благовести́те де́нь от дне: и пое́м стихи́ру самогла́сну пра́здника, глас 6: По́слан бы́сть: Та́же иере́й глаго́лет моли́тву: Спаси́, Бо́же, лю́ди Твоя́: Го́споди, поми́луй, 12. И по возгла́се пое́м кано́н Па́схи, со ирмосо́м на 6 и пра́здника, со ирмосо́м на 8. Ирмосы́ Па́схи и пра́здника, по два́жды. Катава́сия, Благове́щения ирмо́с, о́ба ли́ка вку́пе. По 3-й пе́сни конда́к Па́схи, и и́кос, и седа́лен пра́здника. По 6-й пе́сни конда́к пра́здника, и и́кос, и чте́ния дне. Та́же Воскре́с Иису́с: три́жды. На 9-й пе́сни припе́вы Па́схи и пра́здника. Свети́лен Па́схи, еди́ножды, и пра́здника, два́жды. На хвали́тех стихи́ры воскре́сны гла́са 3, и пра́здника подо́бны 3. Та́же: Да воскре́снет Бог: и пое́м стихи́ры Па́схи, с припе́вы их. Сла́ва, пра́здника: Да веселя́тся небеса́: И ны́не, Па́схи: Воскресе́ния де́нь: Христо́с воскре́се: три́жды. Сла́ва, и ны́не, т ропа́рь пра́здника, ектении́ и отпу́ст. И дае́тся святы́й еле́й бра́тии и быва́ет лити́я вне оби́тели. Часы́ же пое́м Па́схи по обы́чаю.

На Литурги́и: антифо́ны Па́схи. По вхо́де, глаго́лем Стих: В це́рквах благослови́те Бо́га Го́спода: Христо́с воскре́се: три́жды. Тропа́рь, пра́здника. Сла́ва, конда́к Па́схи. И ны́не, пра́здника. Вме́сто трисвята́го, Ели́цы во Христа́ крести́стеся: Проки́мен, Апо́стол, аллилуия и Ева́нгелие, пре́жде Благове́щения, та́же дне. И по ряду́ Боже́ственная Литурги́я Златоу́стаго. Прича́стен дне и пра́здника.

Изве́стно же да бу́дет, я́ко не свои́м смотре́нием, о е́же ка́ко пе́ти подоба́ет слу́жбу Благове́щению во дни святы́я 40-цы, и в седми́це вели́кия неде́ли на святу́ю Па́сху, и е́же о сем повеле́но бы́сть.

И́бо типику Вели́кия це́ркве после́довавше изве́стно, и синакса́рий ви́девше честны́я оби́тели Студи́йския и про́чих, не то́чию же, но и иерусали́мския типики проше́дше, сия́ вчини́хом. И никто́же у́бо диви́тся премене́нию быва́ему, стихи́рам же и канонам, и чте́ниям, проки́меном же и Апо́столом, аллилуиям, и Евангелиям, и причастиям, е́же та́ко премени́ти повеле́но е́сть; но де́нь да сматря́ет, егда́ на́вечерие Благове́щения быва́ет, та́кожде, и де́нь пра́здника е́сть, и обря́щеши, я́ко егда́ в по́стен де́нь на́вечерие случи́тся, че́сти ра́ди святы́я 40-цы, пое́м стихи́ры дне, и пото́м Благове́щения, и Литурги́я преждесвяще́нных.

Отту́дуже прии́мет нача́ло пра́здника, вся предваря́ют Благове́щения.

Подоба́ет ве́дати, я́ко а́ще случи́тся пра́здник сей в ки́йлибо де́нь вели́кия неде́ли, или́ в суббо́ту Ла́зареву, или́ в неде́лю Цветоно́сную.

Пре́жде вчини́хом Благове́щения слу́жбу, поне́же пре́жде стра́сти Христо́вы бы́ти сему́ пра́зднику, за е́же не бы́ти посту́ в нем.

Па́ки же в вели́кия дни седми́цы разсуди́хом, а́ще случи́тся в них Благове́щение. На вече́рни предваря́ют стихи́ры дне, и пото́м Благове́щения поста́ ра́ди, я́коже пре́жде ре́хом, и за пресла́вное дне.

Бы́ти же в Вели́кий Пято́к и проскоми́дии вчини́хом, а́ще случи́тся Благове́щение; а́ще бо и пра́вила и́нако повелева́ют, но обрето́хом в собо́рней Вели́цей це́ркви, в моле́бных хра́мех Богоро́дицы быва́ти с просфора́ми слу́жбе соверше́нней. Те́мже сия́ си́це, и в Вели́кий Пято́к Литурги́ю Златоу́стову вчини́хом.

* * *

Ука́з о отда́нии Благове́щения Пресвяты́я Богоро́дицы.

Подоба́ет ве́дати, а́ще случи́тся Благове́щение в Пято́к 3-я или́ 4-я неде́ли посто́в.

Пое́м всю слу́жбу пра́здника с Трио́дию по уста́ву, я́коже пре́жде указа́ся в ряду́.

На у́трени в суббо́ту 3-ю отда́ние пое́м пра́здника. На Бог Госпо́дь: тропа́рь пра́здника, два́жды. Сла́ва, Арха́нгела. И ны́не, пра́здника. По кафизмах седа́льны пра́здника и чте́ние пра́здника. Кано́н пра́здника, со ирмосо́м на 8 и Арха́нгела на 6. Катава́сия пра́здника. Четверопе́снца же зде не пое́м, но пое́м напреди́ на повече́рии. По 3-й пе́сни конда́к Арха́нгела и Седа́лен, два́жды. Сла́ва, и ны́не, пра́здника, и чте́ния. По 6-й пе́сни конда́к пра́здника, и и́кос. На 9-й пе́сни, Честне́йшую: не пое́м, но пое́м припе́в пра́здника, та́же ирмо́с, и на ки́йждо тропа́рь пра́здника, пое́м припе́в то́йже и последи́ ирмо́с. Свети́лен пра́здника. Сла́ва, Арха́нгела. И ны́не, пра́здника. На хвали́тех стихи́ры на 6: пра́здника 3, и Арха́нгела 3. Сла́ва, и ны́не, пра́здника. Славосло́вие вели́кое. По трисвято́м тропа́рь Арха́нгела. Сла́ва, и ны́не, пра́здника. Ектении́, и отпу́ст, и час 1-й.

На 1-м часе́ тропа́рь пра́здника, и Арха́нгела, и конда́к пра́здника, и про́чая, и соверше́нный отпу́ст.

На Литурги́и: Блаже́нны пра́здника, пе́сни 3-я и 6-я. По вхо́де тропа́рь пра́здника, и Арха́нгела. Сла́ва, конда́к Арха́нгела. И ны́не, пра́здника. Проки́мен пра́здника. Апо́стол, аллилуия и Ева́нгелие дне, и пра́здника. Вме́сто Досто́йна пое́м ирмо́с пра́здника. Прича́стен пра́здника.

А́ще ли случи́тся отда́ние Благове́щения в неде́лю 3-ю посто́в:

В суббо́ту на ма́лой вече́рни обы́чно Трио́ди. На вели́цей вече́рни, на Го́споди, воззва́х: стихи́ры воскре́сны 3, и Креста́ 4, и пра́здника 3. Сла́ва, Креста́. И ны́не, пра́здника, или́ Богоро́дичен 1-й гла́са. Вход. Проки́мен дне, и ектении́. На лити́и стихи́ры пра́здника, глас 1-й. Сла́ва, Креста́. И ны́не, пра́здника. На стихо́вне стихи́ры воскре́сны. Сла́ва, Креста́. И ны́не, пра́здника. На благослове́нии хле́бов тропа́рь пра́здника, два́жды. И Креста́ еди́ножды. И чте́ние. На у́трени, на Бог Госпо́дь: тропа́рь воскре́сен два́жды. Сла́ва, Креста́. И ны́не, праздника. По кафизмах, седа́льны воскре́сны, и Богоро́дичны их и чте́ние во Ева́нгелии толково́м: Понепоро́чных, ипакои́ гла́са, и чте́ние во Ева́нгелии. Степе́нна, и проки́мен гла́са. Вся́кое дыха́ние: Ева́нгелие воскре́сно. Псало́м 50. Стихи́ра, глас 8: Покая́ния отве́рзи ми две́ри: и про́чее воскре́сно. Кано́н воскре́сен со ирмосо́м на 4, и пра́здника на 4, и Креста́ на 6. Катава́сия Креста́, о́ба ли́ка вку́пе. По 3-й пе́сни, конда́к пра́здника, и седа́лен Креста́, и чте́ние пра́здника. По 6-й пе́сни, конда́к Креста́, и и́кос, и чте́ние. На 9-й пе́сни, пое́м Честне́йшую: Светилен воскресен: Сла́ва, Креста́. И ны́не, пра́здника. На хвали́тех стихи́ры воскре́сны 3, и Креста́ 2, и пра́здника 3, с припе́вы их, и пото́м припе́в: Воскресни́, Го́споди Бо́же мой: И пое́м самогла́сну стихи́ру Трио́ди. Сла́ва, ту́южде. И ны́не: Преблагослове́нна еси́: Славосло́вие вели́кое. По трисвято́м вход, и пое́м тропа́рь Креста́: Спаси́, Го́споди, лю́ди Твоя́: три́жды. И быва́ет поклоне́ние честно́му Кресту́ по обы́чаю. Та́же ектения́ и оглаше́ние Студи́тово, и отпу́ст, и исхожде́ние.Сла́ва, и ны́не, стихи́ра Ева́нгельская, и час 1-й в притво́ре. На часе́х тропа́рь воскре́сен. Сла́ва, Креста́. И ны́не, Богоро́дичен часо́в. По О́тче наш: конда́к Креста́. На 3-м часе́, тропа́рь воскре́сен. Сла́ва, пра́здника. И ны́не, Богоро́дичен часо́в. По О́тче наш: конда́к пра́здника и Креста́ пременя́ем.

На Литурги́и: Блаже́нны гла́са, на 4, и Креста́ Пе́снь 3-я, на 4, и пра́здника Пе́снь 9-я, на 4. По вхо́де тропа́рь воскре́сен, и Креста́, и пра́здника. Сла́ва, конда́к Креста́. И ны́не, пра́здника. Проки́мен, Апо́стол, аллилуия, Ева́нгелие и прича́стен пре́жде Креста́, и пото́м пра́здника Богоро́дицы. За Досто́йно: О Тебе́ ра́дуется: Арха́нгела Гаврии́ла пое́м слу́жбу в понеде́льник.

А́ще случи́тся отда́ние Благове́щения и собо́р Архистрати́га Гаврии́ла в неде́лю 3-ю поста́ и а́ще е́сть храм его́:

На Вели́цей Вече́рни, Блаже́н муж: кафизма вся. На Го́споди, воззва́х: стихи́ры воскре́сны 3, и Креста́ подо́бны 3, и пра́здника подо́бны 2, и Арха́нгела подо́бны 2, обои́ на 4. Сла́ва, Креста́. И ны́не, пра́здника, или́ Богоро́дичен настоя́щаго гла́са. Вход, проки́мен дне. На лити́и стихи́ры пра́здника. Сла́ва, пра́здника. И ны́не, Креста́. На стихо́вне стихи́ры воскре́сны. Сла́ва, Креста́. И ны́не, пра́здника. На благослове́нии хле́бов, тропа́рь пра́здника два́жды и Креста́ еди́ножды. И чте́ние во Апо́стольских посла́ниях. На у́трени, на Бог Госпо́дь: тропа́рь воскре́сен еди́ножды и Креста́ еди́ножды. Сла́ва, Арха́нгела. И ны́не, пра́здника. По кафизмах, седа́льны воскре́сны, и Богоро́дичны их, и чте́ние во Ева́нгелии толково́м. По непоро́чных, ипакои́ гла́са и чте́ние. Степе́нна и проки́мен гла́са. Ева́нгелие воскре́сно. Воскресе́ние Христо́во: Псало́м 50. Стихи́ра, глас 8: Покая́ния отве́рзи ми : и про́чая. Кано́н воскре́сен со ирмосо́м на 4: и пра́здника 3, и Арха́нгела 3, и Креста́ на 4. Катава́сия Креста́. По 3-й пе́сни конда́к пра́здника, и Арха́нгела, и седа́лен Арха́нгела. Сла́ва, Креста́. И ны́не, пра́здника. По 6-й пе́сни конда́к Креста́ и и́кос. На 9-й пе́сни пое́м Честне́йшую: Свети́лен воскре́сен: Сла́ва, Креста́. И ны́не, пра́здника. На хвали́тех стихи́ры воскре́сны 3, и Креста́ две и Арха́нгела со сла́вою 3, с припе́вы его́. Та́же припе́в: Воскресни́, Го́споди Бо́же мой: и пое́м самогла́сну стихи́ру Трио́ди. Сла́ва, ту́южде. И ны́не: Преблагослове́нна еси́: Славосло́вие вели́кое. По трисвято́м вход, и Креста́ поклоне́ние по обы́чаю, и ектении́, и отпу́ст.Сла́ва, и ны́не, стихи́ра ева́нгельская, и оглаше́ние Студи́тово. И час 1-й в притво́ре. На 1-м часе́, тропа́рь воскре́сен. Сла́ва, Креста́. И ны́не, Богоро́дичен часо́в. По трисвято́м, конда́к Креста́. На 3-м часе́, тропа́рь воскре́сен: Сла́ва, пра́здника. И ны́не, Богоро́дичен часо́в. По трисвято́м конда́к пра́здника, и Креста́, и Арха́нгела глаго́лем, пременя́юще. Блаже́нны гла́са, на 4. И Креста́ Пе́снь 3-я, на 4. И Арха́нгела Пе́снь 6-я, на 4. По вхо́де, тропа́рь воскре́сен, и Креста́, и пра́здника, и Арха́нгела. Конда́к Креста́. Сла́ва, Арха́нгела. И ны́не, пра́здника. Проки́мен Креста́, и Арха́нгела. Апо́стол, аллилуия и Ева́нгелие поежде Креста́, и Арха́нгела. За Досто́йно: пое́м, О Тебе́ ра́дуется: Прича́стен Креста́, и Арха́нгела.

А́ще случи́тся отда́ние Благове́щения в неде́лю 4-ю, или́ 5-ю посто́в:

В суббо́ту на ма́лой вече́рни, стихи́ры по обы́чаю. На вели́цей вече́рни, на Го́споди, воззва́х: стихи́ры воскре́сны 3 и восто́чен Анато́лиев 1, и пра́здника 3, и Арха́нгела 3. Сла́ва, пра́здника. И ны́не, Богоро́дичен пе́рвый гла́са. Вход. Проки́мен дне. На лити́и стихи́ры пра́здника 3, самогла́сны, глас 4, стихо́вны. Сла́ва, и ны́не, пра́здника. На стихо́вне стихи́ры воскре́сны по алфави́ту. Сла́ва, и ны́не, пра́здника. На благослове́нии хле́бов тропа́рь, Богоро́дице Де́во: три́жды. И чте́ние.

На у́трени, на Бог Госпо́дь: тропа́рь воскре́сен два́жды. Сла́ва , Арха́нгела. И ны́не, пра́здника. По кафизмах седа́льны воскре́сны, с Богоро́дичны их, и чте́ние во Ева́нгелии толково́м. И про́чее воскре́сно. Кано́н воскре́сен со ирмосо́м на 4. И Трио́ди на 4. И пра́здника, и Арха́нгела на 6. Катава́сия пра́здника. По 3-й пе́сни конда́к Арха́нгела и седа́лен. Сла́ва, и ны́не, пра́здника. По 6-й пе́сни конда́к пра́здника и и́кос. На 9-й пе́сни, пое́м Честне́йшую: Свети́лен воскре́сен. Сла́ва, Арха́нгела. И ны́не, пра́здника. На хвали́тех стихи́ры воскре́сны 4, и пра́здника 3. И самогла́сен пра́здника, с припе́вом его́. Та́же, припе́в: Воскресни́, Го́споди Бо́же мой: и самогла́сен Трио́ди. Сла́ва, то́йже. И ны́не: Преблагослове́нна еси́: Славосло́вие вели́кое. Тропа́рь воскре́сен, ектении́, и отпу́ст, и оглаше́ние Студи́тово, и обы́чное исхожде́ние. Сла́ва, и ны́не, стихи́ра ева́нгельская, и час 1-й в притво́ре. На часе́х, тропа́рь воскре́сен. Сла́ва, пра́здника. И ны́не, Богоро́дичен часо́в. По О́тче наш: конда́к пра́здника.

На Литурги́и: Блаже́нны гла́са, на 6 и пра́здника Пе́снь 9-я на 4. По вхо́де тропа́рь воскре́сен, и пра́здника, и Арха́нгела. Конда́к воскре́сен. Сла́ва, Арха́нгела. И ны́не, пра́здника. Проки́мен, Апо́стол, аллилуия, Ева́нгелие и прича́стен дне, и пра́здника. Вме́сто Досто́йно: пое́м: О Тебе́ ра́дуется.

А́ще случи́тся отда́ние Благове́щения Пресвяты́я Богоро́дицы в понеде́льник 4-я, или́ 5-я, или́ 6-я неде́ли посто́в:

В неде́лю ве́чера, на Го́споди, воззва́х: стихи́ры Трио́ди 3, и пра́здника 4, и Арха́нгела 3. Сла́ва, и ны́не, пра́здника. Вход. Проки́мен вели́кий, ектения́: Испо́лним вече́рнюю: На стихо́вне стихи́ры Трио́ди, самогла́сен дне два́жды и му́ченичен. Сла́ва, и ны́не, пра́здника. По трисвято́м, тропари́ по чи́ну по́стному, и покло́ны 3 вели́кий, и отпу́ст.

Повече́рие ма́лое без покло́нов, покло́ны от Сла́ва в Вы́шних: на не́мже глаго́лем кано́н рядовы́й мине́и. В понеде́льник на у́трени, пое́м всю слу́жбу, я́коже на ряду́ 26-го числа́ пи́сано.

А́ще отда́ние Благове́щения случи́тся в сре́ду 4-я неде́ли посто́в, е́же е́сть крестопокло́нную:

Во вто́рник ве́чера, на Го́споди, воззва́х: стихи́ры на 10: Трио́ди самогла́сен, дне, два́жды, и му́ченичен, и подо́бны дне 3, и пра́здника 4. Сла́ва, Креста́. И ны́не, пра́здника. Вход. Проки́мен, и чте́ние дне, и пра́здника, и по ряду́ Боже́ственная Литурги́я Златоу́стаго. Арха́нгела же слу́жбу пое́м во ин де́нь или́ на повече́рии. Повече́рие же и у́треню пое́м, я́коже предписа́ся.

На у́трени, кано́н пра́здника со ирмосо́м на 6 и Креста́ на 4. А иде́же трипе́снец, и пое́м кано́н пра́здника со ирмосо́м на 4 и Креста́ на 2. Трипе́снец же пое́м по чи́ну их на 8, последи́ ирмо́с трипе́снца. По 3-й пе́сни, конда́к и и́кос пра́здника, и седа́лен Трио́ди. Сла́ва, и ны́не, пра́здника. По 6-й пе́сни, конда́к и и́кос Креста́. На 9-й пе́сни, пое́м Честне́йшую: Светилен, троичен. На хвали́тех стихи́ры Креста́, на 4 пи́саны во вто́рник ве́чера, на Го́споди, воззва́х: Сла́ва, и ны́не, пра́здника. На стихо́вне Трио́ди. Сла́ва, самогла́сен Трио́ди. И ны́не, па́ки то́йже.

На 1-м часе́, поклоне́ние Креста́, часы́ с покло́ны по по́стному.

А́ще случи́тся отда́ние Благове́щения в четверто́к 5-я неде́ли посто́в.

В сре́ду ве́чера, и в четверто́к на у́трени, пое́м всю слу́жбу пра́здника, с Трио́дию, я́коже указа́ся в де́нь по́стен. А отда́ние пое́м Благове́щения в четверто́к на у́трени с трипе́снцем апо́стольским. Вели́кий бо кано́н прелага́ется, и предпе́т е́сть сея́же седми́цы во вто́рник.

А́ще случи́тся отда́ние пра́здника Благове́щения в суббо́ту ака́фиста:

В пято́к ве́чера пое́м стихи́ры на 10: Трио́ди самогла́сен дне два́жды и пра́здника Богоро́дицы на 8. Сла́ва, Трио́ди: Е́же от ве́ка та́инство: И ны́не, пра́здника: По́слан бы́сть: Вход, и чте́ние дне. и пра́здника два, ектения́ ма́лая, и возгла́с трисвята́го: Я́ко свят еси́, Бо́же: Та́же пое́м: Святы́й Бо́же: Проки́мен, Апо́стол, аллилуия, Ева́нгелие и прича́стен пра́здника, и про́чая Литурги́я Златоу́стаго.

На у́трени, на Бог Госпо́дь: тропа́рь ака́фиста три́жды. По 1-й кафизме, кондаки́ 3, и и́косы 3, и па́ки конда́к 1-й, и чте́ние ака́фиста. По 2-й кафизме, кондаки́ 3, и и́косы 3, и па́ки конда́к 1-й, и чте́ние, псало́м 50. Кано́н пра́здника со ирмосо́м на 6 и ака́фиста на 8. Катава́сия: Отве́рзу уста́ моя́: о́ба ли́ка вку́пе. Четверопе́снца же зде не пое́м, но напре́д пое́м на повече́рии. По 3-й пе́сни кондаки́ 3, и и́косы 3, и па́ки конда́к 1-й, и пото́м седа́лен пра́здника, и чте́ние пра́здника. По 6-й пе́сни, кондаки́ 3, и и́косы 3, та́же конда́к: О Всепе́тая Ма́ти: три́жды, и па́ки и́кос, и конда́к пе́рвый, и чте́ние. На 9-й пе́сни Честне́йшую: не пое́м, но пое́м припе́в пра́здника. Та́же Ирмо́с: Я́ко одушевле́нному: Свети́лен пра́здника два́жды. На хвали́тех стихи́ры Трио́ди на 4.Сла́ва, и ны́не, пра́здника. Славосло́вие вели́кое. По трисвято́м тропа́рь пра́здника, ектении́, и отпу́ст, и час 1-й.

На 1-м часе́ тропа́рь пра́здника. По трисвято́м конда́к пра́здника, и про́чая, и соверше́нный отпу́ст.

На Литурги́и: Блаже́нны ака́фиста, пе́сни 3-я и 6-я. Проки́мен: Вели́чит душа́ Моя́ Го́спода: Апо́стол дне, та́же Богоро́дицы, аллилуия Богоро́дицы. Ева́нгелие дне, та́же Богоро́дицы. За Досто́йно: Ирмо́с: Я́ко одушевле́нному: Прича́стен: Ча́шу спасе́ния прииму́:

А́ще случи́тся отда́ние Благове́щения Пресвяты́я Богоро́дицы в суббо́ту Ла́зареву, или́ в неде́лю Ва́ий, или́ во еди́н от дней стра́стный седми́цы или́ све́тлыя.

И отда́ния Благове́щения не́сть, и пою́тся стихи́ры, и кано́н попра́зднства, и Арха́нгела, на повече́рии в мимоше́дших днех 6-я неде́ли.

Примечание епи́скопа Афана́сия (Сахарова)

Канон Благовещению – исключительный по своему изложению. Он составлен в виде трогательного диалога между небесным благовестником – Ангелом и смиренной Девой, имеющей стать Богородицей. Соответственно такой форме канона и исполнение его должно быть диалогическое, читать его следует двум чтецам, стоящим на правом и левом клиросах или по сторонам царских врат на солее. А чтобы рельефнее представить умилительную беседу Ангела с Богородицею, следует, вопервых, тропари, против которых на поле стоит напечатанное киноварию «Ангел» (в данном издании – «Ангел возопи»), предварять словами: «Ангел возопи», а те, против которых стоит «Богородица» (в данном издании – «Богородица рече»), предварять словами «Богородица рече», впрочем, за исключением тропарей 8-й песни, где таких добавлений делать не следует, так как соответствующие выражения имеются в тексте тропарей этой песни.

Во-вторых, припев к тропарям Благовещенского канона: «Пресвятая Богородице, спаси нас», будет соответственнее произносить третьему чтецу или еще лучше петь их по клиросам. А ради единообразия следует также петь и припевы к тропарям положенных канонов. При строгом исполнении Устава припевы к тропарям канонов следовало бы петь на соответствующие гласы.

В каноне Благовещения в песнях 1-й и с 3-й по 7-ю всего по 4 тропаря и в 8-й и в 9-й по 5, в то время, как по Уставу при совпадении Благовещения с воскресным днем тропари праздника должно петь или читать на 6, а в будничные дни в тех песнях, где нет трипеснца Триоди, их должно петь или читать на 12. Одно из основных требований церковного Устава в отношении тропарей канона, как и в отношении стихир и других песнопений, состоит в том, что, если в службе песнопений меньше, чем на сколько их должно исполнить, то нельзя, пропев или прочитав все по однажды, начать снова с первого весь ряд их и так повторять, пока не завершится назначенное Уставом число, но следует заранее рассчитать, сколько раз каждое песнопение должно быть повторено и, только пропев или прочитав каждое песнопение положенное число раз, переходить к следующему. Песнопение, исполненное соответствующее число раз, не может быть более повторяемо в том же ряду, если не будет на это нарочитых указаний Устава. Таким образом, если, например, при 4-х песнопениях их нужно исполнить на 6, то нельзя сначала исполнить все песнопения по однажды, а потом снова повторить еще раз 1-е и за ним 2-е, но должно сначала 1-е песнопение исполнить дважды, потом также дважды 2-е песнопение и затем по однажды 3-е и 4-е.

От этого строго соблюдаемого правила может быть сделано отступление при чтении Благовещенского канона ради того, чтобы не нарушить его диалогическую форму, и чтецам должно следить за тем, чтобы одни и те же слова Богоматери или Архангела не повторялись дважды подряд. Только в 8-й песни канона, когда оканчивается диалог между Богоматерию и Архангелом, последний тропарь – слова Богоматери, исповедающей теперь, что все сомнения Ее разрешились, что Она видит теперь в Своем собеседнике «истины вещателя» и потому спокойно со смирением предается в волю Божию: «по глаголу твоему буди Мне», – этот тропарь может быть прочитан подряд два раза, и второй чтец, все время произносивший только слова Архангела, на этот раз произносит слова Богоматери, как бы от лица того же Архангела, исполнившего Божие повеление и теперь в священном восторге повторяющего последнюю фразу Богоматери, как заключение, как итог всей беседы.

Обычно там, где строго соблюдаются церковные традиции, первый лик начинает в каноне всегда нечетные песни (1, 3, 5, 7, 9), а второй лик четные (2, когда она бывает, 4, 6, 8). Соответственно должны поступать и чтецы канона, если при антифонном исполнении его их будет два. Но в праздник Благовещения, ради того, чтобы слова Богоматери не пришлось читать то первому чтецу, то второму, соответственнее будет, чтобы все песни – и четные, и нечетные начинал пением только первый лик, а чтением – только первый чтец.

Впрочем, если Благовещение совпадает с воскресным днем, так как на 8-й песни ирмос поется единожды, то будет соответственнее, чтобы его исполнял 2-й лик. Тогда 1-й лик пропоет припев к 1-му тропарю, который, как слова Богородицы, должен читать 1-й чтец. По церковному Уставу канон на утрени в течение всего года, за исключением только страстной и пасхальной седмиц, должен соединяться с пением стихов библейских пророческих песней. Поэтому при точном исполнении Устава и в праздник

Благовещения следовало бы праздничный канон соединить с пророческими песнями, разумеется, не в великопостной их редакции, а в праздничной, обозначаемой в Уставе термином «Поим Господеви». К сожалению, это уставное требование у нас совсем забыто. Пророческие песни у нас стихословятся только в будничные дни святой Четыредесятницы, а во все остальное время года тропари канона, вместо стихов пророческих песней, всегда предваряются обычными молебными припевами.